Azərbaycanda qızıl və gümüş yataqları aşkarlandı

Azərbaycanda qızıl və gümüş yataqları aşkarlandı
05 Dek 2016 16:12


"Kiçik Qafqazın Azərbaycana aid hissəsində köklü qızıl yataqlarında aparılan axtarış nəticəsində Tülallar qızıl təzahürünün yüksək perspektivliyə malik olması müəyyənləşib. Təzahür Göygöl rayonunun eyni adlı kəndi yaxınlığında, rayon mərkəzindən 45 km məsafədə yerləşir".
 
Bu barədə APA-nın sorğusuna cavab olaraq, Ekologiya və Təbii Sərvətlər Nazirliyinin (ETSN) Milli Geoloji Kəşfiyyat Xidmətindən bildirilib. Qeyd olunub ki, təzahürün güclü kvarslaşmaya məruz qalan sahələrində keçilən dağ qazmalarından alınan nəticələrə əsasən, zonanın filizli hissəsinin qalınlığı yer səthində və mağara horizontlarında 12-90 m arasında dəyişir və burada qızıl 0,4-33,5 qram/ton, gümüş isə 0,5 - 48,4 q/t arasında qeyd olunur: "Tülallar təzahüründə qızılın resursları, hazırda istismar olunan Gədəbəy qızıl-mis və Çovdar qızıl yataqlarının ehtiyatlarına yaxındır və yatağın dağ-texniki şəraiti hər iki yatağa nisbətən istismar üçün daha əlverişlidir. Eyni zamanda Ekologiya və Təbii Sərvətlər Nazirliyinin müstəqil qurumu laboratoriya şəraitində Tülallar yatağının filizlərinin texnoloji işlənməsi prosedurlarını araşdırırkən ekoloji cəhətdən daha səmərəli hesab olunan flotasiya üsuluna üstünlük verilib və qızılın yüksək çıxımına (90%) nail olunub”.
 
"Son illərdə, Goranboy rayonunda yerləşən Başqışlaq sahəsində axtarış zamanı müsbət nəticələr əldə olunub, qızıla, gümüşə və misə perspektivli sahə ayrılıb. Sahədən qızıl və gümüşün təyini üçün göndərilmiş sınaqlarda qızıl 0,4 q/t-dan 2,2 q/t-a qədər, gümüş isə 2,0 q/t-dan 4,2 q/t-a qədər təyin edilib. Başqışlaq sahəsinin Qasımzağası hidrotermal dəyişmə zonasında qalınlığı 10,3 m-dən 12,1 m-ə çatan 4 kəsilişdən götürülmüş sınaqlarda misin miqdarının 1,19%-dən 2,13%-ə çatdığı, ümumiyyətlə, zona üzrə 11,5 m orta qalınlığa 2,03 % mis təyin edilib. Bundan başqa, Göygöl rayonunun Əzgilli sahəsində də qızıla və gümüşə müsbət nəticələr alınıb”, - deyə Xidmətdən bildirilib.



20 Yan 2021
İqtisadiyyat

Gürcüstanın ticari əməliyyatlarında Azərbaycanın payı nə qədərdir? - FOTO

2020-ci ildə Azərbaycanın Gürcüstan iqtisadiyyatındakı payı açıqlanıb.

20 Yan 2021
İqtisadiyyat

Azərbaycan qazının Bolqarıstan və Yunanıstana nəqlilə bağlı saziş parlamentdə müzakirə edilib

Yunanıstan və Bolqarıstanın milli qaz sistemləri arasında əlaqələndirici funksiyanı icra edən IGB təbii qaz kəməri layihəsi ilə bağlı saziş Yunanıstan parlamentində müzakirəyə çıxarılıb.

20 Yan 2021
İqtisadiyyat

Azərbaycan nefti bahalaşır

Azərbaycan nefti bahalaşmaqda davam edir.

20 Yan 2021
İqtisadiyyat

Neft qiymətləri bahalaşır

Dünya bazarlarında neftin qiyməti bahalaşıb.

20 Yan 2021
İqtisadiyyat

Azərbaycan və İran arasında razılıq əldə olunub

18 yanvar 2021-ci ildə Azərbaycan Respublikasının Baş nazirinin müavini, Azərbaycan Respublikası ilə İran İslam Respublikası arasında iqtisadi, ticarət və humanitar sahələrdə əməkdaşlıq üzrə Dövlət Komissiyasının həmsədri Şahin Mustafayevin rəhbərlik etdiyi nümayəndə heyəti Dövlət Komissiyasının 14-cü iclasında iştirak etmək məqsədilə İran İslam Respublikasına səfər edib.