Bakı Ali Neft Məktəbi Azərbaycanın "Neuron Technologies" IT şirkətinin məhsulu olan təhsilin idarə olunması sistemini tətbiq etməyə başlayıb.
Bunu Trend-ə şirkətin rəhbəri İsmayıl Ələkbərov deyib.
Onun sözlərinə görə, söhbət çoxfunksiyalı platformadan gedir. Bunun üstünlüklərindən həm ali təhsil müəssisələrinin tələbələri, həm də müəllimlər yararlana biləcək.
İ.Ələkbərov qeyd edib ki, Bakı Ali Neft Məktəbinin müəllim heyəti üçün sistemin fəaliyyəti ilə bağlı treninqlər təşkil edilib.
Hazırda bu sistem Azərbaycan Dövlət Neft və Sənaye Universitetində, Azərbaycan Dövlət Gömrük Akademiyasında və Azərbaycan Milli Konservatoriyasında tətbiq olunur.
Şirkət rəhbərinin sözlərinə görə, təhsilin idarə olunması sistemi tədris mərkəzinin fəaliyyətini avtomatlaşdırmağa, dərslərdə iştirak qeydiyyatını aparmağa, elektron jurnalları tərtib etməyə imkan verir.
Ümummilli lider Heydər Əliyevin anadan olmasının 99-cu ildönümünə həsr olunan “Sən elə bir zirvəsən” respublika ifa müsabiqəsi mayın 5-dək davam edəcək. Müsabiqə Təhsil Nazirliyinin dəstəyi, Gənclərin Respublika Bədii Yaradıcılıq Evinin təşkilatçılığı ilə nazirlik sistemində fəaliyyət göstərən peşə və orta ixtisas təhsili müəssisələrinin şagird və tələbələri arasında keçirilir.
Magistraturaya qəbul imtahanında ən yüksək nəticə toplanılması mümkün olan 100 baldan 98 olub. Qəbul imtahanındakı nəticələri müsabiqə şərtlərini ödəyən bakalavrlar ixtisaslaşma seçiminə buraxılırlar. Müsabiqə şərtləri müxtəlif ixtisas qruplarına uyğun olaraq 30, 40, 45, 50 baldır.
Bir nəfərdə mobil telefon aşkarlandığı üçün, bir nəfər isə köçürməyə cəhd etdiyi üçün imtahandan xaric olunub və nəticələri ləğv edilib. Bundan əlavə, sual kitabçasını özü ilə aparan 4 nəfərin nəticəsi araşdırılır.