Amerikalı investorlar Rəqəmsal Ticarət Qovşağına böyük maraq göstəriblər

Amerikalı investorlar Rəqəmsal Ticarət Qovşağına böyük maraq göstəriblər
02 2017 17:40

Amerikalı investorlar Rəqəmsal Ticarət Qovşağına böyük maraq göstəriblər.

İqtisadi İslahatların Təhlili və Kommunikasiya Mərkəzinin (İİTKM) icraçı direktoru Vüsal Qasımlı Vaşinqtonda ABŞ-Azərbaycan əlaqələrinin 25 illiyinə həsr edilmiş tədbirdə iştirak edib.

İİTKM-nin mətbuat xidmətindən AZƏRTAC-a bildiriblər ki, Vüsal Qasımlı iştirakçılara Azərbaycanda qəbul edilmiş strateji yol xəritələri barədə ətraflı məlumat verib. İcraçı direktorun geniş təqdimatı amerikalı iş adamlarında Azərbaycan iqtisadiyyatı və ölkədə həyata keçirilən iqtisadi islahatlar barədə aydın təsəvvür yaradıb. V.Qasımlı, həmçinin Azərbaycanda ixrac imkanlarını genişləndirmək üçün sahibkarlara dəstək olan "Azexport" portalı barədə təqdimat edib. Bildirib ki, sahibkarlara yeni, real imkanlar və şərait yaratmaq baxımından "Azexport" portalı çox əhəmiyyətlidir.

İİTKM-nin icraçı direktoru Azərbaycan Rəqəmsal Ticarət Qovşağının yaradılması istiqamətində görülən işlərlə bağlı iştirakçıları məlumatlandırıb. Qeyd edib ki, Rəqəmsal Ticarət Qovşaq ölkəmizin şaxələndirilmiş nəqliyyat-logistika imkanlarından və informasiya-kommunikasiya texnologiyaları sahəsində nailiyyətlərindən səmərəli istifadə etməklə, ixrac potensialının yüksəldilməsini, transsərhəd ticarətin, o cümlədən elektron ticarətin əhatə dairəsinin genişləndirilməsini zəruri edir.

Amerikalı investorlar Rəqəmsal Ticarət Qovşağına böyük maraq göstəriblər. Diqqətə çatdırılıb ki, ümumilikdə Azərbaycandakı islahatlar iqtisadiyyatın qeyri-neft sektorunun inkişafına böyük ümid yaradır. Bu xüsusilə Azərbaycanın regionun rəqəmsal liderinə çevrilməsi baxımından önəmlidir.

Qeyd edək ki, İqtisadi İslahatların Təhlili və Kommunikasiya Mərkəzinin fəaliyyətinin məqsədləri ölkənin dayanıqlı iqtisadi inkişafının təmin edilməsi istiqamətində makro və mikroiqtisadi səviyyədə təhlil və tədqiqatlar aparmaqla, analitik məlumatlar əsasında iqtisadi islahatların həyata keçirilməsi üçün təkliflər, habelə orta və uzunmüddətli dövr üçün proqnozlar hazırlamaqdan, dövlət orqanlarını və qurumlarını həmin proqnozlarla təmin etməkdən, həmçinin iqtisadiyyatın müxtəlif sahələrində Azərbaycan Respublikasının nailiyyətlərinin təbliğini təşkil etməkdən ibarətdir.

 


1 Mar 2021
İqtisadiyyat

Neft yenidən bahalaşıb

ICE London qitələrarası birjasında keçirilən ticarət əməliyyatlarının gedişində "Brent" neftinin ixracına dair 2021-ci ilin may müqaviləsinin dəyəri 1,77% artaraq 1 barelə görə 65,56 dollar təşkil edib.

26 Fev 2021
İqtisadiyyat

Neft qiymətləri ucuzlaşıb

Dünya birjalarında neft qiymətləri ucuzlaşır.

25 Fev 2021
İqtisadiyyat

Mikayıl Cabbarov pakistanlı generalla işğaldan azad edilmiş ərazilərin bərpasını müzakirə edib - FOTO

İqtisadiyyat naziri Mikayıl Cabbarov Pakistanın Sərhəd İşləri Təşkilatının baş direktoru, general-mayor Kamal Azfarın rəhbərlik etdiyi nümayəndə heyəti ilə görüşüb.

25 Fev 2021
İqtisadiyyat

Azərbaycanlı mütəxəssislərdən kənd təsərrüfatının inkişafına innovativ töhfə - VİDEO

Fermer təsərrüfatı, yaşayış, sənaye və anbar sahələrində temperatur və rütubət göstəricilərinə nəzarət problemi hər zaman aktual olub. Düzgün və sabit temperatur və rütubət rejiminə riayət olunmaması qida və digər məhsulların xarab olması və yaxud istixana kimi yerlərdə meyvə-tərəvəzin tələfi ilə nəticələnə bilər. Həmçinin, temperaturun ani dəyişməsi istehsalatda qəzalar və digər təhlükəli nəticələrə gətirib çıxarır. Buna görə də bu cür nəticələrin və problemin baş verməsinin əvvəlcədən qarşısını almaq çox vacibdir.