Bahar Muradova: Azərbaycan Dağlıq Qarabağ münaqişəsinin həllində həmsədrlərdən yeni səylər gözləyir

Bahar Muradova: Azərbaycan Dağlıq Qarabağ münaqişəsinin həllində həmsədrlərdən yeni səylər gözləyir
19 Dek 2016 08:46

Azərbaycan həm ATƏT-in Minsk Qrupunun həmsədrlərindən, həm də onların təmsil etdikləri ölkələrdən Dağlıq Qarabağ münaqişəsinin həlli ilə bağlı öz vəzifələrini yerinə yetirmək istiqamətində yeni səylər ortaya qoymağı gözləyir.

Bunu Trend-ə Mlli Məclisin vitse-spikeri, Azərbaycanın ATƏT-in Parlament Assambleyasındakı nümayəndə heyətinin rəhbəri Bahar Muradova deyib.

Onun sözlərinə görə, Azərbaycan gələn il də münaqişənin həlli ilə bağlı müsbətə doğru dəyişikliklərin olacağını gözləyir:

“Biz gözləyirik ki, bütün münaqişə ocaqlarında olduğu kimi, regionda da insanların həyatını, ölkələrin əməkdaşlığını, beynəlxalq təhlükəsizliyi təhdid edən münaqişələr həll edilməlidir. Ölkələrin ərazi bütövlüyü, suverenliyi qorunmalı, təcavüzkar işğal etdiyi torpaqları tərk etməli, işğalçıya münasibət özünü göstərməlidir. Biz Azərbaycana hansısa güzəştlərin edilməsini, birtərəfli qaydada Azərbaycanın tərəfinin tutulmasını istəmirik. Biz ədalətli yanaşma istəyirik. Ədalətli yanaşma da beynəlxalq hüququn prinsiplərinə riayətdir. Əgər o prinsiplər qorunarsa, münaqişə də ədalətlə həll olunar”.

B.Muradova hesab edir ki, Dağlıq Qarabağ münaqişəsinin həlli ilə bağlı danışıqlar prosesi bu il də fəal olub:

“Bu məqsədlə intensiv səfərlər olub, intensiv görüşlər keçirilib. Amma danışıqlarda hansısa irəliləyiş olmadı. Aprel hadisələri vəziyyətin bu şəkildə qalmayacağını və qalmasının da təhlükəli olduğunu nəinki Ermənistana, eləcə də bütün dünyaya bəyan etdi. Status-kvonu uzun müddət qoruyub saxlamaq istəyən və fəaliyyətini bu istiqamətdə quran beynəlxalq dairələr də əmin oldular ki, status-kvo heç də hamını qane etmir və dəyişməlidir”.

Vitse-spiker bildirib ki, aprel hadisələri bir çoxlarının indiyədək qəbul etmədikləri və etmək istəmədikləri həqiqətləri üzə çıxardı:

“Onlara bir daha anlatdı ki, münaqişə uzandıqca və ona vəziyyətə uyğun münasibət bəslənmədikcə proseslər idarəolunmaz həddə gəlib çıxa, bu isə regionu çox ağır fəlakətlərə sürükləyə bilər”.


28 Mar 2024
Siyasət

CAR prezidenti İlham Əliyevi təbrik etdi

Cənubi Afrika Respublikasının (CAR) Prezidenti Matamela Siril Ramafoza Azərbaycan Respublikasının Prezidenti İlham Əliyevi təbrik edib. 

28 Mar 2024
Siyasət

Azərbaycandakı valyuta hərraclarındakı satış 2 dəfəyə yaxın artıb

Bu ilin yanvar-mart aylarında Azərbaycan Mərkəzi Bankının (AMB) Dövlət Neft Fondu (ARDNF) ilə birlikdə keçirdiyi valyuta hərraclarında 1 milyard 835,8 milyon ABŞ dolları məbləğində satış olub.

28 Mar 2024
Siyasət

Azərbaycan Kuboku: “Sərhədçi” sonuncu yarımfinalçı oldu - FOTO

“Sərhədçi” İdman Mərkəzində basketbol üzrə Azərbaycan Kubokunun B qrupunda son iki oyun keçirilib.

27 Mar 2024
Siyasət

Bakıda 18 dərəcə isti, dağlarda 7 dərəcə şaxta olacaq - Sabahın HAVA PROQNOZU

Martın 28-də Azərbaycan ərazisində gözlənilən hava şəraiti ilə bağlı proqnoz açıqlanıb.

27 Mar 2024
Siyasət

Növbəti köç karvanı Füzuliyə çatıb - YENİLƏNİB + FOTO/VİDEO

Bakının Qaradağ rayonunun Lökbatan qəsəbəsində məcburi köçkünlər üçün salınmış “Qobu Park-3” yaşayış kompleksində 134 nəfərdən ibarət növbəti köç karvanı Füzuliyə çatıb.