“Huawei” noutbuklarının tədarükü və hazırlanması dayandırılacaq

“Huawei” noutbuklarının tədarükü və hazırlanması dayandırılacaq
12 2019 12:40

Dünyanın aparıcı elektronika istehsalçılarından olan “Huawei” şirkəti öz brendi ilə noutbukların hazırlanması və buraxılışı üzrə planlara yenidən baxmaq niyyətindədir. Bu barədə “DigiTimes” internet nəşri Çin şirkətinin istehsal tərəfdaşlarındakı mənbələrə istinadən məlumat verib.

“ICTnews” Elektron Xəbər Xidməti “Planet Today” resursuna istinadən yazır ki, məlumata görə, “Huawei” şirkəti tərəfdaşlara portativ kompüterlər üçün komplektləşdirici hissələrin tədarükünün, eləcə də yeni layihələr üzərində işin müvəqqəti dayandırılmasını bildirən məktub ünvanlayıb. Bununla yanaşı, məktubda tədarükün və işlərin bərpa olunma müddəti qeyd olunmayıb.

Mütəxəssislərin qiymətləndirməsinə görə, şirkətin belə qərar qəbul etməsinin səbəbi ABŞ və Çin arasında olan ticarət mübahisəsi ilə əlaqədardır. Belə ki, ABŞ-ın “Intel”, “Qualcomm” və “Microsoft” şirkətləri ölkənin Ticarət Nazirliyinin “qara siyahı”sına düşən “Huawei” şirkəti ilə əməkdaşlığı dayandırıb. Bu əsas aparat platformaları və proqram təminatı tədarükçülərinin iştirakı olmadan “Windows” əməliyyat sisteminin idarəetməsi ilə işləyən müasir noutbukların istehsalını təşkil etmək qeyri-mümkündür.

 Realpress.az



19 Okt 2019
İT

Vatikanda “ağıllı” təsbeh yaradılıb (VİDEO)

Vatikanda müasir texnologiya və qurğuları sevən gənc katoliklərin kilsəyə cəlb edilməsi məqsədilə "ağıllı" təsbeh buraxılıb.

18 Okt 2019
İT

Dünyada ən kiçik əl printeri təqdim edilib

“PrinCube” adlı əl printerinin çəkisi 110 qr-dır. Ənənəvi printerlərdən fərqli olaraq bu cihazla nəyisə çap etmək üçün onu səthin üzərisi ilə əllə hərəkət etdirmək lazımdır. Sözügedən printer öz arxasınca müxtəlif rəngli mürəkkəblərdən ibarət iz saxlayır.

18 Okt 2019
İT

Dünyada “5G” şəbəkəsinin sürətli tətbiqi proqnozlaşdırılır

“CCS Insight” şirkəti beşinci nəsil mobil rabitə şəbəkəsinin (5G) yaxın illərdə sürətli tətbiqini proqnozlaşdırır. Mütəxəssislərin qiymətləndirməsinə görə, 2022-ci ildə bütün dünyada “5G” şəbəkələrinə qoşulmaların sayı 1 milyarda çatacaq, 2024-cü ildə onların sayı 2 milyardadək artacaq, 2025-ci ildə isə 3 milyardı ötəcək.

18 Okt 2019
İT

İnformasiya təhlükəsizliyi bazarında 9,4 faiz illik artım gözlənilir

İnformasiya təhlükəsizliyi üçün dünya həllər bazarının həcmi artır və yaxın illərdə artım nümayiş etdirməkdə davam edəcək. Bu barədə “International Data Corporation” (IDC) analitik şirkətinin tədqiqatında deyilir.

18 Okt 2019
İT

“Samsung” smartfonlarının barmaq izi müdafiəsi faydasız olub

"Samsung" şirkəti istənilən şəxsin "Galaxy S10" smartfonunun mühafizə sisteminə müdaxilə etməsinə imkan verən boşluğun mövcudluğunu etiraf edib. Bu haqda "Reuters" yazıb.