Bayram günlərində yol polisi tərəfindən respublika yollarında keçirilən reydlər nəticəsində 22 mindən artıq sürücü inzibati məsuliyyətə cəlb olunub. Bunu Trend-ə Daxili İşlər Nazirliyi Respublika Baş Dövlət Yol Polisi İdarəsinin İctimaiyyətlə əlaqələr şöbəsinin rəisi, polis polkovniki Kamran Əliyev deyib.
K.Əliyev bildirib ki, müəyyən edilmiş inzibati xətaların 11 mindən çoxu sürət həddinin aşılması ilə bağlı olub. K.Əliyev vurğulayıb ki, həmçinin reydlər zamanı 244 sərxoş sürücü aşkarlanıb.
Şöbə rəisi bildirib ki, inzibati xətalarla bağlı protokolların təxminən 60 faizi elektron qaydada tərtib olunub, digərləri isə yol polisi əməkdaşları tərəfindən vizual aşkarlanıb və sənədləşdirilib.
Bu gün Azərbaycanda 15 077 nəfərə vaksin vurulub.
Azərbaycanda koronavirus (COVID-19) infeksiyasına 2 047 yeni yoluxma faktı qeydə alınıb, 2 610 nəfər müalicə olunaraq sağalıb.
Səbail Rayon Məhkəməsində Xarici İşlər Nazirliyinin İşlər idarəsinin sabiq müdiri Fərhad Molla-zadə, Konsulluq idarəsinin sabiq rəisi Faiq Bağırov və digər vəzifəli şəxsləri Nurupaşa Abdullayev, Səlim Əlizadə və İlqar Əliyevin barələrində seçilmiş ev dustaqlığı qətimkan tədbirinin uzadılması ilə bağlı istintaq orqanının təqdimatına baxılıb.
