Vaşinqton rəsmi olaraq Azərbaycanın ərazi bütövlüyünü tanıdığına görə USAID Qarabağı işğal edən Ermənistana illik maliyyə yardımını dayandırmalıdır.
REALPRESS.Az “Report”-a istinadən xəbər verir ki, bu barədə Amerikanın “Washington Times” qəzetində dərc edilən məqalədə deyilir.
“Xarici yardım məsələsində səhvlərə yol verməmək üçün ABŞ fəaliyyət göstərən hökuməti olmayan regionların maliyyələşdirilməsini dayandırmalıdır. Məsələn, USAID tərəfindən Ermənistanın işğal etdiyi və bütün dünyanın Azərbaycan ərazisi kimi tanıdığı Dağlıq Qarabağ üçün hər il verilən iki milyon dollar məbləğində yardım da bura daxildir”, - məqalədə deyilir.
Müəllif xatırladır ki, ABŞ Dövlət Departamenti öz rəsmi saytında Dağlıq Qarabağı dövlət kimi rəsmi olaraq tanımır, Azərbaycanın ərazi bütövlüyünü dəstəkləyir və hesab edir ki, Dağlıq Qarabağın gələcək statusu tərəflər arasında danışıqların məsələsidir.
“Bu sözlərə dəstək olaraq tanınmayan əraziyə yardımı niyə kəsməməliyik? Hələlik isə biz Dağlıq Qarabağın işğalçısı olan Ermənistana 24 mln. dollar ayırırıq, halbuki işğalın qurbanı olan Azərbaycan Amerika yardımının çərçivəsində verilən bu məbləğin yalnız yarısını alır” - məqalədə deyilir.
Prezident İlham Əliyev “Üzv Dövlətlərin Türk Akademiyasının Büdcəsinə Məcburi Ödənişlərinin Həcminə dair Protokol”un təsdiq edilməsi haqqında Fərman imzalayıb.
“Xarici siyasətlə bağlı kursumuz dəyişməz olaraq qalır. Müharibə dövründə və müharibədən sonrakı dövr bir də onu göstərdi ki, bu çox düzgün kurs idi. Müharibə dövründə bəzi ölkələr bizə qarşı müəyyən iradlar irəli sürdülər. Amma mənim cavabım da nə oldu. Azərbaycan xalqı bunu bildi. Artıq bu iradlar da yoxdur. Artıq bu əsassız ittihamlar da aradan qaldırılıb”.
“İqtisadi sahəyə gəldikdə, burada da yeni dövr artıq göz qabağındadır. Bu, şəffaflıq dövrüdür, dürüstlük dövrüdür, inhisarlara son dövrüdür. Artıq bunu biz dəfələrlə nümayiş etdirmişik. Bu ilin iki ayının nəticələri bir daha onu göstərir”.
“Biz Avropa İttifaqı ilə sıx əlaqələr qurmuşuq. Avropa İttifaqına üzv olan 9 ölkə ilə strateji tərəfdaşlıq haqqında sənədlər imzalanıb. Mən indi heç kimin haqqında danışmaq istəmirəm, amma bunu deməliyəm. “Şərq tərəfdaşlığı” ölkələrindən hansı bir ölkə Avropa İttifaqına üzv olan 9 ölkə ilə strateji tərəfdaşlıq haqqında sənəd imzalayıb? Yox. Onlar assosiasiya sazişi imzalayıblar, o sazişə də mən baxmışam. O, faktiki olaraq saziş deyil, o, təlimat kitabçasıdır, bilirsiniz, təlimat kitabçası. O ölkələrə təlimat verilir, bunu belə etməlisən, bunu elə etməlisən. Mən isə ondan imtina etdim. Dedim ki, bizə belə təlimat lazım deyil. Biz özümüz bilirik nə etmək lazımdır. Bu gün biz Avropa İttifaqı ilə bərabərhüquqlu saziş üzərində işləyirik və sazişin 90 faizi razılaşdırılıb. Əlbəttə ki, pandemiya və müharibə bu işlərə bir az müdaxilə etdi. Yaxın gələcəkdə bu danışıqlar bərpa ediləcək. Ona görə biz bu sahədə də uğurlar əldə etdik. Ona görə bizim digər ölkələrlə xarici siyasətimiz çoxşaxəlidir”.
