“Müştəri məmnuniyyəti” adlı kitabın təqdimat və imza günü keçirilib.
Kitabın müəllifi Arzu Qafarlı tədbirdə bildirib ki, müasir marketinqin tələbi olan müştəri məmnuniyyəti bu gün müəssisələrin planında ön sıradadır: "Əvvəllər şirkətlər tək satmağa çalışırdılarsa, indi müştərini qoruyub saxlamağı da düşünürlər. Bu gün bizim bazarda müştərinin məmnun qaldığı istehsal, xidmət sahəsində fəaliyyət göstərən onlarla müəssisənin adını açıqlamaq olar. Bununla yanaşı, bu brendlər “Made in Azerbaijan” adı ilə xaricdə belə müştərilərin rəğbətini qazanıblar. İnanırıq ki, bu kimi müəssisələrimizin sayı yaxın illərdə daha da çox olacaq".
Müəllifin qeyd edib ki, kitabda bu sahənin daha da inkişaf etdirilməsində ən zəruri olan mövzulara toxunulub və məsləhətlər verilib. Bu sahədə işləyənlər kitabdan yararlanaraq öz nəzəri və praktiki biliklərini daha da artıra bilərlər.
YAP Gənclər Birliyinin sədri Seymur Orucov isə bildirib ki, bu kitabdan qazanan bizim gənc sahibkarlarımız olacaq.
Təqdimatda iştirak edən müxtəlif şirkət rəhbərləri müştəri məmnuniyyətinə toxunaraq bu kimi kitabların çox vacib olduqlarını vurğulayıblar.
Sonra tədbir iştirakçıları müəllifin imzalı kitablarını əldə ediblər.
Türkiyənin “Türk Hava Yolları” şirkəti İstanbuldan Gəncə və Naxçıvana uçuşları bərpa edib.
Dövlət Sərhəd Xidmətinin Göytəpə şəhərində yerləşən hərbi hissəsində gənc əsgərlərin andiçmə mərasimi keçirilib.
Mayın 15-də Qəbələ Dəmir yolu Vağzalının və Ləki stansiyası-Qəbələ birxətli dəmir yolunun açılışı olub.
Yolumuz Azərbaycanın tarixi, dini və maddi-mədəniyyət nümunələri ilə zəngin olan Laçın rayonuna, daha dəqiq desək, burada yerləşən "Ağoğlan" məbədinədir. Səfərə gecə çıxmağımız bizə fürsət verir ki, bir neçə saatdan sonra Günəşin necə zühur etdiyinə bir də müqəddəs torpaqlardan şahidlik edək. Qarşıda 400 kilometrə yaxın yolumuz var. Gözəl yolçuluqdur, Azərbaycan əsgərinin fəth etdiyi yolları qət etmək, onların izi ilə getmək, onların açdığı cığırlarla irəliləmək...
