Bakı metropoliteni 1 sərnişini 54 qəpiyə daşıyır, 34 qəpik ziyana düşür

Bakı metropoliteni 1 sərnişini 54 qəpiyə daşıyır, 34 qəpik ziyana düşür
05 Dek 2016 16:48

Azərbaycanda kommunal xərclərin artması fonunda "Bakı Metropoliteni" Qapalı Səhmdar Cəmiyyətinin gediş haqlarının qaldıracağı ilə bağlı müzakirələr səngimək bilmir.
 BAKU.WS modern.az-a istinadən xəbər verir ki, elə bunları nəzərə alaraq qurumun mətbuat xidməti və ictimaiyyətlə əlaqələr şöbəsinin rəisi Nəsimi Paşayevdən müsahibə alınıb:
 
- Nəsimi müəllim, orta hesabla 1 gün, 1ay və 1 il ərzində Bakı metrosunda neçə sərnişin daşınır?
 
- Sərnişin sıxlığı mövsümdən asılı olaraq dəyişir. Yay rejimində gün ərzində təxminən 400-450 min, qış rejimində isə 700 min nəfər daşınır. İl ərzində təxminən daşınan sərnişinlərin sayı 210 milyondur.
 
- Hazırda 1 sərnişinin daşınma xərci nə qədərdir?
 
- Son rəsmi məlumata görə 1 sərnişinin daşınması üçün 54 qəpik xərc tələb olunur.
 
- O zaman belə çıxır ki, metropoliten 1 sərnişinin daşınmasına görə 34 qəpik ziyanla işləyir...
 
- Metro hər zaman ziyanla işləyib.
 
- Bəs bu ziyanı nə ilə kompensasiya edirsiniz?
 
- Ziyanla işləməyimizə baxmayaraq, hökumətin sosialyönümlü siyasətinin nəticəsi olaraq hər il metropolitenə dotasiya ayrılır.
 
- Rəsmi rəqəmlərə görə, metroda ən az gediş haqqı Azərbaycandadır.
 
- Bəli, çox ölkələrdən aşağıdır.
 
- Bir çox kommunal xidmət haqlarının qaldırılmasından sonra metropolitendə gediş haqlarının artırılacağı deyilir. Bilmək istəyirdik, qurumda bu barədə müzakirələr gedirmi? Qiymət dəyişikliyilə bağlı Tarif Şurasına müraciət edilibmi?
 
- Bildiyiniz kimi, Bakı metrosunda gediş haqqını Azərbaycan Respublikasının Tarif Şurası müəyyən edir. Təmsil etdiyim qurum tərəfindən isə qiymət dəyişikliyilə bağlı Tarif Şurasına müraciət olunmayıb.

18 Noy 2019
İqtisadiyyat

Bu ayın sonunda TANAP-ın ikinci hissəsinin açılışı keçiriləcək

Noyabrın 30-da Trans-Anadolu Təbii Qaz Boru Kəmərinin (TANAP) Avropaya qaz ötürüləcək ikinci hissəsinin (Faza-1) açılış mərasimi keçiriləcək.

14 Noy 2019
İqtisadiyyat

Deputatdan maraqlı təklif: “Bu şəxslər avtobuslardan pulsuz istifadə etməlidir”

“Təqaüdçülərə ictimai nəqliyyatdan pulsuz istifadə etmək barədə düşünmək olar”.

13 Noy 2019
İqtisadiyyat

Sahil Babayev işsizlikdən sığorta haqqı almağın şərtlərini açıqladı

Sahil Babayev işsizlikdən sığorta haqqı almağın şərtlərini açıqladı

13 Noy 2019
İqtisadiyyat

Azərbaycan Çində ticarət evi açacaq

Azərbaycan Çində ticarət evinin yaradılması barədə razılıq əldə edib.