Yaşayırsansa, deməli, nəfəs alırsan!
Nəfəs - bizim şüurlu iştirakımız olmadan işləyən təbii mexanizmdir. Ona görə nəfəsi necə alıb-verdiyimizə çox vaxt fikir vermirik. Halbuki, sağlamlığımız məhz nəfəsi düzgün alıb-verməyimizdən çox asılıdır.
Həyatın ritmi daim tələsməyə, əsəb gərginliyi keçirməyə vadar edir. Bu cür həyat tərzi sağlam nəfəsin əsas düşmənidir.
REALPRESS.Az publika.az-a istinadən bu yazıda düzgün nəfəs alıb-verməyin sirrini açacaq:
Qorxanda, həyəcanlananda, yaxud onurğa əyriliyi müşahidə olunduqda nəfəs almaq çətinləşir. İnsan qırıq-qırıq, yaxud da əksinə, tez-tez nəfəs alır. Bundan başqa, əgər tez-tez əsnəyirsinizsə, dişlərinizi möhkəm sıxırsınızsa, gecələr yatanda boynunuzda və çiyinlərinizdə ağrılar hiss edirsinizsə, xroniki yorğunluq varsa, bütün bunlar orqanizmdə oksigen azlığından xəbər verir. Amma narahat olmayın. Cəmi bir ay ərzində bəzi məqamları izləməklə düzgün nəfəs almağı öyrənmək olar. Unutmayın ki, nəfəs bədəni və ruhu bir-birinə bağlayır!
1. Heç bir halda yöndəmsiz durmayın!
Diafraqmanın köməyi ilə nəfəs almaq lazımdır. Bir əli sinəyə, digər əli isə qarnınıza qoyun. Düzgün nəfəs alırsınızsa, əliniz sinədə hərəkətsiz qalacaq, qarnınıza qoyduğunuz əliniz isə içəri doğru gedəcək. Bu da diafraqma və qabırğaarası əzələlərin yaxşı işlədiyini göstərir.
2. Burnunuzla nəfəs alın!
Həmişə burnunuzdan nəfəs almağa çalışın. Beləliklə də, siz həm yüngül nəfəs alacaq, həm də xəstəlik törədən bakteriyaların ağzınıza düşməsinə imkan verməyəcəksiniz. Yalnız idman zamanı ağızla nəfəs almaq lazımdır. Məsələn, qaçış zamanı.
3. Özünüzə həddindən artıq əziyyət verməyin
Çox dərindən nəfəs almaq lazım deyil, nəfəsin alınması prosesi rəvan və rahat olmalıdır. Çox dərindən nəfəs almaq başgicəllənmə hissi yarada bilər.
4. Fasilə verin
Nəfəs alıb verdikdən sonra bir az fasilə verin. Sağlam nəfəsin standart sxemi belə olmalıdır. Bu, çox sürətlə nəfəs alıb-verməməyə nəzarət edir.
5. Dayanma
Çox vaxt zehni yorğunluq zamanı özümüz də dərk etmədən nəfəsimizi saxlayırıq. Ona görə də gərgin iş rejimində özünüzə nəzarət edin. "Nəfəsini gizlətmək" təbii ritm vurmasına mane olmaq deməkdir.
6. Ucadan oxuyun
Sağlam tənəffüs məşqləri üçün ən yaxşı üsul ucadan oxumaqdır. Üstəlik, bu, insanda xoş əhval-ruhiyyə yaradır!
Sadaladığımız sadə prinsiplər bədəni canlandıracaq və zehninizi açacaq. Düzgün nəfəsalma texnikası yoqada da daim tətbiq olunur. Mütəmadi olaraq yoqa ilə məşğul olmaqla düzgün nəfəs texnikasına yiyələnə bilərsiniz.
Ölkədə şəkərli diabet xəstələrinin dərmanlarla təminatında ciddi problemlər var.
Rusiyalı diyetoloq Yevgeniya Deqtyannikova qanda hemoqlobinin səviyyəsini artırmağa kömək edən bir sıra məhsullar haqqında fikirlərini bölüşüb.
İnsanlarda görmə kəskinliyi statik (stasionar) və dinamik (hərəkətli) şəraitdə kiçik detalları tanımaq qabiliyyəti ilə qiymətləndirilir.
24-26 may tarixlərində, La Roche-Posay Azərbaycanın, Аzərbaycan Dermatoveneroloqlar Assosiasiyasının, Bakı Pataloji mərkəzinin təşkilatçılığı və Zəfəran Hospitalın dəstəyi ilə “Dəri xərçənginin diaqnostikası günləri” aksiyası keçiriləcəkdir.
Hamiləlik zamanı qadının orqanizmi çox ciddi yükləmələrə məruz qalır. Qadının orqanizmində yeni həyat inkişaf edir və bu həyatın normal inkişafı üçün müxtəlif vitaminlər, mikroelementlər və s. maddələr lazımdır. Hamiləlik zamanı hətta bir vacib vitaminin və ya mikroelementin çatışmazlığı həm uşağın inkişafına, həm də qadının səhhətinə mənfi təsir edir. Məsələn, uşağın sümüklərinin formalaşmasına və böyüməsinə çoxlu miqdarda kalsium elementi lazımdır. Bu element ananın orqanizminə lazım olan miqdarda daxil olmadıqda, körpədən çox ana əziyyət çəkir. Körpə ananın orqanizmindən özünə lazım olan kalsiumu sovurur ki, bunun nəticəsində ananın dişlərindən, sümüklərindən, saçlarından kalsium yuyulur. Məhz bu səbəbdən qadının orqanizmində hamiləlikdən öncə kalsium defisiti varsa və ya hamiləlik zamanı lazım olan miqdarda kalsium qəbul etmirsə, o zaman qadınlarda dişlər ovulmağa başlayır, saçlar tökülür, ayaqlarda qıcolmalar olur.
