“SWIFT” banklara kiberhücumların sayının çoxalması ilə bağlı xəbərdarlıq edib

“SWIFT” banklara kiberhücumların sayının çoxalması ilə bağlı xəbərdarlıq edib
14 Dek 2016 12:07

“SWIFT” (Society for Worldwide Interbank Financial Telecommunications) beynəlxalq banklararası tranzaksiya sisteminin rəhbərliyi müştəri bankları kiberhücum təhlükəsinin artması ilə bağlı xəbərdarlıq edib.   

“ICTnews” Elektron Xəbər Xidməti “SecurityLab” resursuna istinadən yazır ki, məlumatda deyilir ki, təhdidlər daimi, adaptiv və kəskindir və heç vaxt aradan qalxmayacaq.

Məlumata görə, cinayətkarlar bank sistemlərinə kiberhücumların metodlarını təkmilləşdirməkdə davam edirlər. Yeni sxemlərdən biri kibercinayətkarlara texniki dəstək kompüterlərinə müdaxiləyə imkan verən proqram təminatından istifadə ilə əlaqədardır.

“Təəssüf ki, biz cinayətkarlar tərəfindən müştərilərimizin kompüter sistemlərinin ələ keçirilərək sonradan “SWIFT” şəbəkəsi vasitəsilə ödəniş üzrə saxta təlimatların göndərilməsi halları ilə qarşılaşmaqda davam edirik. Analoji üsuldan Banqladeş Bankının vəsaitlərinin oğurlanması üçün istifadə olunub”, - beynəlxalq sistemin məlumatında vurğulanır.

“SWIFT” müştərilərinin təhlükəsizliyinin mühafizəsi üzrə proqramın rəhbəri Stiven Qilderdeylin sözlərinə görə, bu ilin əvvəlindən “SWIFT” sistemindən istifadə edən banklar dəfələrlə vəsaitlərin oğurlanmasına yönələn kiberhücumlara məruz qalıblar. Onların beşdə bir hissəsi uğurlu olub.

Xatırladaq ki, cari ilin martında Banqladeş hökumətinin Nyu-York Federal Ehtiyatlar Bankındakı hesabından 81 milyon dolların oğurlanması məlum olub. Banqladeş Bankının məlumatına görə, kiberhücum 5 fevral 2016-cı ildə həyata keçirilib. Hakerlər mərkəzi bankın məlumat bazasına daxil olaraq vəsaitləri Filippin və Şri-Lankadakı hesablara köçürüblər.

9 Okt 2020
İT

Smartfonun köməyi ilə distant şəkildə kompyuteri yandırıb-söndürməyin yolları açıqlandı

Smartfonun köməyi ilə uzaqdan, distant şəkildə kompyuteri açmaq və söndürmək mümkündür. Bunun müxtəlif yolları var.

10 Sent 2020
İT

“WhatsApp”a tətbiqi bloklayan mesajlar gəlməyə başlayıb - XƏBƏRDARLIQ

“WhatsApp” istifadəçilərinə naməlum nömrələrdən tətbiqin bloklanmasına səbəb olan ismarıclar gəlməyə başlayıb.

3 Sent 2020
İT

Davamlı açıq qalan “bluetooth”un təhlükələri açıqlanıb

Davamlı olaraq açıq olan “bluetooth” smartfonun batareyasını daha sürətlə tükətməkdən əlavə, qadjetin yaddaşında saxlanılan şəxsi məlumatların hakerlərin əlinə keçməsinə şərait yaradır.

28 Avq 2020
İT

“Twitter”in işində nasazlıqlar yaranıb

“Twitter”in işində nasazlıqlar yaranıb. 

21 Avq 2020
İT

Sönülü telefonda yeri müəyyən etməyin yolu

Smartfonlar məlumatları təkcə geolokasiya bağlı olanda deyil, həm də söndürüldükdə ötürür. Bu məlumatlar həm cihaz istehsalçılarına, həm də mobil operatorlara göndərilir.