Britaniya alimləri dişləri plombsuz müalicə etmək üsulunu tapıblar

Britaniya alimləri dişləri plombsuz müalicə etmək üsulunu tapıblar
10 2017 13:31

Britaniya alimləri bildirirlər ki, zədələnmiş dişləri plombsuz bərpa etmək mümkündür.

AZƏRTAC “bbc.com” saytına istinadla xəbər verir ki, London Kral Kollecindən bir qrup alimin fikrincə, “Tideglusib” adlı kimyəvi maddə siçanlarda olan diş pulpası hüceyrələrini dişdəki kiçik deşiyi sağaltmağa yönəldə bilər. Bu üsul “tam və səmərəli təbii yolla bərpa olunmağa” gətirib çıxaracaq.

Dişlərdə regenerasiya qabiliyyəti çox məhduddur. Əgər daxili diş pulpası dağılarsa, insan orqanizmi sərt diş toxuması olan dentinin nazik təbəqəsini əmələ gətirməyə qadirdir, lakin böyük zədələr bu yolla sağalmır.

Stomatoloqlar kariyesi adətən metal amalqamadan olan plombun və ya tozabənzər şüşə və keramika kompozitinin köməyilə müalicə edirlər. Lakin plombları müntəzəm dəyişmək lazımdır. Odur ki, tədqiqatçılar dişlərin təbii regenerativ qabiliyyətini gücləndirməyə ümid bəsləyirlər.

Alimlər bildirirlər ki, “Tideglusib” preparatı diş pulpasında gövdə hüceyrələrinin fəallığını artırır ki, bu da siçanların dişində 0,13 millimetr diametrində deşiyi bərpa etməyə imkan verir. Dişin zədələnmiş hissəsinə preparata hopdurulmuş bioloji üsulla həll olan süngər yerləşdirilib və üstü qoruyucu maddə ilə örtülüb. Süngər parçalanandan sonra onu dentin əvəz edib və diş sağalıb.

Hazırda tədqiqatçılar bu yolla daha böyük zədəsi olan dişi bərpa etməyin mümkünlüyünü araşdırırlar.


8 Apr 2021
Səhiyyə - Sağlamlıq

Qurmanların dadlı yeməyi - əsl xəzinədır

Yaz - hər bir insanın həyatında xüsusi bir dövrdür - orqanizmin özünü aktiv şəkildə yenilədiyi və bərpa etdiyi dövr.

7 Apr 2021
Səhiyyə - Sağlamlıq

400 nəfərədək əhali səyyar formada tibbi müayinə ediləcək - FOTO

Daşkəsən rayonunun Quşçu kəndində səyyar müayinə aksiyasına start verilib.

7 Apr 2021
Səhiyyə - Sağlamlıq

Səhiyyə Nazirliyinin səlahiyyətləri TƏBİB-ə verilir

Tibbi Ərazi Bölmələri İdarəetmə Birliyinə (TƏBİB) yeni səlahiyyətlər verilir.  

7 Apr 2021
Səhiyyə - Sağlamlıq

Sistitin yaranma səbəbi nə ola bilər, bundan necə qorunmaq olar?

Sidiyə getmə zamanı yaranan problemlər insanda böyük psixoloji diskomfort yaradır. Belə hallar ağir sayılmır, amma yumşaq desək xoşagəlməzdir. Tez-tez və çətin sidiyə getmə, sidik kisəsinin tam boşalmaması hissi, sidiyi saxlaya bilməmək – bu həmişə yaşlılara aid bir hal deyil, həm qadınların həm də kişilərın həyatının müxtəlif dövrlərində yarana bilər. Bu problemdən heç kim sığortalanmayıb. Bu əlamətlər sistit zamanı yaranır.

2 Apr 2021
Səhiyyə - Sağlamlıq

Sağlam bir həyat üçün bədəninizi vitaminsiz qoymayın!

Biz sağlamlığımızı nədən itiririk? Pis ekoloji durum, bakteriya və virus infeksiyalarının artması, təmiz havada az olmaq, fiziki aktivliyin azalması, passiv həyat tərzi, oturaq iş rejimi, günəş və təbii su vannalarından az qəbul edilməsi, keyfiyyəti qənaətbəxş olmayan ərzaqlardan istifadə, həddən çox yemək, balanslaşdırılmamış və rejimsiz qida qəbulu, xüsusilə gecə saatlarında, zərərli vərdişlər (alkoqol, siqaret və s.), nəzarətsiz antibiotik qəbulu, stress, yorğunluq, psixi və emosional gərginlik və s. immuniteti azaldan səbəblərdir.