Köp adətən qidaya olan orqanizmin reaksiyasıdır. Lakin bəzən köp ağır xəstəliyin simptomu kimi meydana çıxa bilər.
Realpress.az Saglamolun.az-a istinadla bildirir ki, Rusiyanın Seçenov adına Tibb Universitetinin müəllimi Evgeniy Moroşkinin sözlərinə görə, bağırsaqlarda qazların olması təbii fizioloji haldır. Hava mədə-bağırsaq sisteminə insan yeməyi udanda daxil olur. Daha sonra həzm prosesləri zamanı da qazlar əmələ gəlir. Həmçinin qazların müəyyən miqdarı bağırsaqlara qandan daxil olur.
Bəzi qida və içkilər bağırsaqlarda qazların daha çox əmələ gəlməsinə səbəb ola bilər. Bu qazlı içkilər, çovdar çörəyi, kələm, paxlalılar, bir çox meyvə və giləmeyvələr ola bilər. Süd məhsulları və xüsusilə süd bəzi insanlarda yaxşı həzm olunmadığından köpməyə səbəb olur.
Stress, güclü psixoemosional gərginlik həzm proseslərinin pozulmasına səbəb olur ki, bu da köpün artmasına gətirib çıxardır.
Sağlam insanda köp heç bir xüsusi müalicə tələb etmir və özü-özündən keçir. Lakin köp insanı çox narahat edirsə, uzun müddət keçmirsə, köpdən əlavə insanda gəyirmə, ürəkbulanması, qəbizlik və ya ishal, iştahanın azalması kimi simptomlar əmələ gəlibsə, bu artıq həzm sistemində hər hansı xəstəlik və ya pozulmaya işarə edə bilər.
Bəzən köp xərçəngin simptomu kimi meydana çıxır. Məsələn, qadınlarda yumurtalıq xərçəngi zamanı köp, qarında ağırlıq kimi simptomlar çox tez-tez olur.
Ölkədə şəkərli diabet xəstələrinin dərmanlarla təminatında ciddi problemlər var.
Rusiyalı diyetoloq Yevgeniya Deqtyannikova qanda hemoqlobinin səviyyəsini artırmağa kömək edən bir sıra məhsullar haqqında fikirlərini bölüşüb.
İnsanlarda görmə kəskinliyi statik (stasionar) və dinamik (hərəkətli) şəraitdə kiçik detalları tanımaq qabiliyyəti ilə qiymətləndirilir.
24-26 may tarixlərində, La Roche-Posay Azərbaycanın, Аzərbaycan Dermatoveneroloqlar Assosiasiyasının, Bakı Pataloji mərkəzinin təşkilatçılığı və Zəfəran Hospitalın dəstəyi ilə “Dəri xərçənginin diaqnostikası günləri” aksiyası keçiriləcəkdir.
Hamiləlik zamanı qadının orqanizmi çox ciddi yükləmələrə məruz qalır. Qadının orqanizmində yeni həyat inkişaf edir və bu həyatın normal inkişafı üçün müxtəlif vitaminlər, mikroelementlər və s. maddələr lazımdır. Hamiləlik zamanı hətta bir vacib vitaminin və ya mikroelementin çatışmazlığı həm uşağın inkişafına, həm də qadının səhhətinə mənfi təsir edir. Məsələn, uşağın sümüklərinin formalaşmasına və böyüməsinə çoxlu miqdarda kalsium elementi lazımdır. Bu element ananın orqanizminə lazım olan miqdarda daxil olmadıqda, körpədən çox ana əziyyət çəkir. Körpə ananın orqanizmindən özünə lazım olan kalsiumu sovurur ki, bunun nəticəsində ananın dişlərindən, sümüklərindən, saçlarından kalsium yuyulur. Məhz bu səbəbdən qadının orqanizmində hamiləlikdən öncə kalsium defisiti varsa və ya hamiləlik zamanı lazım olan miqdarda kalsium qəbul etmirsə, o zaman qadınlarda dişlər ovulmağa başlayır, saçlar tökülür, ayaqlarda qıcolmalar olur.
