“Türkiyə Universitetləri Məzunları” İctimai Birliyi (TUMİB) Azərbaycan Respublikasının Prezidenti yanında Gənclər Fondunun maliyyə dəstəyi ilə "Gəncliyini qoru gələcəyin üçün!" adlı layihə çərçivəsində növbəti tədbirini Hacıqabulda təşkil edib.
TUMİB-dən AZƏRTAC-a bildiriblər ki, tədbirdə çıxış edən Hacıqabul Rayon İcra Hakimiyyətinin ictimai-siyasi və humanitar məsələlər şöbəsinin baş məsləhətçisi İmaməddin İmanov gənclərin sağlamlığı ilə bağlı rayonda həyata keçirilən işlərdən danışıb. Qeyd edilib ki, dövlətin dəstəyi ilə sağlam həyat tərzi və reproduktiv sağlamlıq sahəsində gənclər arasında ciddi işlər görülür.
İctimai Birliyin sədri Çingiz Bayramov gənclərin sağlam həyat tərzi keçirməklə, zərərli vərdişlərdən uzaq olmaqla, mütaliə etməklə cəmiyyətin inkişafına layiqli töhfə verə biləcəklərini qeyd edib. Bildirib ki, sağlam həyat tərzinin köməyi ilə insan öz sosial funksiyalarını mükəmməl yerinə yetirir.
Tədbirdə TUMİB üzvü Pərviz Səmədov, TUMİB-in hüquq mərkəzinin əməkdaşı Orxan Vəliyev çıxış edərək narkomaniyanın zərərləri, hepatit, QİÇS və digər yoluxucu xəstəliklərdən qorunma yolları haqqında tövsiyələrini veriblər. Onlar sağlamlığın qorunması üçün maarifləndirmə işinin vacibliyini vurğulayıblar.
Sonda tədbir iştirakçılarını maraqlandıran suallar cavablandırılıb.
Prezident İlham Əliyev Azərbaycan Respublikasının neft sənayesi işçilərinin təltif edilməsi haqqında Sərəncam imzalayıb.
Birinci Qarabağ müharibəsində itkin düşmüş hesab olunan şəhid Səfəralı Alverdi (Allahverdi) oğlu Səfərov dəfn edilib.
Dövlət Şəhərsalma və Arxitektura Komitəsinin sədri Anar Quliyev sosial şəbəkə hesablarında Ağdam rayonunun yenidən qurulan Eyvazxanbəyli kəndinin layihə görüntülərini paylaşıb.
