Davosda növbəti foruma toplaşan beynəlxalq alimlər qrupu Yer kürəsində təhlükəli virusların yayılması mövzusunun müzakirəsi zamanı ən təhlükəli üç virusun adlarını açıqlayıb. AZƏRTAC “Aktualnıye novosti” saytına istinadla xəbər verir ki, bunlar Nipa, MERS və Lasse viruslarıdır.
Mütəxəssislərinin fikrincə, ciddi xəstəliklər törədən “Middle East respiratory syndrome” (MERS) sindromunu xüsusi nəzarətə götürmək lazımdır, çünki planetimizdə kəskin respirator ağrılar və ensefalit törədən çox təhlükəli mikroorqanizmlər yayıla bilər. Nipa virusuna qarşı səmərəli spesifik müalicə indiyə qədər tapılmayıb.
Orqanizmin sistemlərini və daxili orqanları (qaraciyər və böyrək) sıradan çıxaran Lasse qızdırması dünya ölkələrində sürətlə yayılan çox təhlükəli xəstəlikdir. Bəzi hallarda bu xəstəlik sağalmaz olur. Virusun bu tipi üzrə ölüm halları 50 faizdən çoxdur.
“Komsomolskaya pravda” qəzetinin yazdığına görə, alimlər bu viruslara qarşı yeni vaksinlərin hazırlanması üçün ən azı yarım milyon dollar ayrılmasını xahiş ediblər. Belə ki, bu ölümcül infeksiyalar əleyhinə padzəhr qısa müddətdə yaradılmalıdır.
Qeyd edək ki, əvvəllər bu xəstəliklərə qarşı mübarizə aparmaq üçün alimlərə təqribən 460 milyon dollar vəsait ayrılmışdı. Amma bu məbləğ yetərli olmadı. Buna görə də mütəxəssislər forumda investorlara və sponsorlara eynən bu qədər məbləğin ayrılması xahişi ilə müraciət ediblər.
Ölkədə şəkərli diabet xəstələrinin dərmanlarla təminatında ciddi problemlər var.
Rusiyalı diyetoloq Yevgeniya Deqtyannikova qanda hemoqlobinin səviyyəsini artırmağa kömək edən bir sıra məhsullar haqqında fikirlərini bölüşüb.
İnsanlarda görmə kəskinliyi statik (stasionar) və dinamik (hərəkətli) şəraitdə kiçik detalları tanımaq qabiliyyəti ilə qiymətləndirilir.
24-26 may tarixlərində, La Roche-Posay Azərbaycanın, Аzərbaycan Dermatoveneroloqlar Assosiasiyasının, Bakı Pataloji mərkəzinin təşkilatçılığı və Zəfəran Hospitalın dəstəyi ilə “Dəri xərçənginin diaqnostikası günləri” aksiyası keçiriləcəkdir.
Hamiləlik zamanı qadının orqanizmi çox ciddi yükləmələrə məruz qalır. Qadının orqanizmində yeni həyat inkişaf edir və bu həyatın normal inkişafı üçün müxtəlif vitaminlər, mikroelementlər və s. maddələr lazımdır. Hamiləlik zamanı hətta bir vacib vitaminin və ya mikroelementin çatışmazlığı həm uşağın inkişafına, həm də qadının səhhətinə mənfi təsir edir. Məsələn, uşağın sümüklərinin formalaşmasına və böyüməsinə çoxlu miqdarda kalsium elementi lazımdır. Bu element ananın orqanizminə lazım olan miqdarda daxil olmadıqda, körpədən çox ana əziyyət çəkir. Körpə ananın orqanizmindən özünə lazım olan kalsiumu sovurur ki, bunun nəticəsində ananın dişlərindən, sümüklərindən, saçlarından kalsium yuyulur. Məhz bu səbəbdən qadının orqanizmində hamiləlikdən öncə kalsium defisiti varsa və ya hamiləlik zamanı lazım olan miqdarda kalsium qəbul etmirsə, o zaman qadınlarda dişlər ovulmağa başlayır, saçlar tökülür, ayaqlarda qıcolmalar olur.
