“Android 9.0 Pie” sistemli yeni “Samsung” planşeti təqdim olunub

“Android 9.0 Pie” sistemli yeni “Samsung” planşeti təqdim olunub
09 İyul 2019 10:50

“Samsung” şirkəti metal korpus, iki dinamik və 5100 milliamper/saat tutumlu akkumulyator batareyası ilə təchiz olunan “Galaxy Tab A” (2019) (SM-T290) planşet kompüterini təqdim edib.
 
“ICTnews” Elektron Xəbər Xidməti “DailyComm www.dailycomm.ru” resursuna istinadən yazır ki, 8 düym diaqonala malik ekran 1280 х 800 piksel təsvir ölçüsü, 16:10 tərəf nisbəti və TFT matrisası ilə xarakterizə edilir. Ön paneldə fiziki düymələrin quraşdırılmaması ekranın əhatə dairəsini genişləndirməyə imkan verib.
 
Yeni qurğu 2 QHs takt tezlikli dördnüvəli “Qualcomm Snapdragon 429” prosessoru, “Adreno 504” qrafik sürətləndiricisi, 2 giqabaytlıq operativ və 32 giqabaytlıq quraşdırılmış yaddaş ilə təchiz olunub. Bundan başqa, 512 giqabayt tutumlu “microSD” yaddaş kartından istifadə mümkündür.
 
Əsas kameranın təsvir ölçüsü 8 meqapiksel, ön kameranın isə 2 meqapiksel təşkil edir. Qalınlığı 8 mm təşkil edən qurğunun çəkisi 345 qrama (LTE rabitəsini dəstəkləməyən versiya) bərabərdir.
 
Yeni model “Samsung” şirkətinin “Android” əməliyyat sisteminin ən yeni versiyası olan “9.0 Pie” ilə işləyən ilk planşetlərindəndir. Planşet “Wi-Fi a/b/g/n” (2,4 və 5 QHs), “Wi-Fi Direct”, “Bluetooth 4.2”, “GPS” və “GLONASS” kimi simsiz rabitə vasitələrini dəstəkləyir.
 
Qara və gümüşü rəngdə satışa çıxarılacaq “Samsung Galaxy Tab A” (2019) planşetinin “LTE” modemini dəstəkləməyən versiyasının qiyməti 158 dollar təşkil edəcək.
 
Qurğunun satışlarına iyulun 12-dən etibarən başlamaq nəzərdə tutulur.
 

Realpress.az


18 İyul 2019
İT

“Samsung” smartfonlar üçün yüksəksürətli operativ yaddaş modulları təqdim edib

“Samsung” şirkəti smartfonlar üçün “LPDDR5” standartlı operativ yaddaş çiplərinin kütləvi istehsalına başlayıb. On iki giqabaytlıq tutuma malik yeni modullar məlumatları yüksək sürətlə ötürməsi ilə seçilir və müxtəlif istehsalçılara məxsus müasir qabaqcıl qurğuların tərkibində iş üçün optimallaşdırılıb.

18 İyul 2019
İT

Xəstəliklərin səbəbini aradan qaldırmaq üçün robot hazırlanıb

Miniatür qurğu kənar hərəkətin (məsələn, ultrasəs) hesabına hərəkətə gəlir. Gələcəkdə belə robotlar orqanizmin vəziyyətini izləyəcək və dərmanları lazımi yerlərə dəqiq çatdıracaqlar.  

18 İyul 2019
İT

“OneWeb” kosmik internetində məlumatlar 400 Mbit/saniyə sürətlə ötürülüb

Böyük Britaniyanın “OneWeb” şirkəti kosmik internetin ilk sınağının nəticələrini dərc edib. Bağlantı bir müddət əvvəl aşağı orbitə çıxarılan peyklər vasitəsilə qurulub. Peyklər qruplaşması perspektivdə planetin istənilən nöqtəsində genişzolaqlı internetə çıxışı təmin edəcək.

18 İyul 2019
İT

Avropada “Amazon” şirkəti ilə bağlı təhqiqat aparılır

Avropa Komissiyası “Amazon” şirkəti ilə bağlı antiinhisar təhqiqatına başlayıb. Tənzimləyici orqan internet nəhənginin “Amazon.com” saytından istifadə edən kənar satıcıların məlumatlarından necə istifadə etməsi ilə maraqlanır.  

18 İyul 2019
İT

Antalyada azərbaycanlı ailənin olduğu avtobus dərəyə aşdı

Antalyada azərbaycanlı ailənin olduğu avtobus dərəyə aşdı