Milli Məclisin Elm və təhsil komitəsinin bu gün keçirilən iclasında "Məktəbəqədər təhsil haqqında”qanun layihəsinə dəyişikliklər müzakirə edilib.
REALPRESS.com Modern.az-a istinadən xəbər verir ki, komitə sədri İsa Həbibbəyli deyib ki, qanun layihəsi hazırlanarkən bir neçə nazirliyə göndərilib və onların rəyi alınıb. "Burada təkliflər və tənqidlər var idi. Nazirliklərin təkliflərinin üzərində düşünmüşük”.
Deputat layihənin 7.6-cı maddəsinin bərpa edildiyini bildirib. "Bu, məktəbəqədər təhsilin məzmunu nəticəyönümlük, şəxsiyyətyönümlük, uşaqyönümlük, inkişafyönümlük, tələbyönümlük, varislik, inteqrativlik, millilik və dünyəvilik prinsipləri əsasında müəyyən edilməsini nəzərdə tutur”.
İ.Həbibbəyli həmçinin deyib ki, əvvəl məktəbəqədər təhsil ocaqlarında yalnız məktəbəqədər təhsil ixtisası alanlar fəaliyyət göstərirdilər. Lakin burada kadr çatışmazlığı problemi yaranacağına görə, qanun layihəsində məktəbəqədər təhsil müəsissəsinə ali pedoqoji təhsil alan mütəxəssislərin də təyin edilməsi təklif edilir.
Müzakirələrdən sonra "Məktəbəqədər təhsil haqqında”qanun layihəsi III oxunuş üçün Milli Məclisin plenar iclasına tövsiyə olunub.
Xəbərdən istifadə edərkən istinad etmək vacibdir.
Milli Məclisin yaz sessiyası üzrə növbəti plenar iclası başlayıb.
“Biz çalışırıq ki, kanak xalqının məsumiyyətini qoruyaq. Lakin Fransanın apardığı siyasət kanak xalqının mədəniyyətini, mənəvi dəyərlərini qorumağa imkan vermir”.
Bu gün rəqəmsal inkişaf və nəqliyyat naziri Rəşad Nəbiyev Ağdaş şəhərində yerləşən Heydər Əliyev Mərkəzində vətəndaşları qəbul edib.
