Binəqədidə "Torpaq uğrunda ölən varsa, Vətəndir" tədbiri keçirilib

Binəqədidə "Torpaq uğrunda ölən varsa, Vətəndir" tədbiri keçirilib
14 2017 16:39

Binəqədi rayonunda “Torpaq uğrunda ölən varsa, Vətəndir” mövzusunda tədbir keçirilib.

Binəqədi rayon İcra Hakimiyyətinin İctimai-siyasi və humanitar məsələlər şöbəsindən Trend-ə verilən məlumata görə, yanvarın 13-də aprel döyüşlərində qəhrəmancasına həlak olmuş şəhid Fəxrəddin Qurbanlının doğum günü ilə əlaqədar Binəqədi rayonundan həqiqi hərbi xidmətə çağırılmış gənc çağırışçılar və rayonun fəal gəncləri şəhid Fəxrəddin Qurbanlının məzarını ziyarət ediblər.

Ziyarətdən sonra Rayon İcra Hakimiyyətinin təşkilatçılığı və Rayon Səfərbərlik və Hərbi Xidmətə Çağırış İdarəsinin, Rayon Gənclər və İdman İdarəsinin təşkilati dəstəyi ilə keçirilən tədbir Binəqədi Mərkəzi Mədəniyyət Evində davam edib. Azərbaycanın Dövlət Himni ilə açıq elan olunan tədbirdə çıxış etmək üçün ilk söz şəhidin təhsil aldığı 179 nömrəli tam orta məktəbin direktoru Almaz İsmayılovaya verilib. Natiq çıxışında şəhidin məktəb illərindən söz açıb.

Tədbirdə çıxış üçün söz F.Qurbanlının atası Seyfəddin Qurbanova verilib. Şəhidin atası tədbirdə iştirak edən şəxslərə minnətdarlığını bildirərək, dövlətimizin şəhid ailələrinə qayğısından razılığını ifadə edib. Sonra çıxış üçün söz alan şəhidin təhsil aldığı Azərbaycan Universitetinin dekanı Aygün Musayeva, Rayon Səfərbərlik və Hərbi Xidmətə Çağırış İdarəsinin rəisi Novruz Rəhimov və Binəqədi rayon İcra Hakimiyyəti başçısının müavini Aygün Əliyeva nitqlərində şəhid Fəxrəddin Qurbanlının timsalında bütün şəhidlərin əbədi olaraq Azərbaycan xalqının qəlbində yaşayacağını vurğulayaraq, onların ailələrinə dərin hüznlə başsağlığı veriblər.

Tədbirin rəsmi hissəsi bitdikdən sonra şəhidin təhsil aldığı 179 nömrəli orta məktəbin istedadlı şagirlərinin ifasında bədii kompozisiya nümayiş olunub. Alqışların sədası ilə bitən kompozisiyadan sonra Azərbaycanın tanınmış hərbi diktoru, hərbi vətənpərvərlik mahnılarının ifaçısı, "Vətənpərvərliyin Təbliğinə Dəstək" İctimai Birliyinin sədri Şəmistan Əlizamanlı səmimi hisslərini tədbir iştirakçıları ilə bölüşüb, sonra isə vətənpərvərlik ruhunda mahnılar ifa edib.

İfa olunan mahnıların müşaiyəti ilə Binəqədi rayonundan həqiqi hərbi xidmətə çağırılmış gənc çağırışçılar Azərbaycanın Dövlət Bayrağını öpərək hərbi xidmətə yola düşüblər.


10 İyul 2020
Cəmiyyət

Prezidentin köməkçisi pandemiya dövründə Azərbaycana gətirilən vətəndaşların sayını açıqladı

“Pandemiya başlayandan bu günə qədər dövlət başçımızın tapşırığına əsasən, xaricdə olan 20 mindən artıq Azərbaycan vətəndaşı hava nəqliyyatı vasitəsilə ölkəmizə gətirilib”.

10 İyul 2020
Cəmiyyət

AZAL sərnişinlərə müraciət etdi

“Yaranan suallar ilə əlaqədar olaraq, Azərbaycanın milli aviadaşıyıcısının (AZAL) xüsusi və çarter reyslərinə aviabilet satışı haqqında müxtəlif məlumatların meydana çıxması ilə əlaqədar AZAL aviaşirkəti yalnız Azərbaycan Respublikasının Nazirlər Kabineti yanında operativ qərargahın, aviaşirkətin və ya səfirliyin/konsulluğun təqdim etdiyi rəsmi məlumata etibar etməyi sərnişinlərdən bir daha xahiş edir”.

10 İyul 2020
Cəmiyyət

Kamran Əliyevdən yeni TƏYİNAT - ÖZƏL

Prokurorluq orqanlarında kadr dəyişikliyi olub.

10 İyul 2020
Cəmiyyət

Daşkəsənə istirahətə gedənlər cərimələndi - FOTO

Ölkə ərazisində elan edilmiş xüsusi karantin rejiminin tələblərini pozaraq məsuliyyətsiz davranışlar sərgiləyən, eləcə də digər rayonlara istirahət üçün üz tutan şəxslərlə bağlı tədbirlər davam etdirilir.