“Fitch” Azərbaycan iqtisadiyyatının dayanıqlı inkişafını gözləyir

“Fitch” Azərbaycan iqtisadiyyatının dayanıqlı inkişafını gözləyir
20 2019 16:00

“Fitch” Azərbaycan iqtisadiyyatının dayanıqlı inkişafını gözləyir


“Fitch Ratings” beynəlxalq reytinq agentliyi 2019-cu ildə Azərbaycan iqtisadiyyatının artımını 3,7%, 2020-ci ildə isə 3,5% səviyyəsində proqnozlaşdırır.

Bu barədə agentliyin Azərbaycan üzrə hesabatında deyilir.

“Fitch” agentliyi Azərbaycanın emitentin xarici valyutada uzunmüddətli reytinqini sabit proqnozla “BB+” səviyyəsində təsdiq edib.

“Fitch” reytinqini əsaslandırarkən dövlət borcunun (2018-ci ildə ÜDM-nin 18,7 faizi) bənzər reytinqli digər dövlətlərlə (orta hesabla ÜDM-nin 44 faizi) müqayisədə aşağı səviyyədə olduğunu bildirir.  

Agentliyin analitiklərinin məlumatına əsasən, neftin yüksək qiymətləri, sağlam qeyri-neft ixracı 2018-ci ildə ölkənin cari əməliyyatlar hesabının profisitini ÜDM-nin 12,9 faizi səviyyəsində təmin etməyə imkan verib. Analoji reytinqi olan ölkələrdə bu göstərici ÜDM-nin 3,2 faizini təşkil edir.

Agentlik qeyd edir ki, 2018-ci ildə qeyri-neft sektoru 1,8 faiz, neft-qaz sahəsi isə 0,7 faiz inkişaf edib, bu da qaz hasilatının 5,6 faiz artmasına xidmət edib. “Fitch” qaz hasilatının artması və dövlətin istehlakı yüksəltməyə imkan verəcək sosial tədbirləri sayəsində ölkədə iqtisadi artımın sürətlənməsini gözləyir.

Agentlik ölkədə milli valyutanın sabit məzənnəsini vurğulayır və diqqətə çatdırır ki, Azərbaycanda sosial və siyasi sabitlik davam edəcək.

Azad Həsənli

Realpress.az 

21 Noy 2019
İqtisadiyyat

Azərbaycanda “Mi” tipli helikopterlərə texniki xidmət mərkəzinin yaradılması müzakirə edildi

Azərbaycanda “Mi” tipli helikopterlərə texniki xidmət mərkəzinin yaradılması müzakirə edildi

20 Noy 2019
İqtisadiyyat

Mikayıl Cabbarov MDB Vergi Xidmətləri rəhbərlərinə sədrlik edəcək

Mikayıl Cabbarov MDB Vergi Xidmətləri rəhbərlərinə sədrlik edəcək

19 Noy 2019
İqtisadiyyat

Türkiyənin avtomobil ixrac etdiyi ölkələr arasında Azərbaycan birincidir

Türkiyənin avtomobil ixrac etdiyi ölkələr arasında Azərbaycan birincidir

18 Noy 2019
İqtisadiyyat

Bu ayın sonunda TANAP-ın ikinci hissəsinin açılışı keçiriləcək

Noyabrın 30-da Trans-Anadolu Təbii Qaz Boru Kəmərinin (TANAP) Avropaya qaz ötürüləcək ikinci hissəsinin (Faza-1) açılış mərasimi keçiriləcək.