Azərbaycanda beyin ölümü diaqnozunun qoyulmasına başlanacaq

Azərbaycanda beyin ölümü diaqnozunun qoyulmasına başlanacaq
26 2017 16:40

“Hazırda meyitdən orqan transplantasiyası konsepsiyasının üzərində iş gedir”.

Oxu.Az xəbər verir ki, bunu APA-ya Səhiyyə Nazirliyinin Transplantologiya işinin təşkili üzrə Əlaqələndirici Şuranın üzvü, Mərkəzi Neftçilər Xəstəxanasının (MNX) “Cərrahiyyə və Orqan Transplantasiyası” şöbəsinin müdiri, tibb üzrə fəlsəfə doktoru Mircəlal Kazımi deyib.

O bildirib ki, meyitdən orqan transplantasiyası ilə bağlı Səhiyyə Nazirliyi tərəfindən qəti qərar veriləcək: “Səhiyyə Nazirliyi tərəfindən xəstəxanalara təlimat paylanılacaq və həmin təlimat əsasında beyin ölümü diaqnozunun qoyulmasına başlanılacaq. Çünki meyitdən orqan götürülməsini icra etmək üçün ən ümdə məsələ beyin ölümü diaqnozunun qoyulmasıdır. Beyin ölümü diaqnozu qoyulduqdan sonra digər addımlar atılacaq.

Beyin ölümü diaqnozu qoyulan zaman xarici ölkələrdə 3 mütəxəssis - reanimatoloq, beyin cərrahı və nevropatoloq, bəzən isə ürək həkiminin iştirakı ilə konsilium olur və bundan sonra müəyyən diaqnostik üsullarla beyin ölümü təsdiqlənir. Hazırda hansı mütəxəssislərin beyin ölümü diaqnozunda iştirakı ilə bağlı müzakirələr aparılır ki, bu mütəxəssislər xəstəxanada fəaliyyət göstərən həkimlərdən seçilsin, yoxsa mərkəzləşdirilmiş mobil bir qrup olsun”.

M.Kazımi qeyd edib ki, Şuranın fəaliyyəti bu işə ciddi təkan verəcək və yaxın zamanlarda meyitdən orqan götürülməsinə başlanılacaq: “Beyin ölümü diaqnozu tibbi diaqnozdur. Meyitdən orqan götürülməsi üçün xəstənin beyin ölümü diaqnozu ixtisaslaşmış xəstəxananın reanimasiya şöbəsində qoyulmalıdır. Tutaq ki, yol qəzasında ölən insanın meyitindən orqan götürmək olmaz.

Cəmiyyətdə yanlış fikirlər var ki, guya morqlarda insanların orqanlarını çıxarıb satırlar. Bu, yalandır. Həmin meyitlərin orqanları istifadəyə yararsızdır. Beyin ölümü diaqnozu reanimasiya şöbəsində qoyulur. Xəstənin beyin ölümü təsdiqlənəndən sonra orqanları qorumaq üçün onlara xüsusi məhlullar vurulur. Axı bilinmir ailə 1 saat sonra, yoxsa 10 saat sonra razılıq verəcək və yaxud heç verməyəcək. Beyin ölümü diaqnozu qoyulduqdan sonra xəstəxanada xüsusi orqan transplantasiyası koordinatorları olmalıdır.

Məsələn, bir nəfərin ailəsində xəstə dünyasını dəyişibsə, həmin koordinatorlar xəstənin ailəsi ilə görüş keçirəcəklər. Koordinatorlar psixologiyanı, insanların ruh vəziyyətini bilməlidirlər. Təsəvvür edin, koordinatorlar yaxınlarını itirən zaman insanlara yaxınlaşıb onlara meyitin orqanlarının bağışlanmasını təklif edir. İnsanlar müxtəlif olur. Biri bu təklif qarşılığında koordinatorları döyə bilər, biri kobud cavab verə bilər. Orqan köçürən həkim isə beyin ölümü diaqnozunda iştirak etməməlidir. Ailə ilə görüşlərdən sonra əgər razılıq verilsə, orqanlar bağışlanacaq koordinatorlar əməliyyat edən həkimlərə xəbər verir ki, filan xəstəxanada beyin ölümü var, ailə ilə görüşlər olub, sənədlər imzalanıb, hər şey hazırdır, gedib orqanları ala bilərsiniz.

