Bakıda sovet əsgərlərinin məzarları dağıdılıb?

Bakıda sovet əsgərlərinin məzarları dağıdılıb?
30 2017 14:23

Daxili İşlər Nazirliyi (DİN) Rusiyanın “Life.ru” xəbər portalında Bakı şəhərində sovet əsgərlərinin dəfn olunduğu qəbiristanlıqda məzarların guya dağıdılması, onların ətrafına çəkilmiş dəmir çərçivələrin naməlum şəxslər tərəfindən oğurlanması barədə yayılan informasiyaya münasibət bildirib.

REALPRESS.Az xəbər verir ki, Nazirliyin Mətbuat Xidmətinin rəisi, polis polkovniki Ehsan Zahidov APA-nın sorğusuna cavabında “Life.ru” kimi ciddi bir xəbər portalının haradansa əldə etdiyi məlumatı dəqiqləşdirmədən, müvafiq araşdırma aparmadan tez-tələsik yayımlamasının təəssüf hissi doğurduğunu qeyd edib: “Buna baxmayaraq, fəxrlə bildirmək istəyirəm ki, bu gün Azərbaycanda bütün dinlərin nümayəndələri qardaşlıq və mehribanlıq şəraitində bir ailə kimi yaşayırlar. İstər ölkəmizin paytaxtında, istərsə də regionlarındakı müxtəlif dinlərə məxsus olan çoxsaylı abidələrdə, maddi-mədəniyyət nümunələrində yeri gəldikcə təmir-bərpa işləri aparılır və mühafizə edilir. Yəni, Azərbaycanda dini, milli məsələlərin həlində çox böyük uğurlar əldə olunub ki, bu da hamı tərəfindən etiraf edilir. O ki qaldı Bakı şəhər sakini Dmitri adlı vətəndaşın şikayətinə, onu da araşdırdım. Məlum oldu ki, sözügedən qəbiristanlıq paytaxtın Sabunçu rayonunun Zabrat qəsəbəsində yerləşir. Xəbərdə qeyd olunduğu kimi, həmin qəbiristanlıqda təkcə sovet əsgərləri dəfn edilməyib, ora ümumi qəbiristanlıqdır.

Sinqin Dmitri Gennadiyeviçin valideynləri də orada dəfn olunublar. Oradakı qəbirlərin kütləvi şəkildə dağıdılmasından söhbət belə gedə bilməz. Cəmi iki qəbrin ətrafına çəkilmiş çərçivələr oğurlanıb ki, belə hallara az da olsa, digər qəbiristanlıqlarda, o cümlədən müsəlman qəbiristanlıqlarında da rast gəlmək olar. Bununla belə, iki qəbrin ətrafına çəkilmiş metal çərçivələrin sökülərək oğurlanması faktı Sabunçu Rayon Polis İdarəsində qeydə alınıb və bu fakt üzrə zəruri araşdırmalar, tədbirlər həyata keçirilir. Bu barədə vətəndaş Dmitri Sinqinə də rəsmi məlumat verilib.

Sonda onu da qeyd etmək istərdim ki, metal oğruları üçün müsəlman, xristian qəbiristanlıqlarının heç bir fərqi yoxdur. Onlar fürsət düşən kimi, öz bəd əməllərini istənilən yerdə həyata keçirməyə cəhd edirlər. Əsas da odur ki, belələri gec-tez hüquq-mühafizə orqanları tərəfindən ifşa edilərək məsuliyyətə cəlb olunurlar”.

Xatırladaq ki, Rusiyanın “Life.ru” xəbər portalında Bakı şəhərində sovet əsgərlərinin dəfn olunduğu qəbiristanlıqda məzarların guya dağıdılması, onların ətrafına çəkilmiş dəmir çərçivələrin naməlum şəxslər tərəfindən oğurlanması barədə məlumat verilib. Hətta nümunə kimi, Dmitri adlı Bakı sakininin həmin qəbiristanlıqda dəfn edilmiş, sovet əsgəri olan babasının məzarının da vandalizmə məruz qaldığı bildirilir.


19 İyun 2021
Cəmiyyət

Müdafiə Nazirliyinin münayəndə heyəti Mübariz İbrahimovun məzarını ziyarət etdi - FOTO

Azərbaycanın Milli Qəhrəmanı Mübariz İbrahimovun torpaqlarımızın müdafiəsi uğrunda canından keçərək şəhidlik zirvəsinə yüksəlməsinin ildönümündə Müdafiə Nazirliyinin nümayəndə heyəti igidimizin məzarını ziyarət edib, üzərinə gül dəstələri düzüblər.

19 İyun 2021
Cəmiyyət

Ceyhun Bayramovla baş katib Şuşa Bəyannaməsini müzakirə etdilər

Antalya Diplomatiya Forumunda iştirakı çərçivəsində Azərbaycan Respublikasının xarici işlər naziri Ceyhun Bayramov Türkdilli Dövlətlərin Əməkdaşlıq Şurasının (Türk Şurası) Baş katibi Bağdad Amreyev ilə görüşüb.

19 İyun 2021
Cəmiyyət

Ceyhun Bayramov Qaqauz rəhbərinə azad edilmiş ərazilər barədə məlumat verib – YENİLƏNİB + FOTO

Türkiyədə keçirilən Antalya Diplomatiya Forumunda iştirakı çərçivəsində Azərbaycan Respublikasının xarici işlər naziri Ceyhun Bayramov Moldova Respublikasının Qaqauz Muxtar Ərazisinin rəhbəri İrina Vlah ilə görüşüb.

19 İyun 2021
Cəmiyyət

Teymur Rəcəbov iranlı şahmatçıya qalib gəldi

Parisdə Azərbaycan şahmatçısı Teymur Rəcəbovun da qatıldığı nüfuzlu “Grand Chess Tour” yarışının ikinci mərhələsinin ilk 3 turu keçirilib.