Babək Rayon İcra Hakimiyyətinin inzibati binası istifadəyə verilib

Babək Rayon İcra Hakimiyyətinin inzibati binası istifadəyə verilib
07 2017 11:05

Martın 6-da Babək Rayon İcra Hakimiyyətinin inzibati binası əsaslı yenidənqurmadan sonra istifadəyə verilib.

Naxçıvan Muxtar Respublikası Ali Məclisinin mətbuat xidmətindən AZƏRTAC-a bildirilib ki, Naxçıvan Muxtar Respublikası Ali Məclisinin Sədri Vasif Talıbov binanın açılışını bildirən lenti kəsib.

Tədbirdə çıxış edən Babək Rayon İcra Hakimiyyətinin başçısı Rasim Hüseynov deyib ki, muxtar respublikada aparılan quruculuq işləri Babək rayonunu da əhatə edib. 2016-cı ildə Şəkərabad-Babək qəsəbə-Nehrəm-Arazkənd dairəvi avtomobil yolunun ikinci hissəsi və Nehrəm kəndində yeni məscid binası istifadəyə verilib, Xəlilli, Məzrə, Hacıvar və Yarımca kəndlərində kompleks quruculuq işləri aparılıb, Kültəpə və Kərimbəyli kəndlərində yeni suvarma şəbəkəsinin açılışı olub. Hazırda Babək qəsəbəsində, Nehrəm, Şəkərabad, Şıxmahmud, Xəlilli və Araz kəndlərində içməli su və kanalizasiya xətlərinin, Badaşqan kəndində isə içməli su sisteminin tikintisi davam etdirilir. Son illər Babək qəsəbəsində idarə, müəssisə və təşkilatlar üçün yeni inzibati binalar tikilib istifadəyə verilib. Babək Rayon İcra Hakimiyyətinin inzibati binasının yenidən qurulması da aparılan quruculuq işlərinin daha bir ifadəsidir. Rasim Hüseynov Babək rayonunun inkişafı sahəsində həyata keçirilən tədbirlərə görə rayon əhalisi adından minnətdarlıq edib.

Naxçıvan Muxtar Respublikası Ali Məclisinin Sədri Vasif Talıbov Babək Rayon İcra Hakimiyyətinin yeni inzibati binasının istifadəyə verilməsi münasibətilə kollektivi təbrik edərək deyib: Babək rayonu 1978-ci ildə - xalqımızın ümummilli lideri Heydər Əliyevin Azərbaycana rəhbərliyinin birinci dövründə yaradılmışdır. Həmin dövrdə Naxçıvan rayonunun tərkibində olan bu ərazilərin idarə olunmasında və inkişafında çətinliklər vardı. Bu da yeni rayonun yaradılmasını zəruri edirdi. Babək rayonu yarandıqdan sonra bu ərazilərdə idarəetmə formalaşdı, kənd təsərrüfatı inkişaf etdirildi, rayon uğurlu inkişaf yolu keçdi. Bu gün Babək ölkəmizin, eləcə də muxtar respublikanın inkişaf edən rayonlarındandır.

Ali Məclisin Sədri Babək rayonunun inkişafında əməyi olanlara təşəkkürünü bildirib.

Qeyd olunub ki, Babək rayonu öz ətrafında 1 qəsəbə və 35 kəndi birləşdirir. Rayonun əksər kəndlərində kompleks quruculuq işləri aparılmış, bu kəndlər müasir yaşayış məntəqələrinə çevrilmişdir. Kəndlərdə elektrik enerjisi və təbii qaz daimi verilir, rabitə və internet xidmətləri göstərilir, müasir məktəblər, idarəetmə qurumları üçün inzibati binalar, səhiyyə müəssisələri və xidmət sahələri tikilərək əhalinin istifadəsinə verilir. Rayonun kəndlərində görülən bu işlər və yaradılan şərait müasir Azərbaycan kəndinin nümunəsidir.

