Bakıda qeydə alınan ən bahalı yaşayış evinin qiyməti 3.3 milyon manatdır.
Bunu Trend-ə “MBA Group” konsaltinq şirkətinin baş direktoru, daşınmaz əmlak sahəsində ekspert Nüsrət İbrahimov deyib.
N.İbrahimov bildirib ki, həmin yaşayış evi Nərimanov rayonu ərazisində yerləşir. Onun sözlərinə görə, hazırda belə bahalı evlərin alıcısı yoxdur: “Çünki insanlar o qədər pulu daha səmərəli sahələrə sərf etməyi üstün tuturlar. Demək olar ki, son 7-8 ayda elə evlər satış predmeti olmayıb. Bu gün 2, 2.3 milyon manat və daha baha qiymətə yaşayış evləri satışa çıxarılır, ancaq uzun müddətdir ki, o evlərlə maraqlanan yoxdur”.
Baha qiymətə satışa çıxarılan torpaq sahələrinə gəlincə isə N.İbrahimov bildirib ki, təmsil etdiyi qurum tərəfindən qeydə alınan ən bahalı ərazinin bir sotunun dəyəri 280 min manatdır. O qeyd edib ki, həmin torpaq sahəsi Nərimanov rayonunda yerləşir.
N.İbrahimov əlavə edib ki, bu gün Bakıda bir sotunun dəyəri bir milyon manata qədər olan torpaq sahələri də mövcuddur.
Bu gün Azərbaycan Dövlət Su Ehtiyatları Agentliyinin sədri Zaur Mikayılov Zaqatala Suvarma Sistemləri İdarəsinin inzibati binasında Zaqatal, Balakənvə digər rayonlardan olan vətəndaşları qəbul edib, onların müraciətlərini dinləyib, ərizə və şikayətlərinə baxıb.
Azərbaycan Respublikasının xarici işlər naziri Ceyhun Bayramov Fələstin Dövlətinin Baş naziri, eləcə də xarici işlər və xaricdə yaşayan fələstinlilər üzrə naziri Məhəmməd Mustafa ilə telefon danışığı aparıb.
Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi gözlənilir. Mülayim şimal-qərb küləyi əsəcək.
Müdafiə naziri general-polkovnik Zakir Həsənovun təsdiq etdiyi cari ilin hazırlıq planına əsasən, Hərbi Dəniz Qüvvələrinin (HDQ) Hərbi Hava Qüvvələri (HHQ) ilə birgə “Xəzər səması-2024” hava hücumundan müdafiənin təşkili mövzusunda taktiki təlimi keçirilib.