Azərbaycanın aparıcı KİV rəhbərlərinin Ankaraya səfəri davam edir

Azərbaycanın aparıcı KİV rəhbərlərinin Ankaraya səfəri davam edir
14 Dek 2016 09:30

Azərbaycanın aparıcı KİV rəhbərlərindən ibarət nümayəndə heyətinin Türkiyənin paytaxtı Ankara şəhərinə səfəri davam edir.

Kütləvi İnformasiya Vasitələrinin İnkişafına Dövlət Dəstəyi Fondundan (KİVDF) AZƏRTAC-a bildiriblər ki, dekabrın 13-də nümayəndə heyəti Avrasiya Araşdırmalar Mərkəzində (AVİM) olub. Qurumun rəhbəri Alev Kılıç görüş iştirakçılarına AVİM-in fəaliyyəti və icra etdiyi layihələr barədə məlumat verib. O, AVİM-in fəaliyyətində Qafqaza və xüsusi olaraq Azərbaycana ciddi önəm verildiyini bildirərək vurğulayıb ki, Azərbaycan Türkiyə ilə dost, qardaş ölkədir. Eyni zamanda, Azərbaycan Türkiyəni digər türk dövlətləri ilə əlaqələndirən strateji bir bağdır.

Nümayəndə heyətinin rəhbəri, KİVDF-nin icraçı direktoru Vüqar Səfərli KİV təmsilçilərinin Ankaraya səfərinin məqsədi, həmçinin Azərbaycanda KİV-in durumu və rəhbərlik etdiyi qurumun fəaliyyəti barədə məlumat verib. O, Azərbaycan KİV-lərinin iki ölkə arasında əlaqələrin inkişafına təkan verən istənilən layihəni dəstəklədiklərini vurğulayaraq, AVİM-lə əlaqələrin də inkişaf etdirilməsinin zəruriliyini bildirib.

Görüşdə çıxış edənlər Azərbaycan və Türkiyə KİV-ləri arasında əməkdaşlığın inkişaf etdirilməsi yolları barədə fikirlərini bölüşüblər.

Nümayəndə heyətinin növbəti görüşü TRT-də keçirilib. KİV rəhbərləri TRT-nin ofisi və texniki imkanları ilə tanış olub, planlaşdırılan layihələr barədə məlumatlandırılıblar. Görüş iştirakçıları arasında qarşılıqlı əlaqələrin inkişaf etdirilməsi istiqamətində müzakirələr aparılıb. Fondun icraçı direktoru V.Səfərli telekanal rəhbərliyinə həssas məqamlarda Azərbaycan xalqına və dövlətinə etdiyi yardıma, Azərbaycan həqiqətlərinin dünyaya çatdırılmasında oynadığı rola görə təşəkkürünü bildirib.

Azərbaycan nümayəndə heyəti dekabrın 13-də Ankarada Atatürk mavzoleyini də ziyarət edib.

Xatırladaq ki, səfər KİVDF-nin təşkilatçılığı ilə həyata keçirilir.

Nümayəndə heyətinə KİVDF-nin icraçı direktoru Vüqar Səfərli, Prezident Administrasiyasının ictimai-siyasi məsələlər şöbəsinin müdir müavini Vüqar Əliyev, o cümlədən Azərbaycanın aparıcı KİV rəhbərləri daxildir.

Nümayəndə heyətinin səfər çərçivəsində Türkiyənin rəsmi dövlət qurumlarında, informasiya məsələlərinə məsul olan təşkilatlarda, həmçinin aparıcı KİV-lərin redaksiyalarında görüşləri nəzərdə tutulub.


26 Sent 2022
Siyasət

Bakı-Ələt-Qazax-Gürcüstan avtomobil yolunun genişləndirilməsi layihəsinin icrasına baxış keçirilib

Azərbaycan Avtomobil Yolları Dövlət Agentliyinin İdarə Heyətinin sədri Saleh Məmmədov Bakı-Ələt-Qazax-Gürcüstan Respublikası ilə dövlət sərhədi avtomobil yolunun 130 km-lik Gəncə-Qazax-Gürcüstan sərhədi hissəsinin 4 hərəkət zolağına genişləndirilməsi layihəsinin icrasına baxış keçirib.

26 Sent 2022
Siyasət

Növbəti “Komando başlanğıc kursu” başa çatıb - FOTO

2022-ci ilin hazırlıq planına əsasən, “Komando başlanğıc kursu”nun növbəti buraxılış mərasimi keçirilib.

26 Sent 2022
Siyasət

Şəhid İsmayıl Budaqlının ailəsi ziyarət olunub

Gizir Budaqlı İsmayıl Məhərrəm oğlu sentyabrın 12-14-də Ermənistan silahlı qüvvələrinin törətdiyi təxribatların qarşısını alan zaman qəhrəmanlıq göstərərək şəhidlik zirvəsinə ucalıb.

26 Sent 2022
Siyasət

“Müzəffər əsgərimiz” layihəsinin 17-ci buraxılışı - FOTO/VİDEO

“İrəli” İctimai Birliyinin təşkilatçılığı, Azərbaycan Gənclər Fondunun dəstəyi ilə həyata keçirilən “Müzəffər əsgərimiz” layihəsinin 17-ci buraxılışı Azərbaycan Silahlı Qüvvələrinin əsgəri, Vətən müharibəsinin şəhidi Mütəllib Serova həsr olunub.

26 Sent 2022
Siyasət

Prezident İlham Əliyev Rusiya Dövlət Dumasının Sədrini qəbul edib

Azərbaycan Respublikasının Prezidenti İlham Əliyev sentyabrın 26-da Rusiya Federasiyası Federal Məclisinin Dövlət Dumasının Sədri Vyaçeslav Volodinin başçılıq etdiyi nümayəndə heyətini qəbul edib.