“BP Georgia” şirkəti Gürcüstan ərazisindən keçən magistral neft və qaz kəmərlərinin təhlükəsizliyini yüksək səviyyədə təmin etdiyi üçün bu ölkənin Daxili İşlər Nazirliyinin əməkdaşlarını təltif edib.
“BP Georgia" şirkətinin baş meneceri Kris Şlitter fevralın 7-də mükafatları sahiblərinə təqdim edib.
Gürcüstan DİN-dən AZƏRTAC-a bildiriblər ki, strateji magistral boru kəmərlərinin təhlükəsizliyinin təmin olunmasında fərqlənən nazirliyin xüsusi tapşırıqlar üzrə departamentinin və Şida Kartli bölgəsinin polis departamentinin 74 üzvünə fəxri fərmanlar təqdim olunub.
Kris Şlitter magistral boru kəmərlərinin mühafizəsində və vətəndaş cəmiyyəti ilə əlaqələrin dərinləşməsində Gürcüstan polisinin rolunu xüsusi qeyd edib. Bildirib ki, Gürcüstan ərazisində magistral boru kəmərlərinin təhlükəsizliyinin təmin olunması regionun və Avropanın enerji təhlükəsizliyinin təminatıdır.
Türkiyənin Azərbaycandakı səfiri Cahit Bağçı sentyabrın 19-da qanunsuz erməni silahlı birləşmələrinin təxribat-diversiya qrupu tərəfindən Xocavənddə yerləşdirilən minanın partlaması ilə törədilən terror aktı nəticəsində həlak olan polis serjantı Asim Camalzadənin yas mərasimində iştirak edib.
Azərbaycan Ordusunun Qarabağda həyata keçirdiyi antiterror tədbirləri zamanı qanunsuz erməni silahlı birləşmələri Ağdamın Qalayçılar kəndi yaxınlığındakı mövqelərində xeyli sayda silah-sursat ataraq qaçıblar.
Rusiyalı xilasedicilər türkiyəli həmkarları ilə birlikdə son 24 saat ərzində Liviyada daşqından sonra həlak olanların 80-ə yaxın cəsədini aşkarlayaraq çıxarıblar.
