Binəqədidə 20 Yanvar şəhidlərinin xatirəsi anılıb

Binəqədidə 20 Yanvar şəhidlərinin xatirəsi anılıb
20 2017 15:53

Binəqədi rayonunda “Güllə Yağışı” abidəsinin önündə 20 Yanvar şəhidlərinin xatirəsi anılıb.

Binəqədi rayon İcra Hakimiyyətindən Trend-ə verilən məlumata görə, yanvarın 19-da Biləcəri qəsəbəsi “Güllə Yağışı” abidəsinin önündə 20 Yanvar faciəsinin 27-cı ildönümünə həsr olunmuş anım mərasimi keçirilib.

Tədbirdə Rayon İcra Hakimiyyəti başçısının birinci müavini İlqar Süleymanov, Rayon İcra Hakimiyyəti başçısının müavinləri Vüsar İsmayılov və Aygün Əliyeva, Aparatın şöbə müdirləri, rayonun hüquq mühafizə orqanları və icra strukturlarının rəhbərləri, rayon sakinləri olan 20 Yanvar əlilləri və şəhid ailələrinin üzvləri, fəal gənclər və rayon ictimaiyyətinin nümayəndələri iştirak ediblər.

Biləcəri qəsəbəsində 20 Yanvar şəhidlərinin xatirəsinə ucaldılmış “Güllə Yağışı” abidəsinin önünə gül dəstələrinin qoyulması ilə başlayan anım mərasimində faciə qurbanların xatirəsi bir dəqiqəlik sükutla yad edildi. Aparıcı 20 Yanvar faciəsi barədə məlumat verərək, Azərbaycan xalqının istiqlal mübarizəsi tarixində 20 Yanvar şəhidlərinin öz qanları ilə yazdıqları şərəfli səhifədən danışıb.

Tədbirdə çıxış edənlər “20 Yanvar” Cəmiyyətinin rayon şöbəsinin sədri Mübariz İsmayılov, 20 Yanvar şəhidi Fərizə Allahverdiyevanın anası Bağda Nəbiyeva və Binəqədi Rayon İcra Hakimiyyəti başçısının birinci müavini İlqar Süleymanov çıxış edərək 20 Yanvar faciəsindən 27 il ötməsinə baxmayaraq həmin o məşəqqətli günlər hər birimizin yaddaşına əbədi həkk olunduğunu diqqətə çatdırdılar. Natiqlər qeyd etdilər ki, həmin gün Azərbaycan tarixində qanla yazılmış bir səhifədir, ancaq təkcə faciə deyil. Bu tarix Azərbaycanın istiqlal yolunun ilk zirvəsi, milli məfkurəmizin azadlıq istəyinin oyanış günü idi. Natiqlər çıxışlarında vurğuladılar ki, bütün sahələrdə həyata keçirdiyi layihələri, xeyirxahlıq missiyası ilə nəinki ölkəmizdə, dünyada diqqət mərkəzində olan Heydər Əliyev Fondu və onun Prezidenti Mehriban xanım Əliyeva müharibə veteranlarının, şəhid ailələrinin, əlillərin problemlərinə də böyük qayğı ilə yanaşır. Heydər Əliyev Fondu 20 Yanvar şəhidlərinin xatirəsinin əbədiləşdirilməsi, faciə qurbanlarının ailələrinin problemlərinin həlli, sağlamlığının bərpası istiqamətində mühüm işlər görür. O cümlədən, çıxışlarda Qələbə gününün uzaqda olmadığını diqqətə çatdıran natiqlər bu qələbəyə həm də Azərbaycanın bugünkü hərtərəfli uğurları, bütün dünyada gündən-günə artan nüfuzu, dövlətimizin başçısı, Ali Baş Komandan, Prezident İlham Əliyevin bu istiqamətdə qətiyyətli addımlarının da zəmanət verdiyini bildiriblər.

Daha sonra tədbirdə Şirzad Pirallahının ifasında Vətənpərvərlik şeri və Azərbaycanın tanınmış hərbi diktoru, hərbi vətənpərvərlik mahnılarının ifaçısı, "Vətənpərvərliyin Təbliğinə Dəstək" İctimai Birliyinin sədri Şəmistan Əlizamanlının ifasında vətənpərvərlik mahnısı ifa edilib.

Anım mərasimi bitdikdən sonra gecə saatlarına qədər tədbir iştirakçıları və rayon ictimaiyyəti “Güllə Yağışı” abidəsinin önünə gül dəstələri qoyaraq xalqımızın azadlığı yolunda canlarından keçən şəhidlərin ruhuna öz ehtiramlarını bildiriblər.


10 İyul 2020
Cəmiyyət

AZAL sərnişinlərə müraciət etdi

“Yaranan suallar ilə əlaqədar olaraq, Azərbaycanın milli aviadaşıyıcısının (AZAL) xüsusi və çarter reyslərinə aviabilet satışı haqqında müxtəlif məlumatların meydana çıxması ilə əlaqədar AZAL aviaşirkəti yalnız Azərbaycan Respublikasının Nazirlər Kabineti yanında operativ qərargahın, aviaşirkətin və ya səfirliyin/konsulluğun təqdim etdiyi rəsmi məlumata etibar etməyi sərnişinlərdən bir daha xahiş edir”.

10 İyul 2020
Cəmiyyət

Kamran Əliyevdən yeni TƏYİNAT - ÖZƏL

Prokurorluq orqanlarında kadr dəyişikliyi olub.

10 İyul 2020
Cəmiyyət

Daşkəsənə istirahətə gedənlər cərimələndi - FOTO

Ölkə ərazisində elan edilmiş xüsusi karantin rejiminin tələblərini pozaraq məsuliyyətsiz davranışlar sərgiləyən, eləcə də digər rayonlara istirahət üçün üz tutan şəxslərlə bağlı tədbirlər davam etdirilir.

10 İyul 2020
Cəmiyyət

Azərbaycana çəyirtkələrin “yürüşü” - VİDEO

İyun ayının sonlarında güclü şimal-şərq küləklərindən sonra ölkə xaricindən Azərbaycanın şimal bölgəsinə Asiya çəyirtkələrinin miqrasiyası müşahidə olunub.

10 İyul 2020
Cəmiyyət

Ədalət Vəliyev parlament partiyalarını niyə bir araya topladı? - ŞƏRH

“Prezident Administrasiyasında Siyasi partiyalar və qanunvericilik hakimiyyəti ilə əlaqələr şöbəsi yaradılandan sonra siyasi partiyalarla iş sahəsində çox böyük canlanma yaranıb. Bu şöbənin rəhbəri Ədalət Vəliyev mütəmadi olaraq partiya rəhbərləri ilə görüşür, onların təkliflərini və problemlərini dinləyir. Ədalət Vəliyev partiya rəhbərlərinin qaldırdığı məsələləri ölkə rəhbərliyinə çatdırır”.