“Baku Shopping Festival”ının iştirakçısı olan iri ticarət obyektlərində işlər başa çatmaq üzrədir

“Baku Shopping Festival”ının iştirakçısı olan iri ticarət obyektlərində işlər başa çatmaq üzrədir
30 2017 10:37

“Baku Shopping Festival”ının iştirakçısı olan iri ticarət obyektlərində işlər başa çatmaq üzrədir.

Vergilər Nazirliyinin Media və Kommunikasiya Mərkəzindən AZƏRTAC-a bildirilib ki, bu fikirləri nazir müavini Sahib Ələkbərov ticarət festivallarının təşkili ilə əlaqədar Maliyyə Bazarlarına Nəzarət Palatasının, Mədəniyyət və Turizm Nazirliyinin və bankların nümayəndələri ilə görüşdə deyib.

Vergilər nazirinin müavini görüş iştirakçılarına Bakıda ilk dəfə keçiriləcək ticarət festivallarının (“shopping festival”) əhəmiyyəti və onların təşkili ilə bağlı məsələlər barədə məlumat verib.

Qeyd olunub ki, ildə iki dəfə təşkil olunması planlaşdırılan ticarət festivallarının keçirilməsində məqsəd turizm baxımından ölkəmizin cəlbediciliyinin yüksəldilməsi, sahibkarlıq fəaliyyətinin təşviq edilməsi ilə ticarət dövriyyəsinin artırılmasının stimullaşdırılmasıdır. “Ticarət festivalları dövründə fiziki şəxslər tərəfindən Azərbaycan Respublikasının ərazisində alınmış istehsal, yaxud kommersiya məqsədləri üçün nəzərdə tutulmayan mallara görə ödənilmiş əlavə dəyər vergisinin qaytarılması Qaydası”nın təsdiq edilməsi haqqında Prezident İlham Əliyevin fərmanına uyğun olaraq “Baku Shopping Festival”ının iştirakçısı olan iri ticarət obyektlərində aparılan işlər başa çatmaq üzrədir.

Nazir müavini görüş iştirakçılarının nəzərinə çatdırıb ki, ticarət festivalları dövründə alınan mallar üzrə ödənilmiş ƏDV-nin qaytarılması məqsədilə ilkin mərhələdə “Park Bulvar”, “Port Baku Mall”, “Nərgiz Mall”, “Metropark”, “28 Mall”, “Gənclik Mall” ticarət mərkəzində xüsusi köşklərin qurulması planlaşdırılır. Ehtiyac olarsa, bu köşklərin sayı artırıla bilər.

Festivalın yüksək səviyyədə və səmərəli təşkili üçün xidmət göstərəcək işçi heyətinin bayram və istirahət günlərində də işləməsi təmin olunacaq. Alıcıların rahatlığının təmin edilməsi üçün ticarət festivallarına cəlb olunacaq bankların filialları ƏDV qaytarılması sisteminə qoşulacaq.

Görüşdə bankları maraqlandıran bir sıra məsələlər ətrafında müzakirələr aparılıb, Vergilər Nazirliyinin aidiyyəti qurumlarının rəhbər vəzifəli şəxsləri tərəfindən bankların nümayəndələrinin çoxsaylı sualları cavablandırılıb.


19 Apr 2021
İqtisadiyyat

Azərbaycan neftinin idxalçısı olan Hindistan İtaliyaya rəqibdir - FOTO

2021-ci ilin mart aylarında Azərbaycanın xam neft və neft məhsulları İtaliya, Hindistan, İspaniya, İsrail, Böyük Britaniya, Belarus və Türkiyəyə ixrac olunub.

19 Apr 2021
İqtisadiyyat

Azərbaycanda qızıl bahalaşır

Azərbaycanda qızıl bahalaşıb, gümüş isə ucuzlaşıb.

19 Apr 2021
İqtisadiyyat

Aprelin 19-da xarici valyutaların manata qarşı məzənnələri

Azərbaycan Mərkəzi Bankı 19 aprel tarixindən etibarən valyuta məzənnələrini açıqlayıb.

17 Apr 2021
İqtisadiyyat

Əmək müqaviləsi olmadan işə cəlbolunma faktları aşkarlanıb

48 nəfərin əmək müqaviləsi olmadan işə cəlb olunduğu aşkar edilib.

16 Apr 2021
İqtisadiyyat

Neft sənayesində yeni dövrün çağırışları: Mütəxəssislər yeni səriştələrə yiyələnməlidir

Bütün dünyada koronavirus (COVID-19) pandemiyasının ölkə iqtisadiyyatlarına mənfi təsirləri, kapital qoyuluşunun kəskin azalması, maliyyə çətinlikləri fonunda neft-qaz yataqlarının axtarış-kəşfiyyatı, işlənməsi istiqamətində uzun illik tarixə və zəngin təcrübəyə malik olan SOCAR-ın “Azneft” İstehsalat Birliyində (İB) itkilər minimuma endirilib, bir çox sahələrdə gəlirlilik təmin olunub.