Azərbaycanlılar işləmək üçün ən çox bu ölkələrə gedir - SİYAHI

Azərbaycanlılar işləmək üçün ən çox bu ölkələrə gedir - SİYAHI
03 2019 10:35


Kütləvilik meyarlarına görə vətəndaşlarımız əmək fəaliyyəti ilə məşğul olmaq üçün daha çox Rusiya, Ukrayna və Türkiyəyə üz tutur. 

Bunu realpress.az-a Dövlət Miqrasiya Xidməti yanında İctimai Şuranın sədri Azər Allahverənov azərbaycanlıların daha çox işləmək üçün getdiyi ölkələri şərh edərkən deyib.

Sədrin sözlərinə görə, Rusiya daha çox azərbaycanlı miqrantların diqqət mərkəzindədir:

“Rusiya ilə çox sıx miqrasiya müqaviləmiz var. Oranın əmək bazarının çox geniş imkanları mövcuddur. Eyni zamanda, bu ölkədə diasporumuz nüfuzlu və genişmiqyaslıdır. Bir çox fəaliyyət sahələri ilə əlaqədar işlər həyata keçirilir. Bu səbəbdən Rusiya ərazisində çox sayda soydaşlarımız yaşayır. Ənənəvi olaraq bizim üçün maraqlı ölkə Rusiyadır. Böyük əksəriyyəti əmək fəaliyyəti ilə məşğul olmaq üçün bu ölkəyə üz tuturlar.

Rusiyanın rəsmi mənbələrindən əldə etdiyimiz məlumata görə, 600 minə qədər Azərbaycan vətəndaşı hazırda orada yaşayır. Onların da təqribən 300 minə qədəri əmək fəaliyyəti ilə məşğul olur. Yəni 300 min insan müvafiq qaydada icazəli şəkildə əmək patenti almaqla orada işləyir. Bu, statistik rəqəmlərdir. Təbii ki, qeyri-qanuni şəkildə işləyənlər də var. Sadəcə bu gün Rusiya qanunverciliyi imkan verir ki, hər bir Azərbaycan vətəndaşı 90 gün ərzində bu ölkənin ərazisində yaşasın, daha sonra bu müddət bitdiyi zaman yenidən Rusiyaya keçib öz işini davam etdirsin. Amma bu, bir çox hallarda qeyri-qanuni müstəvidə baş verir. Yəni kimsə özü üçün iş yeri qurur. Bununla da heç bir əmək münasibətləri rəsmiləşdirmədən öz iş yerini kənardan idarə etmiş olur. Sadaladığım bu kimi əlamətlərə görə Rusiya birinci yerdədir”.

İkinci yerdə olan Ukraynada da çoxsaylı vətəndaşlarımız var:

“Ayrı-ayrı mənbələrdə müxtəlif rəqəmlər səsləndirilir. Haradasa 250 mindən çox azərbaycanlının Ukrayna ərazisində yaşadığı və orada əmək faliyyəti ilə məşğul olduğu deyilir”.

O əlavə edib ki, Türkiyə azərbaycanlılar üçün maraqlı ölkə olması baxımından üçüncü yerdə qərarlaşıb:

“Bu səbəbdən hazırda Türkiyədə kifayət qədər azərbaycanlı işləyir. Müxtəlif mənbələrdə ayrı-ayrı rəqəmlər qeyd olunub.

Dördüncü yerdə olan Gürcüstanda bizim çoxlu şirkətlərimiz fəaliyyət göstərir. Azərbaycanlı iş adamlarının qurduğu əmək sahələrində soydaşlarımız çalışır. Sonuncu yerdə Orta Asiya respublikalarıdır. Məsələn, Qazaxıstanda Azərbaycan şirkətləri fəaliyyət göstərir. Məhz Azərbaycan şirkətləri vasitəsilə xarici ölkələrə üz tutan soydaşlarımız çoxdur”.

A.Allahverənovun fikrincə, azərbaycanlı miqrantların üz tutduğu ölkələr ənənəvi olaraq postsovet dövlətləridir:

“Çünki bu ölkələrlə aramızda viza rejimi yoxdur. Həmçinin həmin ölkələrin əmək bazarına müəyyən çıxışlarımız, şirkətlərimiz var. Bu kimi şərtlər və amillər o ölkələrə axın edən azərbaycanlılar, xüsusilə də işləmək istəyənlər üçün əlverişli mühit yaradır.  Ən çox da Türkiyədə bizim çoxsaylı şirkətlərimiz fəaliyyət göstərir”. 

Şura sədri əlavə edib ki, Avropa ölkələrindən Almaniya, Çexiya və Skandinaviya ölkələrində əmək fəaliyyəti ilə məşğul olmaq istəyənlər də var:

“Xüsusilə də son illər bu tendensiya artıb. Cexiya, Almaniya və Skandinaviya ölkələrində əmək fəaliyyəti ilə məşğul olmaq istəyənlər kifayət qədərdir. Bəziləri buna müvəffəq olsa da, bir çoxları bacara bilmir. İşləmək adı ilə gedib orada başqa status almaq istəyənlər də var. Soydaşlarımız tərəfindən müxtəlif yanaşmalar ola bilər, amma istənilən halda kütləvilik meyarlarına uyğun olaraq Rusiya, Ukrayna və Türkiyə üçlükdədir”.


23 Yan 2020
İqtisadiyyat

Prezident İlham Əliyev “Procter and Gamble Europe” şirkətinin rəhbəri ilə görüşüb

Azərbaycan Respublikasının Prezidenti İlham Əliyevin Davosda “Procter and Gamble Europe” şirkətinin prezidenti Loik Tassel ilə görüşü olub.

23 Yan 2020
İqtisadiyyat

Parament seçkilərində beynəlxalq müşahidəçilərin sayı açıqlanıb

Hazırda olan məlumata görə, Azərbaycanda fevralın 9-a təyin edilmş növbədənkənar parlament seçkilərini müşahidə etmək üçün 210-dan çox beynəlxalq müşahidəçi akkreditasiya olunub.

21 Yan 2020
İqtisadiyyat

Azərbaycan Beynəlxalq Bankında robot!

Azərbaycan Beynəlxalq Bankı daha bir innovativ yeniliyi ilk dəfə ölkəmizə gətirib. Bankda "IBA Bot" adlı robot fəaliyyətə başlayıb.

18 Yan 2020
İqtisadiyyat

Azərbaycan nefti ucuzlaşdı

CIF bazisi üzrə İtaliyanın Auqusta limanı şərtləri ilə Azərbaycanın yüngül neftinin qiyməti yanvarın 17-də 67,69 dollar/barel təşkil edib ki, bu da əvvəlki göstəricidən 0,43 dollar/barel azdır.