“İçərişəhər” DTMQ İdarəsində 20 Yanvar faciəsinin 27-ci ildönümünə həsr olunmuş anım mərasimi keçirilib

“İçərişəhər” DTMQ İdarəsində 20 Yanvar faciəsinin 27-ci ildönümünə həsr olunmuş anım mərasimi keçirilib
20 2017 11:54

“İçərişəhər” Dövlət Tarix-Memarlıq Qoruğu İdarəsi tərəfindən 19 yanvar tarixində 20 Yanvar faciəsinin 27-ci ildönümünə həsr olunmuş anım mərasimi keçirilib.

Tədbir açıq elan edildikdən sonra Şəhidlərin xatirəsi bir dəqiqəlik sükutla yad edilib, daha sonra “Sirdaş” telelayihəsinin 20 Yanvar faciəsinə həsr olunmuş xüsusi buraxılışı nümayiş olunub.

Tədbirdə AMEA Tarix İnstitutunun şöbə müdiri, professor Kərəm Şükürov, Azərbaycan Respublikası Prezidenti yanında İdarəçilik Akademiyasının müəllimi Firdovsiyə Əhmədova, tarix üzrə fəlsəfə doktoru Dilavər Əzimli, tarix elmləri doktoru, professor Kamil İbrahimov çıxış edərək faciənin baş vermə səbəblərini həmin dövrün ictimai-siyasi hadisələri fonunda təhlil edib, bu günü Azərbaycan tarixinin müstəqilliyə gedən yoldakı dönüş nöqtəsi kimi qiymətləndirərək, 20 Yanvar faciəsinin Azərbaycan xalqına qarşı həyata keçirilmiş ən ağır cinayətlərdən biri, hərbi təcavüz kimi tarixə düşməsini qeyd ediblər.

Tədbirdə 20 Yanvar hadisələrinin Azərbaycan xalqının taleyində oynadığı roldan, qanlı hadisələrə aparan tarixi şəraitdən, o dövrkü SSRİ və Azərbaycan SSR rəhbərliyinin yarıtmaz və eyni zamanda məkrli siyasəti, yerli rəhbərliyin öz xalqına etinasız münasibəti və bunun nəticəsində törədilmiş cinayət haqqında söhbət aparılmış, azadlıq uğrunda canlarını qurban vermiş şəhidlərimizin böyük qəhrəmanlığı və onların əziz xatirəsinin heç zaman unudulmayacağı vurğulanmışdır. Natiqlər yanvar hadisələri zamanı həyatlarını qurban vermiş şəhidlərin qəhrəmanlığının ölkəmizin müstəqilliyinin bərpa edilməsində əvəzolunmaz rolunu vurğulayıblar.

Anım mərasimində tarixçi alimlər, ziyalılar, “İçərişəhər” Dövlət Tarix-Memarlıq Qoruğu İdarəsinin rəhbərliyi və əməkdaşları iştirak edib.


8 Mar 2021
Cəmiyyət

Emin Əmrulllayev 8 Mart münasibəti ilə paylaşım edib

Azərbaycanda müəllimlərin 83 faizini xanımlar təşkil edir.

8 Mar 2021
Cəmiyyət

İşğaldan azad edilmiş ərazilərə keçmək istəyənlər saxlanılıb + FOTO

Müvafiq icazə almadan və nəzarət postlarından kənar yollarla işğaldan azad edilmiş ərazilərə keçmək istəyən daha dörd nəfər saxlanılıb.

8 Mar 2021
Cəmiyyət

Zəngilanın Qaragöz kəndi – VİDEO

İşğaldan azad edilmiş Zəngilandan yeni görüntülər paylaşılıb.

8 Mar 2021
Cəmiyyət

Şəhid qəhrəmanlarımızın qadınlarından bayram xatirələri - FOTO/VİDEO

Hər bir qəhrəman əsgərin arxasında, cəsarətli, mərd, şücaətli Azərbaycan qadını dayanır. Yeri gələndə ailəsinin yanında, Vətən tələb edəndə səngərdədir Azərbaycan qadını! Vətən yolunda oğul böyüdüb, düşmənə meydan oxuyan, cəfakeş, zərif, cəsarətli anadır Azərbaycan qadını! Vətən savaşında da ana və bacılarımızın qəhrəmanlıq nümunələrinin bir daha şahidi olduq.

8 Mar 2021
Cəmiyyət

8 mart günü baş tutacaq - MATÇLAR

Bu gün futbol üzrə Azərbaycan Premyer Liqasında XIX tura start veriləcək.