Futzal millimizin sabiq braziliyalı baş məşqçisi Milton Luiz Ziler Junior vəfat edib.
Braziliyanın "Globo Esporte" saytı xəbər verir ki, Miltinyo kimi tanınan məşqçi ötən həftə insult keçirdiyi üçün xəstəxanaya yerləşdirilib.
Lakin 57 yaşlı mütəxəssis çərşənbə günü xəstəxanada ölüb.
Qeyd edək ki, Miltinyo 2016-cı ilin mayında yığmamıza baş məşqçi təyin olunub. Onun rəhbərliyi altında futzal millimiz Kolumbiyada keçirilən dünya çempionatında ilk dəfə mübarizə aparıb. Komandamız həmin mundialda uğurla çıxış edərək 1/4 finaladək irəliləyib.
2017-ci ilin yanvarında Miltinyo ailə vəziyyəti ilə əlaqədar AFFA rəhbərliyindən müqaviləsinə qarşılıqlı razılıq əsasında xitam verilməsini xahiş etmişdi.
Kəlbəcərdə infrastruktur işləri görülür.
Qadınlar arasında idman gimnastikası üzrə Azərbaycan milli komandasının üzvü Nazənin Teymurova Dohada keçirilən Dünya Kubokunda tir üzərində hərəkətlər proqramında finala yüksəlib.
Azərbaycanın ekologiya və təbii sərvətlər naziri, COP29-un prezidenti Muxtar Babayev Vaşinqton şəhərində Beynəlxalq Valyuta Fondu (IMF) və Dünya Bankı Qrupunun keçirdiyi yaz toplantısı çərçivəsində İqlim Fəaliyyəti üzrə Maliyyə Nazirləri Koalisiyasının 11-ci iclası çərçivəsində ABŞ-nin keçmiş dövlət katibi Con Kerri ilə görüşüb.