Bundan sonra uyğun xəstə seçilir və əməliyyat olunur. Orqan da əməliyyat vasitəsilə götürülür. Orqan istifadəyə yararlı, faydalı olmalıdır. Meyitdən orqan alınan kimi təcili, maksimal qısa müddətdə köçürülməlidir. Daha sonra isə orqanı çıxarılmış beyin ölümü keçirmiş şəxs və ya meyitdə yara estetik şəkildə tikilir və ailəyə təhvil verilir. Təlimatlarda bütün bunlar hamısı əksini tapacaq. Beyin ölümü diaqnozunun hansı xəstəxanalarda həyata keçirilməsi ilə bağlı qərarı Səhiyyə Nazirliyi verəcək”.


20 May 2021
Səhiyyə - Sağlamlıq

Dəri xərçənginin qarşısını almaq mümkündür!

24-26 may tarixlərində, La Roche-Posay Azərbaycanın, Аzərbaycan Dermatoveneroloqlar Assosiasiyasının, Bakı Pataloji mərkəzinin təşkilatçılığı və Zəfəran Hospitalın dəstəyi ilə “Dəri xərçənginin diaqnostikası günləri” aksiyası keçiriləcəkdir.   

3 May 2021
Səhiyyə - Sağlamlıq

Hamiləlik - sağlam başlanğıcın təməli

Hamiləlik zamanı qadının orqanizmi çox ciddi yükləmələrə məruz qalır. Qadının orqanizmində yeni həyat inkişaf edir və bu həyatın normal inkişafı üçün müxtəlif vitaminlər, mikroelementlər və s. maddələr lazımdır. Hamiləlik zamanı hətta bir vacib vitaminin və ya mikroelementin çatışmazlığı həm uşağın inkişafına, həm də qadının səhhətinə mənfi təsir edir. Məsələn, uşağın sümüklərinin formalaşmasına və böyüməsinə çoxlu miqdarda kalsium elementi lazımdır. Bu element ananın orqanizminə lazım olan miqdarda daxil olmadıqda, körpədən çox ana əziyyət çəkir. Körpə ananın orqanizmindən özünə lazım olan kalsiumu sovurur ki, bunun nəticəsində ananın dişlərindən, sümüklərindən, saçlarından kalsium yuyulur. Məhz bu səbəbdən qadının orqanizmində hamiləlikdən öncə kalsium defisiti varsa və ya hamiləlik zamanı lazım olan miqdarda kalsium qəbul etmirsə, o zaman qadınlarda dişlər ovulmağa başlayır, saçlar tökülür, ayaqlarda qıcolmalar olur.

3 May 2021
Səhiyyə - Sağlamlıq

Türkiyənin müdafiə naziri: “Ermənilərə qarşı soyqırım olmayıb” - VİDEO

İraqın şimalında keçirilən “Pənçə-Şimşək” və “Pənçə-İldırım” əməliyyatları ilə əlaqədar mətbuat nümayəndələri qarşısında çıxış edən Türkiyənin milli müdafiə naziri Hulusi Akar qondarma “erməni soyqırımı”na dair açıqlama verib.

3 May 2021
Səhiyyə - Sağlamlıq

Günümüzün aktuallıqlarından biri: Dispepsiya

Həzm pozğunluğu və ya dispepsiya moderin dövrümüzdə olduqca geniş yayılmış şikayətlərindəndir.

29 Apr 2021
Səhiyyə - Sağlamlıq

VICHY və Aptekonline.az-dan HƏDİYYƏLİ kampaniya!

30 aprel-2 may tarixlərində, aptekonline.az-dan 1 ədəd VICHY NEOVADIOL məhsulunun sifarişi zamanı - VICHY Neovadiol gecə kremi HƏDİYYƏ!