“Android” sisteminin adlandırılması sxemi dəyişdiriləcək

“Android” sisteminin adlandırılması sxemi dəyişdiriləcək
23 Avq 2019 15:34

“Google” şirkəti “Android” mobil əməliyyat sisteminin yeni versiyalarının şirniyyat və desertlərin şərəfinə adlandırılması ənənəsindən imtina edəcək.

 

“ICTnews” Elektron Xəbər Xidməti “NEWSru” resursuna istinadən yazır ki, qeyri-adi ənənə 2009-cu ildə buraxılan “Android 1.6 Cupcake” sistemindən başlayıb. Onun ardınca isə əməliyyat sisteminin “1.6 Donut”, “2.0 Éclair”, “2.2 Froyo”, “2.3 Gingerbread”, “3.0 Honeycomb”, “4.0 Ice Cream Sandwich”, “4.1 Jelly Bean”, “4.4 KitKat”, “5.0 Lollipop”, “6.0 Marshmallow”, “7,0 Nougat”, “8.0 Oreo” və “9 Pie” versiyaları işıq üzü görüb.

 

Bu ilin martında şirkət “Android 10 Q” sisteminin beta versiyasını təqdim edib. İstifadəçilər və KİV nümayəndələri şirkətin Q hərfi ilə başlayan hansı deserti sonuncu versiyanın adında istifadə edəcəyi ilə bağlı ehtimallar irəli sürüblər. Lakin “Google” şirkəti 10 rəqəmi ilə kifayətlənməyi məqsədəuyğun hesab edib.

 

“Android” tərtibatçılarının rəsmi bloquna görə, belə qərarın qəbul edilməsinin əsas səbəbi dünyanın müxtəlif ölkələrinin sakinlərinin şirniyyat adlarını başa düşməkdə çətinliklərlə üzləşməsi ilə əlaqədardır. Belə ki, məsələn, zefir heç də bütün ölkələrdə şirniyyat hesab edilmir, yapon dilində L hərfi ilə ötürülən səs isə ümumiyyətlə mövcud deyil. “Аndroid” sisteminin növbəti versiyalarının hamısı yalnız rəqəmə malik olacaq.

 

Bundan başqa, şirkət “Android” sözünün şriftini və loqotipin rəng çalarını dəyişdirməyi planlaşdırır.

Realpress.az

18 Mar 2022
İT

Rusiyada vatsap bloklana bilər

Vatsapın rusiyalı istifadəçiləri messencerin iş keyfiyyətindən şikayətlənirlər.

11 Mar 2022
İT

Rusiyada "Instagram" bağlana bilər

Rusiya Baş Prokurorluğu Rabitə, İnformasiya Texnologiyaları və Kütləvi Kommunikasiyalara Nəzarət üzrə Federal Xidmətindən “Instagram”a məhdudiyyət qoyulmasını tələb edib.

2 Mar 2022
İT

Niyə məhz “Apple” brendinin M1 çipi ilə təchiz edilmiş “MacBook Air” notbuku? – FOTO

Notbuk seçərkən çoxsaylı modellər arasında başını itirə bilərsən. Bu halda “Apple” brendi işimizi xeyli asanlaşdırır. Belə ki, bu şirkət kəmiyyətə deyil, keyfiyyətə üstünlük verir, buna görə də onun notbukları lakonikliyi və rahatlığı ilə seçilir. 

5 Fev 2022
İT

Almaniya teleqramı 55 milyon avro cərimələyə bilər

Almaniya hökuməti teleqram messencerini 55 milyon avro cərimələyə bilər.

4 Fev 2022
İT

Milçəkdən ilhamlanan alimlər yeni tip həşərat-robot hazırlayıblar - VİDEO

Bristol Universitetinin mühəndisləri yeni tip qanad çırpan mikrorobotlar hazırlayıblar.