Qidadan zəhərlənmisinizsə... Simptomlar və yardım

Qidadan zəhərlənmisinizsə... Simptomlar və yardım
11 İyul 2019 15:11

Yay aylarında isti havada qida zəhərlənmələrinin sayı kəskin artır.

Qida zəhərlənmələrinin simptomlarını və ilk yardımın göstərilməsi qaydalarını bilmək bəzən insanın sağlamlığını və hətta həyatını xilas edə bilər.

Qida zəhərlənmələrinin simptomları:

ümumi vəziyyətin pisləşməsi

- ürəkbulanması və qusma

- qarında köp və tutmaşəkilli ağrılar

- ishal

- təzyiqin düşməsi

- nəbzin tezləşməsi və zəiflənməsi

- hərarətin yüksəlməsi (bəzən 39-40 C qədər qalxa bilər)

- iştahasızlıq, halsızlıq

- soyuq tər

- dərinin rənginin ağarması.

Saglamolun.az bildirir ki, bu simptomlar adətən keyfiyyətsiz qidanın qəbulundan 1-2, bəzən 6-8 saat sonra inkişaf edir.

Çox ağır hallarda qida zəhərlənməsi zamanı görmənin pozulması, bayılma, beyin fəaliyyətinin pozulması (hallüsinasiyalar, koma), əzələ zəifliyi kimi simptomlar meydana çıxa bilər.

Qida zəhərlənmələri zamanı ilk yardım:

- Qida zəhərlənməsinə şübhə yarandıqda dərhal təcili yardım çağırın.

- Xəstənin mədəsini yuyun. Bunun üçün adi ilıq sudan istifadə edin. Xəstə 2 stəkan ilıq su içməli və sonra dilin kökünə basmalıdır ki, qussun. Mədə təmiz su çıxana qədər yuyulmalıdır.

- Daha sonra xəstəyə smekta, enterosgel kimi preparatlardan birini verin. Kömürdən istifadə etməyin. Onun effektivliyi aşağıdır.

- Çoxsaylı qusma və ishal nəticəsində yaranan susuzlaşmanın qarşısını almaq üçün xəstəyə reqidron, oralit kimi preparatlar verilir. Preparat təyinata uyğun olaraq suda həll olunur və hər qusma və ishaldan sonra bir neçə qurtum olmaqla içilir.

Bu preparatlar orqanizmin su-duz balansını bərpa edir. Nəzərə almaq lazımdır ki, kəskin susuzlaşma sağlamlıq üçün çox ziyanlıdır və hətta xəstənin həlak olmasına səbəb ola bilər.

- Xəstəyə həkimin təyini olmadan heç bir digər dərman (qusma və ishal əleyhinə preparatlar, antibiotiklər, lineks, ot dəmləmələri və s.) vermək olmaz.

- Zəhərlənmənin 1-ci günü xəstəyə hər hansı qida vermək tövsiyə edilmir. Bu həzm sisteminin daha tez bərpasına kömək edəcək. Növbəti günlərdə xəstəyə xüsusi pəhriz təyin olunur.

Realpress.az


20 Avq 2019
Maraqlı

Zob niyə böyüyür?

Qalxanvari vəz boğazın ön səthində qırtlaqdan bir qədər aşağıda yerləşir.

20 Avq 2019
Maraqlı

İlk “kosmik dicey” Beynəlxalq Kosmik Stansiyada konsert verib - VİDEO

İtalyan astronavtları üçün kosmosa uçuş həmişə gündəlik işlə və elmi araşdırmalarla bağlı olmur. Onlardan biri Beynəlxalq Kosmik Stansiyanı ziyarət edərkən, dicey pultunun köməyilə orbital həyatı gözəlləşdirməyin orijinal üsulunu tapıb.

20 Avq 2019
Maraqlı

Məşhur brendlərin ən gülməli "fake"ləri

"Reddit"də "Crappy Off Brands" səhifəsi məşhur brendi gülməli formada məharətlə saxtalaşdıran şirkətlərin nümunələri ilə zəngindir.

20 Avq 2019
Maraqlı

“Windows”lu istənilən kompüterə müdaxilə üsulu tapılıb

"Windows" sisteminin terminal xidmətlərində cinayətkarlara qurbanın kompüterinə tam müdaxiləyə imkan verən kritik boşluqlar aşkar edilib. Sözügedən boşluqlar "Microsoft"un əməkdaşları tərəfindən tapılıb.

19 Avq 2019
Maraqlı

Qafqaz qoruğu ərazisində yeni göl aşkar edildi

Rusiyanın Krasnodar diyarında yerləşən Qafqaz qoruğunun ərazisində ekspedisiyada olan qrupun iştirakçıları buzlağın geri çəkildiyi yerdə yeni gölün yarandığını aşkar ediblər.