ADU-da “Konfutsi İnstitutlarının fəaliyyətlərinin aktual məsələləri” seminarı keçirilib

ADU-da “Konfutsi İnstitutlarının fəaliyyətlərinin aktual məsələləri” seminarı keçirilib
13 2017 11:40

ADU-da “Konfutsi İnstitutlarının fəaliyyətlərinin aktual məsələləri” adlı seminar keçirilib.

ADU-nun İnformasiya Departamentindən Trend-ə verilən məlumata görə, yanvarın 12-də Azərbaycan Dillər Universitetinin (ADU) nəzdində fəaliyyət göstərən Konfutsi İnstitutunun təşkilatçılığı ilə Çinin təşəbbüsü olan “Bir kəmər bir yol” kontekstində “Konfutsi İnstitutlarının fəaliyyətlərinin aktual məsələləri” adlı elmi seminar keçirilib.

Seminarda açılış nitqi ilə çıxış edən adıçəkilən İnstitutun Azərbaycan tərəfindən müdiri professor Rafiq Abbasov iqtisadi və trans-Avrasiya nəqliyyat dəhlizlərinin yaranmasına yönəlmiş “İqtisadi kəmər - İpək yolu” layihəsində Azərbaycanın iştirakı sahəsində elmi tədqiqatların aparılmasının Konfutsi İnstitutunun əsas istiqamətlərindən biri olduğunu bildirib.

O, Azərbaycan Respublikasının Prezidenti İlham Əliyevin Çinin Dövlət Şurası sədrinin birinci müavini Can Qaoli ilə olan son görüşündən danışaraq, Azərbaycanın Çin və Avropa nəqliyyat marşrutunda mühüm tranzit rolu oynadığını da qeyd edib. Konfutsi İnstitutunun Çin tərəfindən müdiri xanım Li Jihua Böyük İpək Yolunu əhatə edən ölkələr arasında çoxtərəfli əlaqələrin genişlənməsi sahəsində elmi tədqiqatların əhəmiyyətini vurğulayaraq, ötən il ərzində adıçəkilən İnstitut tərəfindən Azərbaycan və Çin arasında siyasi, iqtisadi və mədəni əməkdaşlığa həsr olunan 20-dən çox elmi seminarın keçirildiyini söyləyib.

Seminarda iştirak edən universitetin Xarici dillər kafedrasının müdiri Salman Nuriyev Konfutsi İnstitutlarının XI Dünya Konqresində iştirak etdiyini bildirib. O, Konfutsi İnstitutunun informasiya resurslarının inkişafına dəstəyindən söz açıb, həmçinin yay düşərgələri və Konfutsi İnstitutu gününün təşkili daxil olmaqla Konfutsi İnstitutlarının beynəlxalq əlaqələrinin inkişafının prioritet istiqamətlərindən məlumat verib.

Sonda Konfutsi İnstitutunun elmi-tədqiqi və pedaqoji fəaliyyətinin inkişafının əsas məsələləri ətrafında müzakirələr aparılıb.


27 Okt 2020
Cəmiyyət

DİN əhaliyə müraciət etdi

Daxili İşlər Nazirliyi vətəndaşlara koronavirusla bağlı müraciət edib.

27 Okt 2020
Cəmiyyət

Parlament Vəng kəndinin Çinarlı adlandırılmasını təsdiqlədi

Milli Məclisin bu gün keçirilən plenar iclasında “Azərbaycan Respublikasının Xocavənd rayonunun Vəng kəndinin Çinarlı kəndi adlandırılması haqqında” qanun layihəsi müzakirəyə çıxarılıb.

27 Okt 2020
Cəmiyyət

“Barıt qoxulu” torpaqlarda “ağ qızıl” toplanır - VİDEO

Bu il pambıq yığımı gedən döyüş əməliyyatları səbəbindən xeyli gecikib. Amma bu, kəndliləri narahat etmir. Nə onların əkin sahələrinə düşən mərmi, nə də sahələrdə qalan məhsulları... Fermerlər deyir ki, təki vətən sağ olsun, təki Azərbaycan Ordusu torpaqlarımızı erməni işğalından azad etsin.

27 Okt 2020
Cəmiyyət

Qubadlı rayonunun işğaldan azad olunan Padar kəndi - VİDEO

Müdafiə Nazirliyi Qubadlı rayonunun işğaldan azad olunan Padar kəndinin videogörüntüsünü yayıb.