“Dakar rallisi-2017” başa çatıb

“Dakar rallisi-2017” başa çatıb
18 2017 09:02

Dünyanın ən dözümlü pilotlarının mübarizə apardığı transkontinental Dakar rallisi başa çatıb.

AZƏRTAC Azərbaycan Avtomobil Federasiyasının saytına istinadla bildirir ki, 12 mərhələdən ibarət yarışda motosikletçilərin mübarizəsində ilk üç yeri KTM təmsilçiləri tutublar. Britaniyalı Sem Sanderlend bütün mərhələlərin yekununda 32 saat 6 dəqiqə 22 saniyə göstərici ilə fəxri kürsünün ən yüksək pilləsinə qalxıb. Avstriyalı Mattias Valkner ikinci, ispaniyalı Herard Farres Quel üçüncü olublar.

Kvadrosikllərdə “Yamaha” təmsilçisi Sergey Karyakin ən yaxın rəqibləri, komanda yoldaşları İqnasio Kasale və Pablo Kopettini geridə qoyaraq əsas mükafata layiq görülüb.

Yolsuzluq avtomobillərinin yarışında “Peugeot” komandasının üzvləri rəqiblərindən üstün olublar. Finiş xəttinə hamıdan tez Stefan Peteransel çatdı. Onun yekun nəticəsi 28 saat 49 dəqiqə 30 saniyə olub. Pilot bununla 13-cü dəfə Dakar rallisinin qalibi adını qazanıb. Bu komandanın daha bir təcrübəli üzvü Sebastyen Löb ikinci, Siril Depre isə üçüncü yeri tutub.

Yük avomobillərinin yarışında isə Rusiyanın “KamAZ” ekipajı hamını qabaqlayıb. Eduard Nikolayevin başçılıq etdiyi ekipaj ümumi nəticədə 27 saat 58 dəqiqə 24 saniyəlik göstərici ilə fəxri kürsünün ən yüksək pilləsinə qalxıb. İkinci yeri qalibdən 18 dəqiqə 58 saniyə geri qalan Dmitri Sotnikovun başçılıq etdiyi daha bir “KamAZ” ekipajı tutub. İlk üçlüyü “İveco”dan Jerar de Royun rəhbəri olduğu kollektiv tamamlayıb.


24 May 2022
İdman

Belarus yığmasının futbolçusu Millətlər Liqasında oynamaqdan imtina edib

Rusiyanın "Rubin" klubunda çıxış edən Belarus yığmasının futbolçusu Vitali Lisakoviç UEFA Millətlər Liqasının matçlarında oynamaq istəməyib.

24 May 2022
İdman

"Səbail" rəsmisi: "Baş məşqçi ilə rəhbərliyin fikirləri üs-üstə düşmədi"

"Aftandil Hacıyevlə yeni mövsüm üçün danışıqlarımız gedirdi. Elə alındı ki, fikirlərimiz üs-üstə düşmədi. Qərara gəldik ki, əməkdaşlığımızı dayandıraq".

24 May 2022
İdman

Anna Başta: "Futboldakı kimi "het-trik" etməyimi istəyirdilər"

"Sevinirəm ki, yenə qalib oldum. Həm çox ağır, həm də çox şən alındı".

24 May 2022
İdman

Qazaxıstan Premyer Liqasında komanda sayı azaldılacaq

Futbol üzrə Qazaxıstan Premyer Liqasında komandaların sayı azaldılacaq.

24 May 2022
İdman

Azərbaycan çempionu Bolqarıstan klubundan ayrılıb

"Neftçi" klubunun sabiq futbolçusu Ahmed Ahmedov Bolqarıstan MOİK-i ilə yollarını ayırıb.