“Samsung Electronics” şirkətinin “Samsung Display” törəmə müəssisəsi maye-kristal panellərin istehsalını azaldaraq diqqəti OLED matrisalara yönəltmək niyyətindədir. Bu barədə “Korea Herald” nəşrinin məlumatında deyilir.
“ICTnews” Elektron Xəbər Xidməti “DGL” resursuna istinadən yazır ki, söhbət özündə üzvi işıq diodları (OLED) və kvant piksellər (QD) texnologiyalarını birləşdirəcək QD-OLED (Quantum Dot OLED) ekranlarından gedir. Texnologiyanın təsvirinə görə, OLED paneli mavi işığı şüalandırır, kvant piksellər isə onu qırmızı və yaşıl işığa çevirir. Belə yanaşma sayəsində eyni anda dəqiq rəngvermə və az enerji sərfiyyatına nail olunur.
Bildirilir ki, hazırda bir sıra “Samsung” televizorlarında istifadə edilən “Quantum Dot” texnologiyası yalnız LCD matrisalara (QLED əmtəə nişanı) inteqrasiya olunub.
Şirkət QD-OLED panellərinin istehsalına 10 trilyon Koreya vonu (8,3 milyard dollar) investisiya yatırmağı planlaşdırır. Yüksək sinifli məhsul OLED ailəsinə aid texnologiya əsasında ekrana malik ilk “Samsung” televizoru olacaq.
Şirkətin OLED ekranları bazarında dünya lideri olamasına və onları mobil qurğularda aktiv istifadə etməsinə baxmayaraq indiyədək bu matrisalarla təchiz edilən televizorlar buraxmayıb.
Realpress.az
Vatsapın rusiyalı istifadəçiləri messencerin iş keyfiyyətindən şikayətlənirlər.
Rusiya Baş Prokurorluğu Rabitə, İnformasiya Texnologiyaları və Kütləvi Kommunikasiyalara Nəzarət üzrə Federal Xidmətindən “Instagram”a məhdudiyyət qoyulmasını tələb edib.
Notbuk seçərkən çoxsaylı modellər arasında başını itirə bilərsən. Bu halda “Apple” brendi işimizi xeyli asanlaşdırır. Belə ki, bu şirkət kəmiyyətə deyil, keyfiyyətə üstünlük verir, buna görə də onun notbukları lakonikliyi və rahatlığı ilə seçilir.
