Azərbaycan-Türkiyə münasibətlərinin inkişafında ulu öndər Heydər Əliyevin böyük xidmətləri olub

Azərbaycan-Türkiyə münasibətlərinin inkişafında ulu öndər Heydər Əliyevin böyük xidmətləri olub
12 Dek 2016 12:11

Azərbaycan Respublikasının Türkiyədəki səfirliyi ümummilli lider Heydər Əliyevin vəfatının 13-cü ildönümü ilə əlaqədar Ankarada, Ulu Öndərin adını daşıyan parkda anım mərasimi təşkil edib.

Tədbirdə səfirliyin əməkdaşları, Ankarada təhsil alan tələbələrimiz, Türkiyənin hökumət və parlament üzvləri, Türkiyə Xarici İşlər Nazirliyinin yüksək vəzifəli rəsmiləri, tanınmış elm və mədəniyyət xadimləri, diaspor nümayəndələrimiz, QHT və KİV təmsilçiləri iştirak ediblər.

Əvvəlcə tədbir iştirakçıları Ulu Öndərin abidəsi önünə əklillər qoyub, əziz xatirəsini bir dəqiqəlik sükutla yad ediblər.

Sonra Azərbaycanın və Türkiyənin dövlət himnləri səsləndirilib.

Səfir Faiq Bağırov, Türkiyə xarici işlər nazirinin müavini Əhməd Yıldız, Türkiyə Böyük Millət Məclisinin Türkiyə-Azərbaycan parlamentlərarası dostluq qrupunun üzvü Nurəddin Aras, tədbirin keçirildiyi Yeniməhəllə rayonunun bələdiyyə sədri Fethi Yaşar, professor Əflatun Nemətzadə, tələbə və kursantlarımız çıxış ediblər.

Çıxışlarda ümummilli lider Heydər Əliyevin Azərbaycan xalqı qarşısında əvəzsiz xidmətlərindən, o cümlədən Azərbaycan-Türkiyə qardaşlıq münasibətlərinin qorunması və inkişafı naminə həyata keçirdiyi tarixi missiyaların əhəmiyyətindən bəhs olunub. Diqqətə çatdırılıb ki, Ulu Öndərin Vətən və xalq qarşısındaki ən böyük xidməti müstəqil Azərbaycanın dövlət müstəqilliyinin təmin olunmasıdır. Xalqımızın dövlətçilik tarixində böyük yeri və rolu olan azərbaycançılıq ideologiyası Heydər Əliyevin fəaliyyət amalı kimi qeyd olunub. Əminliklə bildirilib ki, ulu öndər Heydər Əliyevin quruculuq işləri Azərbaycanda və Türkiyədə heç zaman unudulmayacaq.

Çıxışlardan sonra Türkiyənin daxili işlər naziri Süleyman Soylu, milli müdafiə naziri Fikri Işık, mədəniyyət və turizm naziri Nabi Avcı, gənclər və idman naziri Akif Çağatay Kılıç, ailə məsələləri və sosial siyasət naziri Fatma Bətül Sayan Kaya, Türkiyə Böyük Millət Məclisinin Türkiyə-Azərbaycan parlamentlərarası dostluq qrupunun rəhbəri Necdet Ünüvar, Ədalət və İnkişaf Partiyası sədrinin müavini Şaban Dişli və AKP-nin baş katibi Əbdülhəmid Gülün mərasimə ünvanladıqları məktubların mətni oxunub.


2 İyul 2022
Siyasət

Prezident şəhid qızını hakim TƏYİN ETDİ - FOTO

Ötən gün Prezident İlham Əliyevin sərəncamı ilə Hacıyeva Sülhanə Sərdar qızı Bakı şəhəri Xətai Rayon Məhkəməsinin hakimi təyin olunub.

2 İyul 2022
Siyasət

Polis Günü Şuşada qeyd edilib - FOTO

2 iyul - Polis Günü münasibəti ilə Şuşa şəhərində tədbir keçirilib.

1 İyul 2022
Siyasət

Gəncə Şəhər Məhkəməsinə sədr, sədr müavini və hakimlər təyin edilib - SİYAHI

Prezident İlham Əliyev Gəncə Şəhər Məhkəməsinin sədri, sədrinin müavini və hakimlərinin təyin edilməsi haqqında Sərəncam imzalayıb.

1 İyul 2022
Siyasət

Prezident Daxili İşlər Nazirliyinin bir qrup əməkdaşını orden və medallarla təltif etdi - SİYAHI

Azərbaycan Respublikasının Prezidenti İlham Əliyev Daxili İşlər Nazirliyinin bir qrup əməkdaşının təltif edilməsi haqqında Sərəncam imzalayıb.

1 İyul 2022
Siyasət

DİN-in zabitlərinə general-mayor rütbəsi verildi - SƏRƏNCAM

Prezident İlham Əliyev Azərbaycan Respublikası Daxili İşlər Nazirliyinin zabitlərinə ali xüsusi rütbələrin verilməsi haqqında Sərəncam imzalayıb.