“AZCLOUD Hackathon 2019”da iştirak edəcək komandaların adları avqustun 8-də açıqlanacaq

“AZCLOUD Hackathon 2019”da iştirak edəcək komandaların adları avqustun 8-də açıqlanacaq
07 2019 14:44

Nəqliyyat, Rabitə və Yüksək Texnologiyalar Nazirliyinin nəzdində fəaliyyət göstərən "AzInTelecom" MMC-nin təşkilatçılığı, "R.I.S.K Company", "HPE Azerbaijan" "Azercell Telekom", "TrendMicro", "Bestcomp Group" "Juniper" şirkətlərinin sponsorluğu və "Cisco" şirkətinin eksklüziv tərəfdaşlığı ilə "AZCLOUD Hackathon 2019" müsabiqəsi keçirilir.

 

Bu müsabiqə zamanı iştirakçılar təxminən 48-72 saat müddətində verilən tapşırıq üzərində işləyərək onu təqdim etmək üçün bir araya gələcəklər. Yarışmada iştirak bir çox mütəxəssislərə özünü tanıtmaq, layihəsini təqdim etmək, eləcə də investor və şirkətlərə istedadlı gəncləri öz komandalarına cəlb etmək imkanı yaradır. Qalib komanda üçün mükafat 10 000 AZN nəzərdə tutulub.

 

Qeydiyyat yarışmanın veb səhifəsində (www.h.azcloud.az) cari ilin 1 iyul tarixində başlanıb və 31 iyul tarixində başa çatıb. Bütövlükdə bu ay ərzində 59 komanda daxilində 240 iştirakçı öz namizədliyini irəli sürüb. Onlardan tapşırığı düzgün yerinə yetirən və qeydiyyat mərhələsində tələb olunan məlumatları tam şəkildə təqdim edən ilk 20 komanda yarışda iştirak üçün vəsiqə qazanacaq.

 

Yarışda iştirak edəcək komandaların adları avqustun 8-də yarışmanın rəsmi veb səhifəsi, sosial şəbəkədəki səhifələri və media vasitəsilə ictimaiyyətə təqdim olunacaq.

 

Qeyd edək ki, bu il "AZCLOUD Hackathon 2019" Avropanın ən böyük idman arenalarından biri olan, 68 700 tamaşaçı tutumlu və UEFA, FİFA və ESSMA-nın yüksək beynəlxalq standartlarına uyğun dizayn edilmiş Bakı Olimpiya Stadionunda keçiriləcək. Müsabiqə zamanı texniki tapşırıq üzrə işlərin rahat həyata keçirilməsi məqsədilə hər komanda üçün otaq (SkyBox) ayrılacaq və yarışma ərzində komandalar qida ilə təmin olunacaqlar.

 

Layihəyə dəstək olmaq və ən son məlumatları əldə etmək istəyənlər müvafiq elektron resurslarda yerləşdirilən məlumatları izləyə və paylaşa bilərlər:

 

Veb səhifə: https://h.azcloud.az/

Telegram community: https://t.me/H_Azcloud_Comm

Facebook: https://www.facebook.com/h.azcloud/

Facebook event: https://www.facebook.com/events/321974052068942/

YouTube: https://www.youtube.com/watch?v=3G5dFRAMBbM

Instagram: https://www.instagram.com/h.azcloud/

Telegram: https://t.me/h_Azcloud

Realpress.az



23 Yan 2020
İT

“Ağıllı” qurğuların tədarük həcmi 3 milyardı ötəcək

"Canalys" tədqiqat şirkətinin analitikləri yaxın illərdə "ağıllı" qurğuların tədarük həcminin yüksək artımını proqnozlaşdırırlar. Mütəxəssislər "ağıllı" qurğular kateqoriyasına smartfon, masaüstü fərdi kompüter, noutbuk, planşet, daşınan qurğular, "ağıllı" kolonka və qulaqlıqları aid edirlər.  

23 Yan 2020
İT

“Xiaomi” 5 cihaz üçün universal enerji doldurma qurğusunu təqdim edib

“Xiaomi” şirkəti “Youpin” kraudfandinq platformasında çoxsaylı cihazların sahibləri üçün nəzərdə tutulmuş “C-bit” universal enerji doldurma blokunu təqdim edib. Yenilik eyni anda 5-dək qurğunu sürətli şəkildə enerji ilə doldurmağa imkan verir.  

23 Yan 2020
İT

Universal yaddaş tipi hazırlanıb

Böyük Britaniyanın Lankaster Universitetinin tədqiqatçıları tərəfindən hazırlanmış yeni yaddaş tipi həm əməli yaddaş qurğusu, həm də məlumatların saxlanılması kimi işləyə bilər. "UltraRAM" adlı perspektiv texnologiya müasir kompüter, smartfon və başqa hesablama texnikalarının iş prinsipini tamamilə dəyişdirmək imkanına malikdir.

23 Yan 2020
İT

“JDI” unikal biometrik skaner nümayiş etdirib

Daha çox “JDI” kimi tanınan “Japan Display Inc.” şirkəti dünyada yüksək dəqiqliklə və sürətlə barmaq izlərini oxuyan, vena damarlarının şəklini skan edən, hətta arteriyaların daxilindəki nəbz dalğalarını ölçən ən nazik datçik təqdim edib. İstehsalçı bu texnoloji hazırlamanın yeni nəsil olduqca təhlükəsiz qurğuların yaradılmasına kömək edəcəyinə əminliyini ifadə edib.

23 Yan 2020
İT

“Facebook” robotlara xəritəsiz hərəkət etməyi öyrədib

"Facebook" tərəfindən hazırlanmış süni intellekt robotlara xəritəsiz hərəkət etməyə imkan verir. Bu haqda şirkətdən məlumat verilib.