Anar Məmmədov: “Petkim 150 min nəfəri işlə təmin edib”

Anar Məmmədov: “Petkim 150 min nəfəri işlə təmin edib”
24 2017 14:59

Türkiyədəki yatırımlarımız vasitəsilə ölkənin neft-kimya məhsullarına tələbatının 3,5%-ni ödəyə biləcəyik.

APA-Economics” xəbər verir ki, bunu “Petkim Petrokimya Holding. A.Ş”-nin baş icraçı direktoru Anar Məmmədov Uludağ İqtisadi Zirvəsində çıxışı zamanı bildirib.

Onun sözlərinə görə, “Petkim” Türkiyənin Ege bölgəsinin ən böyük ixracat şirkəti olaraq qalmaqdadır: “Burada əsas və önəmli amil budur ki, bizim investisiyalar birbaşa və dolayı olaraq 150 min insanı işlə təmin olunmasına şərait yaradır”.

Trans-Anadolu qaz kəməri (TANAP) layihəsindən danışan A. Məmmədov bildirib ki, 2018-ci ildə bu layihə ilə Türkiyəyə ilk qazın çatdırılması planlaşdırılır: “TANAP istismara verildikdən sonra bu layihə Türkiyənin təbii qaz ixracatında böyük paya sahib olacaq. Ümumi dəyəri 8,5 mlrd. dollar olan TANAP layihəsinin inşaat işlərinin 70%-I artıq tamamlanıb". 

Qeyd edək ki, 2008-ci ildə SOCAR Türkiyə hökuməti tərəfindən özəlləşdirilən və qardaş ölkənin yeganə neft-kimya istehsalçısı olan "Petkim"də nəzarət-səhm paketinə malik olmaq üçün "SOCAR Türkiyə Enerji A.Ş." vasitəsilə strateji investisiya yatırıb. Bu alış ilə SOCAR daha sonra müxtəlif müəssisələrə kapital qoyuluşu həyata keçirib və emal fəaliyyətinin əhatə dairəsini və miqyasını artırıb. 2010-cu ildə "SOCAR Türkiyə Enerji A.Ş." "Petkim" obyektlərinə yaxın ərazidə yeni emal zavodunun tikintisi üçün Türkiyə hökumətindən icazə alıb və tikintisi üçün hazırlıq işləri 2011-ci ilin oktyabrında başlayıb. 2018-ci ildə zavodun fəaliyyətə başlaması gözlənilir.

Hesablamalara uyğun olaraq, bu zavod "Petkim"in gəlirliliyini və bazar payını artıraraq onun üçün xammal xərclərini azaldacaq.


11 Avq 2022
İqtisadiyyat

Rusiya şirkətləri Bakıda ixrac müqavilələri imzalayacaqlar

Rusiyanın Tula vilayətinin iş adamlarından ibarət nümayəndə heyəti Azərbaycanın paytaxtı Bakıda səfərdədir. Tula vilayətində istehsal edilən məhsulların Azərbaycana tədarükü ilə bağlı müqavilələrin imzalanması gözlənilir.

31 Yan 2022
İqtisadiyyat

Azərbaycandan pambıq ipliyinin ixracı üç dəfədən çox artıb

2021-ci il ərzində Azərbaycanın ixracı 22,2 mlrd. ABŞ dolları, qeyri-neft sektoru üzrə 2,7 mlrd. ABŞ dolları təşkil edib.

24 Yan 2022
İqtisadiyyat

Azərbaycanın qiymətli kağızlar bazarı 20% böyüyüb

2021-ci ildə Azərbaycanın qiymətli kağızlar bazarında 16 879,3 milyon manatlıq əməliyyat aparılıb.

22 Yan 2022
İqtisadiyyat

Manatın məzənnəsi ilə bağlı proqnoz AÇIQLANDI

Güman edirik ki, Azərbaycan manatın ABŞ dollarına qarşı 1 dollar/1,7 manat səviyyəsində olan sərt bağlılığını qoruyub saxlayacaq.

14 Yan 2022
İqtisadiyyat

Azərbaycan nefti ucuzlaşıb

Dünya bazarında “Azeri Light” (CIF) markalı neft ucuzlaşıb.