İyulun 21-dən etibarən Bakıda keçiriləcək XV Avropa Gənclər Olimpiya Festivalına güləş idman növü daha sonra artırılıb.
realpress.az-ın xəbərinə görə, bunu Milli Olimpiya Komitəsinin vitse-prezidenti Çingiz Hüseynzadə deyib.
O bildirib ki, Avropa Olimpiya Komitələri ilə müzakirə apardıqdan sonra bu barədə qərar verilib:
“İndiyədək keçirilən Avropa Gənclər Olimpiya Festivalında doqquz idman növündə mübarizə aparılırdı. Ancaq bizdə 10 idman növü üzrə mübarizə gedəcək. Biz Avropa Olimpiya Komitələri ilə müzakirə apardıq. Güləş Azərbaycanın milli idman növüdür və burada yaxşı nəticələrimiz var. Bunları nəzərə alaraq, güləşin ilk dəfə bu yarışın tərkibinə daxil edilməsini istədik və buna nail olduq. Ona görə də gənc güləşçilərimizdən bu yarışda uğurlu nəticə gözləyirik”.
Qeyd edək ki, əslində 2017-ci ildə Macarıstanın paytaxtı Budapeştdə keçirilmiş Avropa Gənclər Olimpiya Festivalında da 10 idman növü üzrə mübarizə gedib. Sadəcə olaraq, həmin turnirdəki kanoe yarışı Azərbaycanda güləşlə əvəz olunub.
Onu da bildirək ki, Avropa Gənclər Olimpiya Festivalı çərçivəsində güləş yarışları 21-23 iyul tarixlərində yunan-Roma, qadın və sərbəst güləş üzrə keçiriləcək. Hər güləş növündə altı çəki dərəcəsi olmaqla 18 medal dəsti sahibini tapacaq. İlk gündə dörd, ikinci və üçüncü günlərin hər birində yeddi qalib müəyyənləşəcək. Güləş yarışları Heydər Əliyev adına İdman Arenasında baş tutacaq.
Xatırladaq ki, bir həftəlik yarışlar zamanı 135 medal dəsti idmançılara təqdim olunacaq.
Səbuhi Musayev
Kişi həndbolçular arasında Azərbaycan çempionatının həlledici mərhələsində ilk oyunların təqvimi müəyyənləşib.
Kəlbəcərdə infrastruktur işləri görülür.
Qadınlar arasında idman gimnastikası üzrə Azərbaycan milli komandasının üzvü Nazənin Teymurova Dohada keçirilən Dünya Kubokunda tir üzərində hərəkətlər proqramında finala yüksəlib.
Azərbaycanın ekologiya və təbii sərvətlər naziri, COP29-un prezidenti Muxtar Babayev Vaşinqton şəhərində Beynəlxalq Valyuta Fondu (IMF) və Dünya Bankı Qrupunun keçirdiyi yaz toplantısı çərçivəsində İqlim Fəaliyyəti üzrə Maliyyə Nazirləri Koalisiyasının 11-ci iclası çərçivəsində ABŞ-nin keçmiş dövlət katibi Con Kerri ilə görüşüb.
