Bahar Muradovadan koronavirusla bağlı ailələrə - Çağırış

Bahar Muradovadan koronavirusla bağlı ailələrə - Çağırış
26 2020 16:18

Ailə, Qadın və Uşaq Problemləri üzrə Dövlət Komitəsinin sədri Bahar Muradova koronavirus pandemiyasına qarşı mübarizə ilə bağlı ailələrə çağırış edib.
Sədr müraciətində dünya ölkələrinin yeni bir çağırışla üz-üzə, insanların isə həyati əhəmiyyət kəsb edən bir sınaq qarşısında olduğunu vurğulayıb: “Yeni növ koronavirus - COVİD-19 qlobal təhlükə kimi hamımızı təhdid edir. Sanitar-epidemioloji salamatlığın təmin edilməsi məsələsi dünya gündəminin 1 nömrəli vəzifəsi olaraq qarşımızdadır.
Ciddi rejimin qaydalarına əməl etməli, daha çox məsuliyyətli olmalı, təmasları minimuma endirməli, ailədaxili nizam-intizamı gücləndirməli, dövlətimiz, cəmiyyətimiz və bir-birimiz qarşısındakı öhdəliklərə əməl etməliyik.
Odur ki, əziz valideyinlər, öz övladlarınızın virusdan qorunmasına cavabdeh olduğunuzu bir an belə unutmayın. 65 yaşdan yuxarı ahıl soydaşlarımız, nə qədər çətin olsa da, “#evdəqal” kampaniyasının tələblərinə ciddi şəkildə əməl edin və ilk növbədə sizə əziz olan doğmalarınızın həyatını təhlükə ilə qarşı-qarşıya qoymayın.
Bu gün sizin himayənizə fiziki və mənəvi ehtiyacı olan doğmalarınıza, hər zaman olduğundan, daha çox sevgi və diqqət göstərin. Səbrli olmaqla ailənizin bütün üzvlərini karantin dövrünün tələblərinə əməl etməyə daha çox siz sövq edə, şəxsi nümunə göstərməklə nizam və intizam qaydasında davranışın bu bəladan daha az zərərlə çıxmağın əsas şərti olduğunu onlara ən yaxşı siz izah edə bilərsiniz!
Əziz soydaşlar! Ailə, Qadın və Uşaq Problemləri üzrə Dövlət Komitəsi olaraq biz öz səlahiyyətlərimiz və imkanlarımız daxilində hər bir vətəndaşın sağlamlığının qorunması naminə görülən işlərə, hər bir ailənin ən müxtəlif ehtiyaclarının qarşılanmasına töhfə vermək üçün çalışır və həssas ailələrimizə dəstək oluruq”.

24 Sent 2021
Cəmiyyət

Rayonlara gedənlərin NƏZƏRİNƏ: COVID-19 pasportu tələb olunacaq

Rayonlara gedən sərnişinlərdən COVID-19 pasportu tələb olunacaq. 

24 Sent 2021
Cəmiyyət

Kinoteatrların fəaliyyəti bərpa edilir - RƏSMİ

2021-ci il oktyabrın 1-dən bəzi iş və xidmət sahələrinin fəaliyyəti bərpa edilir. 

24 Sent 2021
Cəmiyyət

Həftəsonu ictimai nəqliyyata qoyulmuş qadağa ləğv edilir - QƏRAR

2021-ci il oktyabrın 1-dən etibarən həftəsonu ictimai nəqliyyatda, həmçinin Bakı Metropolitenində sərnişindaşıma fəaliyyətinin dayandırılması ilə bağlı məhdudiyyət ləğv olunur.

24 Sent 2021
Cəmiyyət

Nazirlər Kabinetindən karantin rejiminin yumşaldılması ilə bağlı QƏRAR

Ölkə üzrə peyvənd olunan vətəndaşların sayının artması və eyni zamanda yoluxma hallarının dinamikasının davamlı şəkildə azalması nəzərə alınaraq, xüsusi karantin rejimi çərçivəsində yumşalma tədbirlərinin növbəti mərhələsinin tətbiqi ilə bağlı qərar qəbul edilib.

24 Sent 2021
Cəmiyyət

Ceyhun Bayramov BMT baş katibinin müavini ilə görüşdü

Xarici işlər naziri Ceyhun Bayramov BMT Baş Assambleyasının 76-cı sessiyası çərçivəsində BMT baş katibinin terrorla mübarizə üzrə müavini Vladimir Voronkov ilə görüşüb.