“Android Q” sisteminin beta versiyası istifadəyə verilib

“Android Q” sisteminin beta versiyası istifadəyə verilib
13 2019 12:31

“Google” şirkəti “Android Q” əməliyyat sisteminin sonuncu sınaq mərhələsini istifadəyə verib.

“ICTnews” Elektron Xəbər Xidməti “Regnum” resursuna istinadən yazır ki, əməliyyat sisteminin mobil qurğular üçün yeni versiyası mayın 8-də “Google I/O” konfransında təqdim edilib. Sistemin beta versiyasını “Google Pixel” smartfonlarına, eləcə də “Asus”, “Nokia”, “Huawei”, “LG”, “OnePlus”, “Oppo”, “Realme”, “Sony”, “Vivo” və “Xiaomi” şirkətlərinin smartfonlarına quraşdırmaq mümkündür.

Məlumata görə, “Android” əməliyyat sisteminin yeni versiyasında təhlükəsizlik və məxfilik funksiyaları yaxşılaşdırılıb, jestli naviqasiya sistemi, eləcə də qurğunun təkrar enerji toplamadan işləmə müddətini artıracaq “tünd mövzu” əlavə olunub.

Əməliyyat sisteminin hazır versiyasının bu ilin payızında təqdim olunacağı gözlənilir.

Qeyd edək ki, mayın 8-də “Google I/O” konfransında aparıcı “Android” direktoru Stefani Katbertson dünyada aktiv “Android” qurğularının sayının 2,5 milyarda çatmasını açıqlayıb.

Realpress.az


13 Dek 2019
İT

“Apple” şəkillərin keyfiyyətini yüksəltmək üçün startapı satın alıb

ABŞ-ın “Apple” korporasiyası Britaniyanın “Spectral Edge” startapını satın alıb. Startap tərəfindən hazırlanmış texnologiya ABŞ şirkətinin smartfonları ilə çəkilən şəkillərin keyfiyyətini yüksəltməyə imkan verəcək.

13 Dek 2019
İT

Gələcəyin əsas internet təhdidləri açıqlanıb

Kibertəhlükəsizlik sahəsində işləyən mütəxəssislər 2020-ci ildə istifadəçiləri kiberməkanda gözləyən təhdidlərin əsas kateqoriyalarını açıqlayıblar. Bu haqda “Avast” şirkətinin mətbuat xidmətindən məlumat verilib.

13 Dek 2019
İT

“Panasonic” Yaponiyada rəqəmli "Belosnejka güzgüsü" quraşdırıb

Yaponiyanın “Panasonic” şirkəti tərəfindən “KOSE” kosmetika mağazasında quraşdırılmış "ağıllı" güzgü ziyarətçilərə dəriyə qulluq üzrə fərdiləşdirilmiş tövsiyələr verir. Güzgünün daxilinə insanın üzünü skan edən, nəticə və tövsiyələri güzgünün səthinə çıxaran sensorlar quraşdırılıb.  

13 Dek 2019
İT

“Windows 7” sistemində antivirusun yenilənməsi dayandırılacaq

“Microsoft” korporasiyası 14 yanvar 2020-ci il tarixində “Windows 7” əməliyyat sisteminin idarəetməsi ilə işləyən fərdi kompüterlər üçün təhlükəsizlik yeniləmələrinin göndərilməsini, eləcə də “Windows 7” sisteminə quraşdırılan pulsuz “Security Essentials” (MSE) antivirusunun dəstəklənməsini dayandıracaq.

13 Dek 2019
İT

Başqasının “iPhone” modelini bloklayan üsul aşkarlanıb

"iPhone" smartfonları üçün "AirDrop" funksiyasında qurğunu uzun müddət bloklamağa imkan verən boşluq aşkarlanıb. Səhv kibertəhlükəsizlik sahəsində ekspert Kişan Baqariyanın bloqunda təsvir edilib.