Almaniyanın “Zeit online” qəzetində Azərbaycan-Rusiya münasibətləri barədə məqalə verilib

Almaniyanın “Zeit online” qəzetində Azərbaycan-Rusiya münasibətləri barədə məqalə verilib
14 Dek 2016 16:32

Almaniyanın “Zeit online” qəzeti Azərbaycan-Rusiya münasibətlərindən bəhs edən məqalə yayıb.

ADA Universitetinin prorektoru Fariz İsmayılzadənin müəllifi olduğu məqalədə bildirilir ki, bu gün Azərbaycan və Rusiya arasında müsbət, praqmatik və qarşılıqlı səmərəli münasibətlər mövcuddur, ticarət dövriyyəsi artmaqdadır, siyasi etibar hökm sürür, intensiv siyasi dialoq və sıx təmaslar mövcuddur.

Azərbaycanın və Rusiyanın möhkəm tərəfdaşlar olduğunu vurğulayan müəllif ölkəmizdə rus dilinin və mədəniyyətinin qorunması, Rus Pravoslav Kilsəsinə dövlət qayğısının göstərilməsi, iki ölkə arasında nəqliyyat imkanları, biznes və ticarət əlaqələri, humanitar sahədə əməkdaşlıq barədə məlumat verir.

Yazıda Azərbaycan-Rusiya münasibətlərinin inkişafı hər iki ölkənin siyasi rəhbərliyinin yanaşması ilə əlaqələndirilir. Bildirilir ki, prezidentlər İlham Əliyev və Vladimir Putin əlaqələrin möhkəmlənməsi və praqmatik əməkdaşlıq üçün çalışırlar. Ölkələrin hökumətləri mühüm məsələlərin həllində bərabər işləyirlər, onlar fikir ayrılıqlarını deyil, tərəfdaşlığı önə çəkirlər. Bu ölkələrin prezidentləri şəxsi müstəvidə etimada söykənən yaxşı münasibətlərə malikdirlər.

Məqalədə Azərbaycanın tam müstəqil siyasət yürütməsindən, öz milli maraqlarını və prioritetlərini hər zaman üstün tutmasından bəhs edilir. Bildirilir ki, Azərbaycan Avropa ilə enerji əməkdaşlığı həyata keçirir, zəngin enerji resurslarını Avropa İttifaqına ixrac etmək üçün neft və qaz kəmərləri çəkib. Ukraynanın və digər MDB ölkələrinin ərazi bütövlüyünə dəstək Azərbaycan üçün kompromisə gedilməyən mövzudur. Azərbaycan nə Gömrük İttifaqına, nə Kollektiv Təhlükəsizlik Müqaviləsi Təşkilatına, nə də Avrasiya İqtisadi Birliyinə üzv olub.

Bildirilir ki, Rusiya güclü regional aktordur və regionda təhlükəsizlik üçün əhəmiyyətli rol oynayır. Azərbaycan Xəzər bölgəsində sülh və sabitliyi təmin etmək məqsədilə gələcəkdə də Rusiya ilə sıx əməkdaşlıq edəcək. Bununla bərabər, Azərbaycan öz müstəqilliyinin və suverenliyinin gücləndirilməsini, eyni zamanda, digər qonşuları, Avropa İttifaqı və İslam dünyası ilə əlaqələrini davam etdirəcək.


5 Apr 2020
Siyasət

Baş nazir Tədbirlər Planını təsdiqlədi

Nazirlər Kabineti “Koronavirus (COVID-19) pandemiyasının və bundan irəli gələrək dünya enerji və səhm bazarlarında baş verən kəskin dalğalanmaların Azərbaycan Respublikasının iqtisadiyyatına, makroiqtisadi sabitliyə, ölkədə məşğulluq məsələlərinə və sahibkarlıq subyektlərinə mənfi təsirinin azaldılması ilə bağlı bir sıra tədbirlər haqqında” Azərbaycan Respublikası Prezidentinin 2020-ci il 19 mart tarixli 1950 nömrəli Sərəncamının 10.2-ci bəndinin icrası ilə bağlı Tədbirlər Planı” təsdiq edib.

4 Apr 2020
Siyasət

İlham Əliyevdən İsmət Səttarovla bağlı SƏRƏNCAM

Azərbaycan Respublikası Prezident İlham Əliyev İsmət Rəcəb oğlu Səttarovun Azərbaycan Respublikası Milli Televiziya və Radio Şurasının üzvü təyin edilməsi haqqında sərəncam imzalayıb. 

4 Apr 2020
Siyasət

Prezident Əhməd İsmayılova vəzifə verdi - SƏRƏNCAM

Azərbaycan Respublikası Prezident İlham Əliyev Əhməd Məhəmməd oğlu İsmayılovun Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun İcraçı direktoru təyin edilməsi haqqında sərəncam imzalayıb. 

4 Apr 2020
Siyasət

İlham Əliyev Vüqar Səfərlini vəzifəsindən azad etdi

İlham Əliyev Vüqar Səfərlini vəzifəsindən azad etdi

4 Apr 2020
Siyasət

Milli Məclis yanında komissiyanın sədri bəlli oldu

Milli Məclis yanında Toponimiya Komissiyasının yeni tərkibdə ilk onlayn iclası keçirilib.