II Avropa Oyunları başa çatdı - YENİLƏNİB

II Avropa Oyunları başa çatdı - YENİLƏNİB
01 İyul 2019 09:01


Belarusun paytaxtı Minskdəki “Dinamo” Milli Olimpiya Stadionunda II Avropa Oyunlarının bağlanış mərasimi təşkil olunub.

Realpress.az-ın Minskə ezam olunmuş əməkdaşının məlumatına görə, tədbirdə Belarus, Rusiya, Tacikistan prezidentləri ilə yanaşı, Beynəlxalq və Avropa Olimpiya Komitələrinin prezidentləri iştirak ediblər.

Mərasim Belarusun dövlət himni ilə start götürüb. Ardınca iştirakçı ölkələrin bayraqları səhnəyə gətirilib. Azərbaycanın bayraqdarı “Minsk-2019”da qızıl medal qazanan karateçi Asiman Qurbanlı (+84 kq) olub.

Daha sonra müxtəlif rəqs kompozisiyaları nümayiş etdirilib və Belarusun simvolu olan Zubr ekranda canlandırılıb. Yerli ifaçılar mahnılar ifa ediblər.

Bu zaman idmanda vacib amillər olan yarışdan əvvəl, ikinci nəfəs, məşqçi, hörmət, yeni çağırış, könüllülər və qələbəni əks etdirən anlar nümayiş olunub.

Mərasimdə bayrağın növbəti Oyunların ev sahibi Polşanın Krakov şəhərinə ötürülmə mərasimi olmayıb. Tədbir zamanı Avropa Olimpiya Komitələrinin bayrağı endirilib.

Belarus Prezidenti Aleksandr Lukaşenko “Minsk 2019”u dostluq və birlik bayramı adlandırıb. O bildirib ki, bu bayramı hər şeydən əvvəl özlərinə hədiyyə ediblər:

“10 gün ərzində birlik ab-havasını siz idmançılar yaratdınız. Məşəli söndürməmişdən əməyi keçən hər kəsə, o cümlədən, jurnalistlərə, hakimlərə, könüllülərə təşəkkürümü çatdırıram.

Səkkiz min könüllünü itirə bilmərik. Onların bazasını hazırlamağı tapşırmışam. Azarkeşlərə də minnətdaram. Əziz qonaqlar, siz müharibəsiz, sakit şəraitdə yaşayan ölkədə oldunuz”. 

A.Lukaşenko Avropa Oyunlarının simvolu “Lesik” adlı tülküyə də təşəkkürünü bildirib və yarışa uzun və şərəfli ömür arzulayıb.

Avropa Olimpiya Komitələrinin (AOK) Prezidenti Yanez Kotsiyançiç də çıxış edərək, təmiz idman mübarizəsi şəraitində Oyunlar izlədiklərini qeyd edib. O, idmanda dopinqə qarşı amansız mübarizə aparacaqlarını diqqətə çatdırıb.

AOK rəhbəri “Minsk-2019”un Belarus üçün yaxşı sərmayə olduğunu sözlərinə əlavə edib və təşkilatçı ölkə üçün medal sıralamasında ikinci yeri gözəl nəticə adlandırıb. 

İyunun 21-də açılış mərasimi keçirilən və 10 gün bütün Avropanın diqqət mərkəzində olan yarışın Sülh məşəli də söndürülüb.

30 iyun, 23:48

Belarusun paytaxtı Minskdəki “Dinamo” Milli Stadionunda II Avropa Oyunlarının möhtəşəm bağlanış mərasimi başlayıb.

realpress.az-ın Minskə ezam olunmuş əməkdaşının məlumatına görə, mərasimdə 4500-ə yaxın könüllü və təxminən 2000 idmançı iştirak edir.

Bağlanış mərasiminin icraçı direktoru Yevgeni Timaşukun rəhbərliyi altında gedən hazırlıqlar son anadək gizli saxlanılıb. Bu da tamaşaçılara sürprizlər yaşatmaq məqsədi daşıyır. Təşkilatçılar bu mərasimə hazırlıq üçün ötən gecə də məşq təşkil ediblər.

Bugünkü bağlanış mərasimində bayrağın növbəti Oyunların ev sahibi Polşanın Krakov şəhərinə ötürülmə mərasimi olmayacaq.

Mərasim zamanı Oyunların bayrağı sadəcə endiriləcək. Tədbirdə müasir Belarus nümayiş etdiriləcək.

İyunun 21-də açılış mərasimi keçirilən və 10 gün bütün Avropanın diqqət mərkəzində olan yarışın Sülh məşəli də yalnız bağlanışın sonlarında söndürüləcək.

Tədbir çərçivəsində keçiriləcək iştirakçı ölkələrin paradı zamanı Azərbaycan komandasının bayraqdarı karateçi Asiman Qurbanlı olacaq.

Səbuhi Musayev

23 Apr 2024
İdman

Ülviyyə Fətəliyevadan ardıcıl 4-cü qələbə ilə liderlik

Qadın şahmatçılar arasında Avropa çempionatında IV turun oyunları keçirilib.

23 Apr 2024
İdman

Azərbaycanın üç boksçusu Avropa çempionatında günü qələbə ilə başa vurdu

Azərbaycanın üç boksçusu Serbiyanın paytaxtı Belqradda keçirilən Avropa çempionatının beşinci günündə çıxışını qələbə ilə başa vurub.

23 Apr 2024
İdman

Avropa çempionatı: Azərbaycan paraüzgüçüsü gümüş medal qazanıb

Azərbaycan paraüzgüçüsü Raman Saley Portuqaliyanın Madeyra şəhərində keçirilən Avropa Açıq Çempionatının ikinci günündə gümüş medal qazanıb.

23 Apr 2024
İdman

Avropa çempionatı: Azərbaycan boksçusu erməni rəqibini məğlub etdi - VİDEO

Azərbaycan boksçusu Anaxanım İsmayılova Serbiyanın paytaxtı Belqradda keçirilən Avropa çempionatına qələbə ilə başlayıb.

22 Apr 2024
İdman

Azərbaycanın cüdo millisi Avropa Kubokunda dördüncü olub - FOTO

Azərbaycanın cüdo yığması İtaliyanın Liqnano şəhərində gənclər arasında keçirilmiş Avropa Kubokunda ümumi hesabda 4-cü, oğlanlar arasında isə 2-ci yeri tutub.