Ali Məclisin Sədri deyib: Babək Rayon İcra Hakimiyyətinin əvvəlki binası işçilərin yerləşməsi və idarəetmənin təşkili baxımından tələblərə cavab vermirdi. Ona görə də binada yenidənqurma işləri aparılaraq əlavə bir mərtəbə artırıldı, 38 müasir iş otağı yaradılaraq kollektivin istifadəsinə verildi. Bu gün Babək Rayon İcra Hakimiyyətinin qəsəbə və kənd inzibati ərazi dairəsi üzrə nümayəndəlikləri də müasir binalarda yerləşir. Müasir şərait isə yaxşı işin əsasını təşkil edir. Kollektiv yaradılan şəraitdən səmərəli istifadə edərək əhaliyə nümunəvi xidmət göstərməli, vətəndaşların müraciətləri yerində və vaxtında həll olunmalı, tikilənlər, qurulanlar qorunub saxlanmalıdır.

Ali Məclisin Sədri kollektivin Babək rayonunun inkişafı sahəsində üzərlərinə düşən vəzifələri layiqincə yerinə yetirəcəyinə əminliyini bildirib, binada yaradılan şəraitlə tanış olub.

Məlumat verilib ki, 5 mərtəbədən ibarət olan binanın qarşısında ümummilli liderimiz Heydər Əliyevin abidəsi vardır. Binada 50 yerlik müşavirə zalı, 38 iş otağı və 7 yardımçı otaq istifadəyə verilib. Burada əməkdaşlar üçün nümunəvi iş şəraiti yaradılıb. İş otaqları müasir tələblər səviyyəsində qurulub, kompüterlər qoyulub. Babək qəsəbə inzibati ərazi dairəsi üçün də binanın birinci mərtəbəsində 3 otaq ayrılıb.

Binanın fasadı Naxçıvan memarlıq üslubunda üzlənib, həyətdə geniş abadlıq işləri aparılıb, yeməkxana və qaraj istifadəyə verilib, gülkarlıqlar salınıb, müasir işıqlandırma sistemi quraşdırılıb.


26 Sent 2022
Siyasət

“Müzəffər əsgərimiz” layihəsinin 17-ci buraxılışı - FOTO/VİDEO

“İrəli” İctimai Birliyinin təşkilatçılığı, Azərbaycan Gənclər Fondunun dəstəyi ilə həyata keçirilən “Müzəffər əsgərimiz” layihəsinin 17-ci buraxılışı Azərbaycan Silahlı Qüvvələrinin əsgəri, Vətən müharibəsinin şəhidi Mütəllib Serova həsr olunub.

26 Sent 2022
Siyasət

Prezident İlham Əliyev Rusiya Dövlət Dumasının Sədrini qəbul edib

Azərbaycan Respublikasının Prezidenti İlham Əliyev sentyabrın 26-da Rusiya Federasiyası Federal Məclisinin Dövlət Dumasının Sədri Vyaçeslav Volodinin başçılıq etdiyi nümayəndə heyətini qəbul edib.

23 Sent 2022
Siyasət

Prezident İlham Əliyev Səudiyyə Ərəbistanının Kralını təbrik edib

Prezident İlham Əliyev İki Müqəddəs Ocağın Xadimi, Səudiyyə Ərəbistanının Kralı Əlahəzrət Salman bin Əbdüləziz Al Səuda təbrik məktubu ünvanlayıb.

23 Sent 2022
Siyasət

Hökumətin gələn ilin büdcə layihələrinin müzakirəsinə həsr olunan geniş iclası keçirilib - FOTO

Sentyabrın 22-də Baş nazir Əli Əsədovun sədrliyi ilə Nazirlər Kabinetinin Azərbaycan Respublikasının 2023-cü il üzrə dövlət büdcəsinin və icmal büdcənin layihələri və sonrakı üç il üçün icmal büdcənin göstəricilərinin, Azərbaycan Respublikasının 2023-cü il və növbəti üç il üzrə iqtisadi və sosial inkişaf konsepsiyasının və proqnoz göstəricilərinin müzakirəsinə həsr olunan geniş iclası keçirilib.

23 Sent 2022
Siyasət

Ermənilərin əl-qolu bağlandı - VİDEO

“Bizi heç kim və heç nə dayandıra bilməz.