Avropa İttifaqı internetlə rabitə xidmətləri göstərən servislər üçün tələbləri sərtləşdirəcək

Avropa İttifaqı internetlə rabitə xidmətləri göstərən servislər üçün tələbləri sərtləşdirəcək
16 Dek 2016 12:18

Avropa İttifaqı (Aİ) “Skype” və “WhatsApp” kimi internet vasitəsilə rabitə xidmətləri göstərən servislər üçün tələblər siyahısını genişləndirmək niyyətindədir. Məsələn, Aİ servislərin istifadəçilərin təhlükəsizlik və məxfiliyinin təmini üzrə yeni normalara necə əməl etmələri üzərində nəzarəti gücləndirməyi planlaşdırır. Bu barədə “Reuters” agentliyi Avropa Komissiyasının qanunverici təklifinə istinadən məlumat verib.

“ICTnews” Elektron Xəbər Xidməti “SecurityLab” resursuna istinadən yazır ki, sənədə görə, qanunvericilik normaları internet vasitəsilə rabitə xidmətləri göstərən servisləri rabitənin məxfiliyinə və məlumatların alınması və emalı üçün istifadəçilərin razılığının alınmasına zəmanət verməyə məcbur edəcək. Tələbləri pozanları şirkətlərin dünya üzrə dövriyyələrinin 4 faizi miqdarında cərimə gözləyir.

Məlumata görə, Avropa Komissiyasının nümayəndəsi qanun layihəsini şərh etməkdən imtina edərək yeni normaların 2018-ci ildə qüvvəyə minəcək məlumatların mühafizəsi haqqında qaydalara uyğunlaşdırılacağını bildirib. Həmçinin komissiya “cookie” faylları haqqında qanunun müddəalarına yenidən baxacaq və internet saytlarına “cookie” faylları brauzerində informasiyasının yazılmasına görə istifadəçidən icazə almamağa (istifadəçi əvvəlcədən onların brauzer funksiyalarında yerləşdirilməsinə icazə verdiyi halda) ixtiyar verəcək. Qüvvədə olan qaydalara görə, internet resursları “cookie” fayllarının yerləşdirilməsinə görə istifadəçilərdən icazə alır və onlardan hansı məqsədlər üçün istifadə edilməsini izah edirlər.

Yeni tələblərin 2017-ci ilin yanvarında təqdim ediləcəyi gözlənilir.

18 Mar 2022
İT

Rusiyada vatsap bloklana bilər

Vatsapın rusiyalı istifadəçiləri messencerin iş keyfiyyətindən şikayətlənirlər.

11 Mar 2022
İT

Rusiyada "Instagram" bağlana bilər

Rusiya Baş Prokurorluğu Rabitə, İnformasiya Texnologiyaları və Kütləvi Kommunikasiyalara Nəzarət üzrə Federal Xidmətindən “Instagram”a məhdudiyyət qoyulmasını tələb edib.

2 Mar 2022
İT

Niyə məhz “Apple” brendinin M1 çipi ilə təchiz edilmiş “MacBook Air” notbuku? – FOTO

Notbuk seçərkən çoxsaylı modellər arasında başını itirə bilərsən. Bu halda “Apple” brendi işimizi xeyli asanlaşdırır. Belə ki, bu şirkət kəmiyyətə deyil, keyfiyyətə üstünlük verir, buna görə də onun notbukları lakonikliyi və rahatlığı ilə seçilir. 

5 Fev 2022
İT

Almaniya teleqramı 55 milyon avro cərimələyə bilər

Almaniya hökuməti teleqram messencerini 55 milyon avro cərimələyə bilər.

4 Fev 2022
İT

Milçəkdən ilhamlanan alimlər yeni tip həşərat-robot hazırlayıblar - VİDEO

Bristol Universitetinin mühəndisləri yeni tip qanad çırpan mikrorobotlar hazırlayıblar.