AZƏRTAC IV İslam Həmrəyliyi Oyunlarının rəsmi media tərəfdaşı olub

AZƏRTAC IV İslam Həmrəyliyi Oyunlarının rəsmi media tərəfdaşı olub
15 Dek 2016 15:49

Dekabrın 15-də Azərbaycan Dövlət İnformasiya Agentliyi (AZƏRTAC) ilə “Bakı-2017” IV İslam Həmrəyliyi Oyunları Əməliyyat Komitəsi (AİSGOC) arasında rəsmi media tərəfdaşlığı haqqında müqavilə imzalanıb.

Müqaviləni AZƏRTAC-ın Baş direktoru Aslan Aslanov və AİSGOC-un korporativ direktoru Elçin Səfərov imzalayıblar.

Əməkdaşlıq müqaviləsinə əsasən, AZƏRTAC IV İslam Həmrəyliyi Oyunlarının loqosunu və “Bakı-2017” IV İslam Həmrəyliyi Oyunlarının Rəsmi Xəbər Agentliyi” nişanını öz xəbərlərində, foto və videomateriallarında istifadə etmək və yayımlamaq hüququ əldə edir. AZƏRTAC IV İslam Həmrəyliyi Oyunlarını yüksək səviyyədə işıqlandırmaq və təbliğ etmək üçün təcrübəli idman jurnalistlərini, həmçinin fotomüxbir və operatorlarını cəlb edəcək. Agentliyin Oyunlarla bağlı informasiyaları oxuculara 7 dildə, videoxəbərləri isə Azərbaycan və ingilis dillərində təqdim olunacaq. Oyunlarla bağlı bütün xəbərlər AZƏRTAC-ın saytında “Bakı-2017” bölməsində yerləşdiriləcək. Eyni zamanda, AZƏRTAC yarışlarda iştirak edən yerli və xarici idmançılar haqqında materiallar, yarışlardan reportajlar hazırlayacaq.

İmzalanma mərasimindən sonra AZƏRTAC-ın Baş direktoru Aslan Aslanov və AİSGOC-un korporativ direktoru Elçin Səfərov mətbuat nümayəndələrinin suallarını cavablandırıblar.

Baş direktor Aslan Aslanov müqavilənin əhəmiyyəti barədə suala cavabında bunun agentliyin həyatında daha bir əlamətdar hadisə olduğunu bildirib. Diqqətə çatdırıb ki, AZƏRTAC ötən il dünya idman tarixində ilk dəfə keçirilən birinci Avropa Oyunlarını, bu ilin iyununda Formula-1 Avropa Qran-prisini, sentyabrda 42-ci Ümumdünya Şahmat Olimpiadasını yüksək səviyyədə işıqlandırıb və bu sahədə lazımi təcrübə əldə edib.

“Dünyanın 130-dan çox ölkəsinin xəbər agentlikləri ilə səmərəli əməkdaşlıq əlaqələri quran AZƏRTAC ötən ay Dünya Xəbər Agentlikləri Konqresinə, Asiya və Sakit Okean Ölkələri İnformasiya Agentlikləri Təşkilatına – OANA-ya sədrliyə başlayıb və hazırda həmin qurumların saytlarını idarə edir. Agentliyimizin sahib olduğu bütün bu imkanlar və resurslar IV İslam Həmrəyliyi Oyunlarının dünya miqyasında geniş təbliği işində mühüm rol oynayacaq. AZƏRTAC dünyanın 57 ölkəsindən 5 mindən çox idmançının mübarizə aparacağı IV İslam Həmrəylik Oyunlarını yüksək səviyyədə işıqlandırmaq üçün bütün yaradıcı və texniki potensialını səfərbər edəcək”, - deyə Baş direktor Aslan Aslanov vurğulayıb.

IV İslam Həmrəyliyi Oyunları Əməliyyat Komitəsinin korporativ direktoru Elçin Səfərov nəinki Azərbaycanda, həm də beynəlxalq səviyyədə etibarlı xəbər mənbəyi kimi tanınan AZƏRTAC-ın “Bakı-2017” IV İslam Həmrəyliyi Oyunlarının rəsmi media tərəfdaşı olmasından məmnunluğunu bildirib. Qeyd edib ki, bu əməkdaşlıq “Bakı-2017”nin, həmçinin Oyunların Azərbaycana verəcəyi faydaların təbliği baxımından möhtəşəm platforma olacaq.


6 Dek 2022
İdman

Azərbaycanlı idmançının Ermənistanın bir nömrəsinə 5:0 hesabı ilə qalib gəldiyi döyüş - VİDEO

Azərbaycanlı idmançı Rafiz Həsənov 24-27 noyabr tarixlərində Moskvada keçirilən karate üzrə açıq çempionatda Ermənistanın karate üzrə 1 nömrəsi David Mikiyanı 5:0 hesabı ilə məğlub edib.

25 Noy 2022
İdman

Azərbaycan gimnastları Bolqarıstanda keçirilən yarışda mükafatlar qazanıblar

Noyabrın 24-də Azərbaycan gimnastları Tofiq Əliyev və Maqsud Maxsudov 23-26 noyabr tarixlərində Sofiyada (Bolqarıstan) keçirilən batut və tamblinq gimnastikası üzrə yaş qrupları arasında Ümumdünya yarışında mükafatlar qazanıblar.

15 Noy 2022
İdman

Azərbaycan ağırlıqqaldıranı beynəlxalq turnirdə bürünc medal qazanıb

Noyabrın 15-17-si tarixlərində Türkiyənin paytaxtı Ankarada keçirilən ağır atletika üzrə üçqat Olimpiya çempionu Naim Süleymanoğlunun xatirəsinə həsr olunmuş beynəlxalq turnir start götürüb.

14 Noy 2022
İdman

Azərbaycanın yeddi boksçusu beynəlxalq turnirdə finala çıxıb

Polşanın Keltse şəhərində boks üzrə keçirilən beynəlxalq turnirdə yarımfinal mərhələsinə yekun vurulub.

11 Noy 2022
İdman

“Qarabağ” dünya reytinqində səkkiz pillə irəliləyib

Beynəlxalq Futbol Tarixi və Statistikaları Federasiyası (IFFHS) klubların yeni dünya reytinqini açıqlayıb.