İspaniyalı alimlər insan dərisi çap edən bioprinter nümayiş etdiriblər.
III Karlos adına Madrid Universiteti, Enerji, Ətraf Mühit və Texnologiyalar üzrə Araşdırma Mərkəzi, həmçinin Qreqorio Maranyon adına Madrid Universitet hospitalından olan alimlər qrupu bioloji materiallar çap edən “3D” printer düzəldiblər. Araşdırmalara görə, əldə edilmiş dəri tamamilə funksionaldır, tibb və transplantasiyada tətbiq oluna, həmçinin kosmetik məhsul və məişət kimyasının sınaqlarında istifadə edilə bilər.
“ICTnews” Elektron Xəbər Xidməti “ria.ru” saytına istinadən yazır ki, süni insan dərisi biomürəkkəbin köməyi ilə yaradılır. Süni dəri əsl insan dərisinin quruluşunu təkrarlayaraq lay-lay çap olunur.
Çap edilmiş dəri insan dərisində olduğu kimi, epiderma və dermadan ibarətdir, bioloji cəhətdən aktivdir və dəriyə elastiklik verən kollageni özü ifraz edir. Alimlər bildiriblər ki, çap üçün konkret insanın bioloji materialından istifadə edildiyi halda qısa müddətdə transplantasiya üçün yararlı dəri yaratmaq olar.
Süni dərinin hazırlanmasında iştirak etmiş “BioDan Group” firması məhsulu bazara çıxarmağı planlaşdırır.
Vatsapın rusiyalı istifadəçiləri messencerin iş keyfiyyətindən şikayətlənirlər.
Rusiya Baş Prokurorluğu Rabitə, İnformasiya Texnologiyaları və Kütləvi Kommunikasiyalara Nəzarət üzrə Federal Xidmətindən “Instagram”a məhdudiyyət qoyulmasını tələb edib.
Notbuk seçərkən çoxsaylı modellər arasında başını itirə bilərsən. Bu halda “Apple” brendi işimizi xeyli asanlaşdırır. Belə ki, bu şirkət kəmiyyətə deyil, keyfiyyətə üstünlük verir, buna görə də onun notbukları lakonikliyi və rahatlığı ilə seçilir.