500 milyon dollar borca qol çəkdik

500 milyon dollar borca qol çəkdik
23 Dek 2016 11:45

Azərbaycan hökuməti və Asiya İnkişaf Bankı (AİB) respublikann iqtisadi inkişafına dəstək məqsədilə  500 mln. məbləğində kredit sazişi imzalayıb. Bu barədə bankın Bakı ofisindən məlumat verilib.

"Kredit sazişini maliyyə naziri Samir Şərifov və AİB-in Bakı nümayəndəliyinin rəhbəri Nəriman Mannapbekov imzalayıblar”, - deyə bankın nümayəndəsi bildirib.

Qeyd edək ki, AİB dekabrın 7-də Azərbaycana  500 mln. dolla məbləğində kreditin ayrılmasını təsdiqləyib. Bu kredit Azərbaycanda sosial xərclərə yönəldiləcək, yeni iş yerlərinin açılması və neftin ucuzlaşmasının mənfi təsirlərinin yumşaldılması üçün iqtisadiyyatın diversifikasiyasına xərclənəcək.

Vəsait AİB ölkələrinə dəstək üzrə antiböhran proqramı (Countercyclical Support Facility, CSF) çərçivəsində ayrılıb.

Azərbaycan hökuməti kredit vəsaitini  1,4 mlrd. Dollar dəyərində qiymətləndirilən antiböhran tədbirlər paketinin reallaşdırılmasına yönəltməyi planlaşdırır. Antiböhran planına büdcədən maliyyələşən təşkilatlarda işçilərin əməkhaqqının, pensiya və sosial yardımın məbləğinin artırılması, əhalinin həssas təbəqəsinə dəstək göstərilməsi daxildir. Plan 3,7 mln. nəfəri və ya respublika əhalisinin 1/3 hissəsini əhatə edəcək. 

AİB vurğulayır ki, son iki ildə neftin ucuzlaşması Azərbaycan iqtisadiyyatı üçün çətinliklər yaradıb. Bankın qiymətləndirmələrinə görə, neft və qazın satışından əldə olunan gəlir ÜDM-in 30%-ni, dövlət büdcəsi gəlirlərinin 60%-ni, ixracdan əldə olunan gəlirlərin 90%-dən çox hissəsini formalaşdırır. Belə vəziyyət iqtisadiyyatda resessiyaya, manatın devalvasiyasına, əhalinin real gəlirlərinin azalmasına səbəb olub. 

AİB, həmçinin islahatların hazırlanmasına dəstək məqsədilə Azərbaycana  1,2 mln. Dollar məbləğində texniki yardım göstərir.


28 Okt 2020
İqtisadiyyat

İşğaldan azad olunan ərazilər hesabına Azərbaycan iqtisadiyyatına böyük dövriyyə cəlb olunacaq

Azərbaycanın dövlət büdcəsi çərçivəsində müdafiə xərcləri üçün ayrılan vəsait müharibənin xərclərini qarşılayır.

27 Okt 2020
İqtisadiyyat

Hərbi əməliyyatlar zamanı Ermənistana 2,7 milyard dollar ziyan dəyib - FOTO

Bir ay ərzində Ermənistanın hərbi texnika və sursat itkisinin həcmi 2,7 milyard ABŞ dollarından çox olub.

27 Okt 2020
İqtisadiyyat

İqtisadiyyata kredit qoyuluşlarının həcmi artıb

2020-ci ilin sentyabr ayında iqtisadiyyata kredit qoyuluşlarının həcmi 2019-cu ilin eyni dövrü ilə müqayisədə artıb.

27 Okt 2020
İqtisadiyyat

Dövlət Neft Fondunun vəsaitlərinin həcmi azalıb - FOTO

2020-ci ilin əvvəlinə nisbətən Dövlət Neft Fondunun vəsaitləri 0,08 faiz, təxminən, 35 milyon ABŞ dolları həcmində azalıb.