“Bakı Gənclər Debat Forumu: Payız 2016” yekunlaşıb

“Bakı Gənclər Debat Forumu: Payız 2016” yekunlaşıb
14 Dek 2016 10:51

Paytaxtdakı 15 ali təhsil müəssisəsindən olan gənclərin iştirakı ilə reallaşan “Bakı Gənclər Debat Forumu: Payız 2016”nın final mərhələsi və bağlanış mərasimi keçirilib.

AZƏRTAC xəbər verir ki, layihə tələbələrin sahibkarlıq sahəsində məlumatlılığının artırılması məqsədilə sahibkarlığın inkişafında proteksionizm siyasətinin rolu mövzusunda təşkil olunub.

Bakı Dövlət Universitetində keçirilən tədbir Azərbaycan Respublikasının dövlət himninin səsləndirilməsi ilə başlayıb.

Gənclər və İdman Nazirliyinin sektor müdiri Fuad Babayevin, “Vətəndaş Cəmiyyətində Debat” İctimai Birliyinin icraçı direktoru Ələkbər Mustafayevin və digər şəxslərin çıxışlarından sonra Azərbaycan və rus bölmələri üzrə finala vəsiqə qazanan komandaların adları açıqlanıb.

Azərbaycan bölməsi üzrə final mərhələsində Azərbaycan Respublikasının Prezidenti yanında Dövlət İdarəçilik Akademiyasını təmsil edən “Jokers”, Azərbaycan Memarlıq və İnşaat Universitetinin “İllüminati” komandaları debat aparıblar. Hakimlərim qərarına əsasən, “Jokers” komandası forumun qalibi müəyyən olunub.

Rus bölməsi üzrə yarışın finalında Bakı Dövlət Universitetinin “Anqeli Dyavola” komandası “Triada”dan üstün olub.

Tədbirdə, həmçinin forumun ən yaxşı natiqlərinin adları da açıqlanıb. Qaliblər sertifikat və hədiyyələrlə mükafatlandırılıblar.

“Bakı Gənclər Debat Forumu: Payız 2016” Gənclər və İdman Nazirliyinin və DVC-nin tərəfdaşlığı ilə keçirilən “Respublika Gənclər Debat Forumu: Payız 2016” çərçivəsində təşkil olunub.


24 Sent 2021
Cəmiyyət

Rayonlara gedənlərin NƏZƏRİNƏ: COVID-19 pasportu tələb olunacaq

Rayonlara gedən sərnişinlərdən COVID-19 pasportu tələb olunacaq. 

24 Sent 2021
Cəmiyyət

Kinoteatrların fəaliyyəti bərpa edilir - RƏSMİ

2021-ci il oktyabrın 1-dən bəzi iş və xidmət sahələrinin fəaliyyəti bərpa edilir. 

24 Sent 2021
Cəmiyyət

Həftəsonu ictimai nəqliyyata qoyulmuş qadağa ləğv edilir - QƏRAR

2021-ci il oktyabrın 1-dən etibarən həftəsonu ictimai nəqliyyatda, həmçinin Bakı Metropolitenində sərnişindaşıma fəaliyyətinin dayandırılması ilə bağlı məhdudiyyət ləğv olunur.

24 Sent 2021
Cəmiyyət

Nazirlər Kabinetindən karantin rejiminin yumşaldılması ilə bağlı QƏRAR

Ölkə üzrə peyvənd olunan vətəndaşların sayının artması və eyni zamanda yoluxma hallarının dinamikasının davamlı şəkildə azalması nəzərə alınaraq, xüsusi karantin rejimi çərçivəsində yumşalma tədbirlərinin növbəti mərhələsinin tətbiqi ilə bağlı qərar qəbul edilib.

24 Sent 2021
Cəmiyyət

Ceyhun Bayramov BMT baş katibinin müavini ilə görüşdü

Xarici işlər naziri Ceyhun Bayramov BMT Baş Assambleyasının 76-cı sessiyası çərçivəsində BMT baş katibinin terrorla mübarizə üzrə müavini Vladimir Voronkov ilə görüşüb.