“Təfəkkür” Universitetinin fəaliyyəti dayandırılıb

“Təfəkkür” Universitetinin fəaliyyəti dayandırılıb
16 2017 17:30

Elm və Təhsil Mərkəzi “Təfəkkür” Universiteti ötən ilin oktyabr ayının 11-də Təhsil Nazirliyinə müraciət edərək, universitetin Təsisçilər Şurasının maliyyə vəziyyətində yaranmış problemlərlə əlaqədar fəaliyyətinin dayandırılması barədə qərarın qəbul edildiyini bildirib.

REALPRESS.Az xəbər verir ki, Report-un məlumatına görə, bu barədə nazirlik məlumat yayıb. 

Məlumata görə, göstərilənləri, habelə universitetin 5 illik akkreditasiya müddətinin 2016-cı ildə bitdiyini nəzərə alaraq Azərbaycan Respublikası Təhsil Nazirliyi “Təfəkkür” Universitetinin akkreditasiyasının keçirilməməsi, 2017-2018-ci tədris ili üçün tələbə qəbulunun proqnozlaşdırılmaması və tələbə kontingentinin digər ali təhsil müəssisələrinə yerləşdirilməsini təşkil etmək məqsədilə İşçi qrupunun yaradılması barədə qərar qəbul edib.

İşçi qrupuna universitetdə təhsil alan tələbələrin digər ali təhsil müəssisələrinə köçürülməsi ilə bağlı təkliflər hazırlayıb nazirliyin rəhbərliyinə təqdim edilməsi və digər təşkilati tədbirlərin görülməsi tapşırılıb.

Tələbələrə ixtisasları, habelə qəbul imtahanlarında topladıqları balları nəzərə alınmaqla müvafiq ali təhsil müəssisələrində maneəsiz yerləşdirilməsi üçün lazımi şərait yaradılacaq. Eyni zamanda köçürüləcək universitetlərdə onlar üçün təhsil haqqının artımına yol verilməyəcək.

Tələbələrdən qış imtahan sessiyasının başa çatmasından sonra universitetdə fəaliyyət göstərəcək İşçi qrupla əlaqə saxlanılması xahiş olunur.


22 Okt 2020
Cəmiyyət

Cənubi Koreyada məcburi qrip peyvəndi edilən 13 nəfər öldü

Cənubi Koreyada məcburi qrip peyvəndindən sonra 13 nəfər ölüb.

22 Okt 2020
Cəmiyyət

Prezidentin köməkçisi: “PKK terrorçuları əsasən Ermənistan ordusunun ilk müdafiə xəttində yer alır”

“Ermənistan tərəfindən başqa ölkələrdən gələn şəxslər vuruşur. Suriya və Livanla yanaşı ABŞ, Kanada və xüsusilə də Fransadan gələn ermənilər Ermənistan silahlı qüvvələri cərgələrinə qoşulur”.

21 Okt 2020
Cəmiyyət

Sığortaolunanın fərdi şəxsi hesabı yaradılır - QƏRAR

“Sığortaolunanların fərdi uçotunun aparılması Qaydası” təsdiq edilib.

21 Okt 2020
Cəmiyyət

Dövlət Neft Fondundan büdcəyə 8,9 milyard manat transfert edilib

Dövlət Neft Fondundan dövlət büdcəsinə 8 milyard 852,5 milyon manat vəsait transfert edilib.