Avropa Liqasının pley-off mərhələsinin ilk oyunları çərçivəsində evdə "Qarabağ"ı 3:2 hesabı ilə məğlub edən Şimali İrlandiyanın "Linfild" klubunun baş məşqçisi Devid Hili mətbuat konfransında fikirlərini bölüşüb.
Realpress.az sportal.az-a istinadən xəbər verir ki, 41 yaşlı mütəxəssis "Vindzor Park"da böyük futbol gecəsinin yaşandığını deyib:
"Bu gecə futbolçuların performansını görmək inanılmaz idi. Bu, məni təəccübləndirmədi, çünki uşaqların bacarıqlı olduğunu bilirəm. Onlar ilk qoldan sonra irəli getməyə davam etdi və bu gecə istədiklərimizi yerinə yetirdilər.
"Qarabağ"ı məğlub etmək inanılmazdır. Bu qalibiyyətin mənim Şimali İrlandiya yığmasının heyətində İngiltərə və İspaniya üzərindəki qələbələr kimi, böyük xatirəsi var. Burada bir çox gecə özümü dünyanın ən uc nöqtəsindəki kimi hiss etmişdim. Bu oyunda futbolçular həqiqətən də məni heyran etdi. "Vindsor Park"da möhtəşəm gecələrdən biri idi.
"Qarabağ" kimi rəqiblə oyunda uduzan zaman ən pis hadisələrdən qorxursunuz. Ancaq meydanın hər qarışında mübarizə aparırdıq. Bu oyunda bəxtimiz bir neçə epizodda gətirdi, amma nizamı qoruduq.
Qələbə futbolçulara böyük ruh yüksəkliyi verdi. İştah, enerji və qollar. Bir həftə sonra Bakıda cavab görüşünə çıxacağıq".
Kişi həndbolçular arasında Azərbaycan çempionatının həlledici mərhələsində ilk oyunların təqvimi müəyyənləşib.
Kəlbəcərdə infrastruktur işləri görülür.
Qadınlar arasında idman gimnastikası üzrə Azərbaycan milli komandasının üzvü Nazənin Teymurova Dohada keçirilən Dünya Kubokunda tir üzərində hərəkətlər proqramında finala yüksəlib.
Azərbaycanın ekologiya və təbii sərvətlər naziri, COP29-un prezidenti Muxtar Babayev Vaşinqton şəhərində Beynəlxalq Valyuta Fondu (IMF) və Dünya Bankı Qrupunun keçirdiyi yaz toplantısı çərçivəsində İqlim Fəaliyyəti üzrə Maliyyə Nazirləri Koalisiyasının 11-ci iclası çərçivəsində ABŞ-nin keçmiş dövlət katibi Con Kerri ilə görüşüb.